ROMAHAY 11:9 - Bible en langue guiziga

⁹ Davit kwana, a ɓi: «Anja muguzlum taŋ a tiri mazaɓ, malla zuva avu taŋ, ɓa a ndilam, a kutam weˀe avu gwat ngi gi taŋ.

ROMAHAY 11:9 ပူးပေါင်းရင်းမြစ်များ

Ɗerewol JOP 18:10

Zeweɗ masa ngirɗaŋ vuna, a ro dak dak a ruwuy, a lakaŋ denges le a jiviɗe ɓa a diɗ ng'araŋ.

DIMISEY 28:4

Gi ti taŋ weˀe avu gwat ngi gi taŋ, weˀe avu malambaˀ taŋ! Gi ti taŋ kaɓa taŋ migam ti mizli na ya, mbiɗa malambaˀ taŋ nga hirnga taŋ a muŋ.

MIKUCUWULOY 1:32

Asi maziza misi hirnga midigizlahaya, i taŋ mangumam tiɓa sinmijileŋ ta na, yo maziza gilawaya, i taŋ mawulkam neˀ ta na.

EZAYI 59:18

Gwat mizli magaka na, a sa mataŋ di weˀe ava ya, a pa himaˀ naŋ ar mizli mazliram ti naŋ ta, yo a sa pula cuwal naŋ ar mesene naŋhay. Ko mizli mikileŋhey kwana, a sa pula cuwal naŋ ar taŋ.

EZAYI 66:9

Ya Bumbulvuŋ i ɓi na, da i wuna jiviɗ le, ɓa a ya ka mburo ma na, anta sa ya ka mata kwa? Maɗiya jiviɗ ngi yi mbur i ya ma na, i tika ɓa a ya ka mata mbri mbri maka? Maɓi i ya Buymisemuŋ ɗiki.

Matiye 16:23

Amma Yesu a mbiɗa duba da Piyere, a ɓaŋ: «Kirih kileŋ avu ya, Satan! Ki ra wuɗ ɓa ki biy sar, asi wuluk ɗik i wuluk ngi Buymisemuŋ ta, amma i wuluk ngi mizli si.»

Ɓimezle ngi Yesu Kristu LUK mitil di mi 12:20

Amma Buymisemuŋ a ɓaŋ: ‹Gilaw lambaˀ! A sa zuɓaka siifa ɗike ar duvuɗ hana vuna si. Na, gwat ka mukuso taŋ hana, a sa ndir da waka?›»

ROMAHAY 14:13

I gam kiita da mbur ar wala ndra ta, kuɗukum mi naŋ. Zuwen tumom vu, ɓa ki gam gwat ngi ba sar da sukum kumo, ɓa a diɗ ar mungra ta, malla ɓa ngi ci di ng'ar mungra ta jaka.

Slu cuw 32:35

Tapas taŋ masa ndilam na, i sa pula cuwala, i sa ga taŋ gwat weˀe avu malambaˀ taŋ na. Asi hin ngi bonoy taŋ naŋ gweˀe, yo gwat makutuko taŋ, anta zum vu mata.

HEBEREY 2:2

Asi mingiɓi ngi Buymisemuŋ, modro naŋhay mitilam di mi na, a ga slra naŋ le, yo mbur mingila ɓi nah, micin mi ta gar na, Buymisemuŋ a kutaŋ le weˀe avu malambaˀ naŋ.