ROMAHAY 1:4 - Bible en langue guiziga

⁴ Amma ti naŋ mislikiɗ ti wuzla mumucahay na, ˀUf Mipal a biga le ti gidaŋ, naŋ i Mangal ngi Buymisemuŋ.

ROMAHAY 1:4 ပူးပေါင်းရင်းမြစ်များ

Matiye 4:3

Mitikina vu a kirih ng'avaŋ, a ɓaŋ: «Da ki Mangal ngi Buymisemuŋ na, ɓa ɗugur hanayna, ɓa a tiram ɗafahay sini.»

SLRA 17:31

Naŋ kine, a ɗuv hin le pal, naŋ masa ga kiita mijeŋŋe da duniya gar tapasa. Masa ga taŋ di, i mbur naŋ muwunaŋ. A biga le njah wãˀ da mizli gar ti naŋ mislikiɗaŋ ti wuzla mumucahay na.»

SLRA 2:24

Amma Buymisemuŋ a slikiɗa le a muŋ ti wuzla mumucahaya, a cukoŋ le tir bonoy ngi muco, ɓa muc a lum gidaŋ ar naŋ, a ja na, a gi ta.

SLRA 2:32

«Yesu nah na, Buymisemuŋ a slikiɗa le a muŋ na, ndra gar i migi sedewo naŋhay.

SLRA 3:15

Naŋ kine, Buy ngi siifa, kum mikiɗaka vagay na, Buymisemuŋ a slikiɗa le a muŋ ti wuzla mumucahaya. Ndr'i sedewo naŋhay.

ROMAHAY 1:3

I Ɓimezle maɓi ɓi ngi Mangal naŋ, Buy ndra Yesu Kristu. Taŋ miyakaŋ i mbur na, angi tizer ngi Daviti.

KORENTIHEY MUCUW NAŊ 13:4

Ti taŋ midirakaŋ avu dum mizlira na, i hĩhĩy gisiŋ ɓula. Amma naŋ ti siifa ti gidaŋ ngi Buymisemuŋ. Ndra kwana, ndr'i hĩhĩyahay asi ndra mujom ati naŋ na ya. Amma ndr'i sa bugukum di, ndra ti siifa jom ati naŋ ti gidaŋ ngi Buymisemuŋ.

HEBEREY 9:14

Na, pumbus ngi Kristu, naŋ gidaŋ fineˀ nah ta jak kwa? Naŋ ti haŋ naŋ, a vula hirnga naŋ ti ˀUf Mipal ngi sete, a gi di mikuli manja gwat malambaˀ araŋ. Pumbus naŋ a buna wuluk malambaˀ ngir mevel ndra, ɓa i huruk hurukam a mbuŋ Buymisemuŋ misi ti siifa.

PIYER MUDUMBUŊ NAŊ 1:11

Gwat ˀUf ngi Kristu mibiga taŋ di, misi avu taŋ na, a sipaka ɓa a sinaka hin naŋ ati li naŋ. Asi ˀUf Mipal a njika le daf dumbuŋ, bonoy ara kutuko Kristu, yo a dirba nah na, a sa lum dudoko.

PIYER MUCUW NAŊ 1:21

Asi mike na, ɓimutoho Buymisemuŋ minjika da mijiviɗey miɓaka gar na, ko ɓi pal magi asi wuɗ ngi mbur na anta ndiɗaˀ wãˀ. Amma mizli miɓam ar deɗe ngi Buymisemuŋ na, i ˀUf Mipal muvula taŋ di.

ƁIMUNJUYO 1:18

yo ya ti siifa. Yi muc le zleˀe, amma pura, y'ani ti siifa hã ngi sete. Lakle ngi muc ati ngi li cifi ngi mizli mumucahaya, naŋ asi haŋ ɗu.

ƁIMUNJUYO 19:10

Dar i huruk huruk ɓa yi putukul a mbuŋ naŋ, amma a ɓiy na: «Ji lesl, ki ga ta, yi cil ɗik gawla ngi Buymisemuŋ, kaɓa ka vuna ati sukum ɗikey majaka ɓi mijeŋ ngi Yesu minjika na ya. Anja sey ki putukul a mbuŋ Buymisemuŋ jaka. Asi ɓi mijeŋ Yesu Kristu minjika na, i ˀUf naŋ manjika ɓi da mijiviɗey na.»