ROMAHAY 13:2 - Bible en langue guiziga

² Naŋ kine, mbur masli himaˀ avu mizli miwi hirwuyoy na, kite ara sli himaˀ avu ɓi Buymisemuŋ miɓa. Mizli maslaam himaˀ gar na, a sa soko ti kiita nga hirnga taŋ vuna a muŋ.

ROMAHAY 13:2 ပူးပေါင်းရင်းမြစ်များ

BI NGI ISRAYELEY 16:8

Moyis a wuɗ a ɓi na: «Ki sa puraka, ti pastaˀa, Bumbulvuŋ a sa vulukum useˀ, ti miprike, a sa vulukum ɗaf hã ki mbam, asi Bumbulvuŋ a cine kum madirɗakaŋ na le. Ndra, ndr'i ndilaka ta. Kum madirɗam na, i ndra ta, amma ki dirɗam di i Bumbulvuŋ gisiŋ gisiŋ.»

EZAYI 58:2

Taŋ ara sipikiy vur hin gar, a wuɗam na, ɓa a sinaka gwat ya mawuɗ avu taŋ. Taŋ kaɓa sukwi ngi mizli migam gwat mijeŋŋe le, yo gwat ya Buymisemuŋ taŋ mawuɗ ɓa mbur a ga zuy na, a pulaka ta. A wuɗam sey i ga taŋ kiita mijeŋŋe, yo a wuɗam anja t'ada gweˀ avu ya.

Matiye 23:13

«Kum buy ngi ɓimujuwahay ati Farisa miɓi micuw cuwoy, kay, kum ar bonoy! Asi kum matikaka mizli ɓa a cam ng'ar Zumabuy ngi muŋ ta na. Asi mike, kum vuna, kum anta cam ta ma. Na, mizli mawuɗam ci ma na, ki pulaka taŋ ɓa a cam ta ma [

Mark 12:40

A ra zumaka zlili ngi wudigahaya, yo da ara diram dibiɗ na, a zikam di kwiliŋ kwiliŋ, ɓa mizli a sinaka taŋ. A sa gaka taŋ kiita mutuwaˀ miwãˀ naŋ!»

Ɓimezle ngi Yesu Kristu LUK mitil di mi 20:47

Taŋ mazumaka zlili ngi ngwas wudigahay, yo taŋ madiram dibiɗ hã a zikam di, ɓa mizli a puraka taŋ na ma na, a sa gaka taŋ kiita mutuwaˀ haɗi teˀe!»

ROMAHAY 13:1

Anja sey mbur gar a hin hirnga a mbuŋ mizli miwi hirwuyoyo. Da Buymisemuŋ a vula ta na, ko zumabuy anta. Mizli muroko zumam buy na, i Buymisemuŋ micifa taŋ.

ROMAHAY 13:3

Naŋ kine, da mbur ara gimezle na, a zluwun ti mizli madiɗa miwi hirwuyoyo ta, sey da mbur ara gi gwat malambaˀa. Da ki wuɗ le ɓa ki zluwun ti mizli miwi hirwuyoyo ta na, gimezle, dar a sa hunumukuw.

ROMAHAY 13:5

Vurˀe, naŋ kuy ɓa ngi hin hirnga a mbuŋ mizli miwi hirwuyoyo. Anta ngi tika himaˀ ngi Buymisemuŋ tewle ta, amma asi wuluk ngir mevel ɗik maɓuw ɓa ki gaŋ.

ROMAHAY 9:19

Asinta, mbur a sa ɓiy: «Da kine na, Buymisemuŋ a mbiɗa hirnga da mizli ngi mi aruŋ maka? Da Buymisemuŋ a wuɗ le a gi kanah na, masli himaˀ ava gu, i waka» kwani?

Ɗerewol TIT 3:1

Mahiri ngi ɓi hana da mizli gar, sey a hinam hirnga a mbuŋ mizli miwi hirwuyoy, waɗ a mbuŋ mizli madiɗahay. Sey a cinaka taŋ mi, yo anja a juwam vu ngi gi gwat mezle ko wanaka gar.

Ɗerewol ZAK 3:1

Sukum ɗuwoy, anja kum gar kumo, ki tiram mudubuna gwat da mizli ta. Asi ki sinaka le, ndra mudubuna gwat da mizli na, Buymisemuŋ a sa ga ndra kiita ti himaˀ haɗa.

PIYER MUDUMBUŊ NAŊ 2:13

Hinam hirnga a mbuŋ mizli madiɗa ngi duniyahaya asi Buymisemuŋ. Hinam hirnga a mbuŋ buy mimadiɗa, asi i naŋ mufuna buyoy gar.