ROMAHAY 15:3 - Bible en langue guiziga

³ Asi mike na, Kristu a sipi di gwat ngi cira hiri da vu naŋ ta, amma a tohoko na: «Zi ngi mizli muzukuw na, a mbiɗi nga hirnga ɗu.»

ROMAHAY 15:3 ပူးပေါင်းရင်းမြစ်များ

DIMISEY 69:20

Ki si na le, ara zikiy, ara pikiy mesem, yo a purikiy ka mbur ta, mizli mazliram ti ya tahaya, t'ani cek a mbuŋ ɗiki.

DIMISEY 69:9

yo i tiri mulak le a wuzla sukum ɗuwoyo, ziri ngi mumuŋ ɗuwoy kwana, a sinikiy mata.

Matiye 10:25

Mbur mudubuno, a zlir le ɓa a tiri ka mbur madubunaŋ di, yo gawla ngi mburo, a zlir le ɓa a tiri ka buy naŋ ya. Da a gam ti buy ngi haya le i Beˀelzebul na, a sa gam ti mizli ngi hay naŋhaya fineˀ nah ta jak kwa?

Matiye 26:39

Joˀ aru zar neˀ na, a huruk huruk, midibiɗ dir a ruwuy, a dirdibiɗ, a ɓi: «Aw Baha, da a gi zleˀe na, anja sikiɗ ngi bonoy misenna a kirih kileŋ avu ya. Amma ka ya mawuɗ ta ɓula, sey kaɓa ka mawuɗo.»

Matiye 26:42

A mi, aru zar neˀ ngi mucuw naŋ ma, a dir dibiɗ, a ɓi: «Baha, da sikiɗ ngi bonoy misenna a cuh gu ta, sey yi sa cummo na, anja a gi kaɓa ka mawuɗo.»

Matiye 27:44

Ko mufuyvuhoy midiraka taŋ bumoˀ ati naŋ vuna kwana, ara zakaŋ ya.

Ɓimezle ngi Yesu Kristu ZAŊ mitil di mi 15:10

Ɓimuɗuva ɗuwoyo, da ki ra jaka a hirnga na, naɓa kisa ndiram jom ar wuɗavu ɗu, kaɓa ya mija ɓimuɗuva ngi Baha a hirnga, yo ya misi ada jom ar wuɗavu naŋ na ya.

Ɓimezle ngi Yesu Kristu ZAŊ mitil di mi 15:24

Slra tayna, ya miga taŋ a wuzla taŋ na, da i slra misi mbur miga taŋ ɗaˀ zleˀe ta na, anja mungra anta avu taŋ ta. Amma wurenna, a puraka le ngbaŋ, na kwana, ara gam mesene ti ndra ati Baha ɓula na si.

Ɓimezle ngi Yesu Kristu ZAŊ mitil di mi 4:34

Yesu a ɓa taŋ: «Gwat ngi zum ɗu, i gi gwat Buymisemuŋ mislino ya mawuɗo, waɗ kiɗa mi ngi slra naŋ.

Ɓimezle ngi Yesu Kristu ZAŊ mitil di mi 5:30

Ya ti hirnga ɗu, y'anta gi gwat ko neˀ ta. Yi ga kiita weˀe avu ya macin, yo kiita ya maga, naŋ jeŋŋe, asi i sipi di i gwat ya mawuɗ ta, amma gwat mbur mislino ya mawuɗo.

Ɓimezle ngi Yesu Kristu ZAŊ mitil di mi 6:38

Vur yi po sar paɗ a muŋ, ɓa yi gi gwat ngi mongoy ɗu ta, amma gwat mbur mislino ya mawuɗo.

Ɓimezle ngi Yesu Kristu ZAŊ mitil di mi 8:29

Mbur mislino ya, naŋ da ati ya, a puliy fuk pal ɗu ta, asi yi gi di i gwat maciraŋ hiri ndrehhe.»

KORENTIHEY MUCUW NAŊ 8:9

Naŋ kine, mezle ngi Buy Yesu Kristu miga ndra di na, ki sinaka le: naŋ misi zlili zleˀe na, a tiri misi murga vur kum, ɓa a gukum zlili ti murga naŋ na.

FILIPIHEY 2:5

Gaka kahana ar wala kumo, kaɓa mizli magaka tisi Yesu Kristu na.

FILIPIHEY 2:8

A hin hirnga, a cin mi, hã avu mucu, muc angi dum mizliraŋ.