ROMAHAY 10:9 - Bible en langue guiziga

⁹ Da ki ɓi le njah ti mi ɗik a mbuŋ mizli gar: «Yesu i Buy», yo da ki tiɓa le ti mevel purla, Buymisemuŋ a slikiɗa le baɗ ti wuzla mumucahaya na, kisa lih.

ROMAHAY 10:9 ပူးပေါင်းရင်းမြစ်များ

Ɓimezle ngi Yesu Kristu LUK mitil di mi 12:8

Yi ɓukum na: Ko wa gar masa ɓi njah a mbuŋ mizli, naŋ i mbur ɗu na, Mangal ngi mbur a sa ɓi njah a mbuŋ modro ngi Buymisemuŋhoyo, naŋ i mbur naŋ ya.

Ɓimezle ngi Yesu Kristu ZAŊ mitil di mi 9:22

Miyi naŋhay a ɓam kahana, vur a zluwunam ti Yudeheye. Asi Yudehey a jumom ˀay le ar wala taŋ, a ɓam: «Ko wa gar miɓi le: ‹Yesu i Mesi› na, a ɓulaka tir hay ngi dira dibiɗ avra.»

SLRA 16:31

A mbiɗakaŋ di: «Tuɓa Buy Yesu, ɓa kisa lih, ka ati hay ɗike gar.»

SLRA 2:24

Amma Buymisemuŋ a slikiɗa le a muŋ ti wuzla mumucahaya, a cukoŋ le tir bonoy ngi muco, ɓa muc a lum gidaŋ ar naŋ, a ja na, a gi ta.

SLRA 2:32

«Yesu nah na, Buymisemuŋ a slikiɗa le a muŋ na, ndra gar i migi sedewo naŋhay.

SLRA 8:36

A zuɓaka jiviɗe, ara ndilam kasl a mi futuŋ, joˀ mbur Etiyopi a ɓa Filipe: «Yam anihĩ, matikiy ɓa ngi ci ar yam i mi maka?»

ROMAHAY 10:10

Vur mike na, mbur matiɓi ti mevel purla na, Buymisemuŋ a ɗiyaŋ jeŋŋe, yo mbur maɓi njah ti mi naŋ kwana, Buymisemuŋ a lahaŋ.

ROMAHAY 14:11

Asi a tohoko na: «Buymisemuŋ a ɓi: Kaɓa ya misi ti siifa gisiŋ na, mizli gar a sa dilkam a mbuŋ ɗu, yo mbur gar a sa ɓa njah ti mi naŋ: Buymisemuŋ, naŋ ti dudoko.»

ROMAHAY 14:9

Asi Kristu mumuc, yo naŋ mislikiɗ ti wuzla mumucahay a muŋ na, ɓa a tiri Buy ngi mizli mumucahay ati misi ti siifahay ma gar.

ROMAHAY 4:24

amma a tohoko vur ndra ya. Ndra, Buymisemuŋ mapura ndra, ndr'i mizli mijeŋŋehey asi tiɓi na. Ndra i ra tiɓaka, i naŋ mislikiɗa Buy ndra Yesu ti wuzla mumucahaya.

ROMAHAY 8:34

Mbur maga taŋ kiita gu, i waka? Anta wãˀ! Asi Yesu Kristu a muc le, yo mukuy wãˀ ma na, a slikiɗ le, naŋ da tir vay hazum ngi Buymisemuŋ, ara dir dibiɗ ar deɗe ndra.

KORENTIHEY MUDUMBUŊ 12:3

Vurˀe, i ɓukum na, da mburo, naŋ ti ˀUf ngi Buymisemuŋ na, ɓa a ɓi: «Yesu i minisa le» na, a ɓi ta. Yo da mburo, naŋ anta ti ˀUf Mipal ta na, ɓa a ɓi: «Yesu i Buy» na, a ɓi ta.

FILIPIHEY 2:11

ɓa mizli gar a tilam mi, a ɓam: «Yesu Kristu i Bumbulvuŋ», ɓa ngi ga dudok da Cine ndra Buymisemuŋ.

PIYER MUDUMBUŊ NAŊ 1:21

Kum matiɓaka Buymisemuŋ na, mbele naŋ, naŋ mislikiɗaŋ ti wuzla mumucahay, yo muvulaŋ dudok, hã tiɓi kum ati njaha hiri kum, a cici angi Buymisemuŋ.

ZAŊ MUDUMBUŊ NAŊ 4:15

Ko wa gar maɓi njah: «Yesu i Mangal ngi Buymisemuŋ» na, Buymisemuŋ naŋ jom ati naŋ, yo naŋ kwana, naŋ jom ati Buymisemuŋ ya.

ZAŊ MUCUW NAŊ 1:7

Mizli mitikina vuhoy ada haɗa, a yam vu le zlar duniya. Yesu Kristu a tiri mbur le gisiŋ gisiŋ na, t'anta ngumam sin naŋ ta. Mbur magi kahana na, i mitikinavu, i mesene ngi Kristu.