ROMAHAY 10:2 - Bible en langue guiziga

² Asi i ga sedewo taŋ gu: A roko ti may ngi gi gwat ngi Buymisemuŋ haɗi haɗi, amma a sinaka jiviɗ ngi gi naŋ ta.

ROMAHAY 10:2 ပူးပေါင်းရင်းမြစ်များ

BUYOY MUCUW NAŊ 10:16

Zehu a ɓaŋ: «Ka so asi ya, ɓa kisa pura ya macik vu ti wuɗa Buymisemuŋ na.» Joˀ ti Zehu a zuɓaka jiviɗe bummoˀ ati Yonadapa angi mota naŋ ngi vurumo.

MIKUCUWULOY 19:2

May gwat manja wuluk kuy kuy na, gwat mezle anta ara ta. kil katakata a lum ɓi.

EZAYI 27:1

Ti hin nah na, Bumbulvuŋ, maslalam naŋ mitataɓ tataɓ, madiɗa, migidaŋ na, a sa cici di zlak ng'ar Leviyataŋ, kaw masumuɗu, ng'ar Leviyataŋ, kaw micirmisl cirmisl na. A sa kiɗa ngoŋngoŋ ngir mubibliye vagay.

Ɓimezle ngi Yesu Kristu ZAŊ mitil di mi 16:2

A sa ɓulukum avra tir hay ngi dira dibiɗeye. Mifineˀ nah ma na, pas naŋ ara ndilawa, tapasa mbur mukuɗukum le vagay vagay na, a sa wa kaɓa a gi di i mikuli da Buymisemuŋ.

SLRA 21:20

Micin naŋhay gar na, a hunumaka Buymisemuŋ, a ɓaka Polo: «Sukum ndra, pura aka na, Yudehey gwat ngi durmuk mbeˀ mbeˀ mitiɓaka ɓi misenna, ɓimujuwa na, ara jaka ɓi nah a hirnga ti gidaŋ na si.

SLRA 21:28

A tilam mi: «Israyeley, gawla kilawa! Mbur maɓi ɓi malambaˀ ar mizli Israyeley, ar Ɓimujuwawaɗ waɗ ar hay ngi Bumbulvuŋ tuwa, n'ani. Ko amaka gar, yo ko da waka gar na, ara til di mi, hã ani a co ti Grekey ng'ar Hay ngi Bumbulvuŋ aka. Naŋ kine, ara hirya li Mipal hana.»

SLRA 22:22

Yudehey micinaka mingiɓi ngi Polo hã avu naŋ miɓa hana na, dar a zlaka a tilam mi, a ɓam: «Zuwen zizeˀ mbur misi kahana avra! A zlir ɓa a ndir ti siifa ta!»

SLRA 22:3

«Yi mbur Yude, a yikiy a Tarse, hirwuy Silisi. Amma yi gil angi walahay Zeruzalem aka. Yo i dubuna ɓimujuwa ngi dideˀ ndraˀahaya le kuy kuy wãˀ avu Gamaliyel. Ya zleˀe wirwir ar ɓi ngi Buymisemuŋ kaɓa kum gar dana vuna ya.

ROMAHAY 10:1

Sukum ɗu misikristuhoy, i ra wuɗ ti mevel ɗu wãˀ, ɓa Yudehey a laham, yo i ra tumbulo Buymisemuŋ vurˀe ma.

ROMAHAY 10:3

Asi mike na, jiviɗ Buymisemuŋ maɗiyi di mizli jeŋŋe na, a slaka wala nah ta. Joˀ taŋ a puram jiviɗ ti haŋ taŋ, ɓa a tiram jeŋŋe. Vurˀe, jiviɗ Buymisemuŋ maɗiyi di mizli jeŋŋe na, a hinam hirnga aseˀe ta.

KORENTIHEY MUCUW NAŊ 4:4

Mizli misi hirnga gidaŋhay anta tiɓaka Ɓimezle ta, asi Satan, taŋ madilkam a mbuŋ naŋ ar duniya hana na, a digisla taŋ lesle le, ɓa li minjahha ngi Ɓimezle, ngi ga dudok da Kristu na, a puraka ta. Kristu i foto ngi Bumbulvuŋ vuna.

KORENTIHEY MUCUW NAŊ 4:6

Asi Bumbulvuŋ miɓi zleˀe: «Anja li a pusluɗ njahha angi luvuŋ» na, mupusluɗ a mevel ndrahay njahha na, i naŋ vuna, ɓa i sinaka dudok naŋ mawucuɗ njahha a mihiri ngi Kristu.

KORENTIHEY MUCUW NAŊ 8:3

I ga sedewo taŋ gu: a vulam weˀe avu gidaŋ taŋ, hã a funa gidaŋ taŋ vuna le ma, a vulaka ngi mongoy taŋ.

GALATAY 1:14

Jiviɗ Yudehey masipaka na, ja ɓi nah le, i ra ru di nga mbuŋ nga mbuŋ fineˀ vendeke ngi Yude mendele ɗuwoy ati muy ɗuwoyo. Ya wirwir haɗa ar sirik ngi dideˀ ndraˀahaya.

GALATAY 4:15

Ki roko ti mumul haɗi zleˀe ngbaŋ, na, i mi migi ska? Asi y'ani ga sedewo kumo: Da a gi zleˀe na, ko a bi ngi huzlugiy zinga hiri kumoy kwana, ki huzlugukiy taŋ.

FILIPIHEY 1:9

Diradibiɗ ɗu avu Bumbulvuŋ ani: ɓa anja ki wuɗam vu nga mbuŋ nga mbuŋ ava, ki ndiram hiri ɗeŋ ɗeŋ waɗ ki slaka wala ngi ɓi kuy kuy wãˀ,

FILIPIHEY 3:6

Yi hurdum le hirdam ngi sipa cikil ngi misikristuhoyo nder nder. Vur gi jeŋŋe mbur maluma tisi ɓimujuwa na, ko mbur mambiɗiy hirnga aseˀe gu, anta.

KOLOSOY 4:13

Ya maga sedewo naŋ na, asi ara gir haɗi vur kumo, vur Lawdisehey, waɗ Hiyerapolisey.