PIYER MUCUW NAŊ 3:9 - Bible en langue guiziga

⁹ Mizli mekelemeye, a waka kaɓa Bumbulvuŋ ara mur ngi ga gwat naŋ miɓa ɗaˀ le na. Ĩˀĩ, naŋ anta mur ta. Amma a kutuk di i kum jaka. Anta wuɗ anja mizli mekelemey a zizam ta. Amma a wuɗ ɓa mizli gar, a mbiɗam mevel.

PIYER MUCUW NAŊ 3:9 ပူးပေါင်းရင်းမြစ်များ

DIMISEY 77:8

Bumbulvuŋ a puliy ya mbur naŋ fuk wãˀ sukwa? A wuɗ ya mata wãˀ sukwa?

DIMISEY 86:15

Amma ka so na, Bumbulvuŋ, ki Buymisemuŋ, mapur ircece, yo misi mevel mezleŋ, maji mevel kutum ta, ka teŋteŋ haɗa, yo kakaslsla ma.

BI NGI ISRAYELEY 18:23

Da ki ra ga kahana, ka Buymisemuŋ mawuɗ na, naɓa kisa gir ta, yo ma na, mizli gar a sa mam ngi hay taŋhay ti mevel taŋ zuyyo.»

BI NGI ISRAYELEY 32:32

Amma wurenna, ambuh takwa, pula taŋ mungra taŋhaya! Da kine ta na, slimiɗ ɗu ka mutoho ar ɗerewol ngi siifa na, vuvuyo avra.»

BI NGI ISRAYELEY 33:11

Bumbulvuŋ a ɓam ati Moyise hiri taˀ taˀ, kaɓa mbur maɓam ati cil naŋ. A dirba nah, Moyis a mi ng'ar walahay a muŋ, amma gawla naŋ Zozuwe, mangal ngi Nun, a ndir a hur guɗuko.

BI NGI ISRAYELEY 34:6

A dirba nah, Bumbulvuŋ a cuh ti mbuŋ Moyise, a til mi, a ɓi: «I ya Bumbulvuŋ, yi Bumbulvuŋ, Buymisemuŋ mupura ircece, misi mevel mezleŋ, i ji mevel kutum ta, ya teŋteŋ, yo kaslsla haɗi.

TILA MI 8:11

Asi anta gaka kiita vur slra malambaˀa kutum ta tuwa na, mevel ngi mizli titiraˀahaya, i minaha le ti gi gwat malambaˀa da mizli.

EZAYI 30:18

Amma so na, Bumbulvuŋ ara kutuk hin ɓa a luhukum, a wuɗ a bugukum naŋ mapur ircece na kutum, asi mike, Bumbulvuŋ i Buymisemuŋ mijeŋŋe. Mizli manjaham hiri ar naŋ na, taŋ ar mumul.

EZAYI 46:13

Gi jeŋŋe ɗu, naŋ gweˀe, naŋ anta kileŋ ta, ɓi ngi ya malih vu na, naŋ anta mur mata. I sa vulo ɓi ngi laha vu da mizli Siyoŋhoyo, i sa ga ɓa Israyeley a lumam dudok ɗu.

EZEKIYEL 33:11

‹Slikiɗa ɓi ndra ati malambaˀ ndraˀahaya, t'ani hirisl hirisl ar ndra, ndra mamicam na vurˀe, ɓa i sa ndiram ti siifa zleˀe mbri mbrike?› Ɓa taŋ na: Kaɓa ya misi ti siifa gisiŋ na. I wuɗ ɓa mbur misi moˀore a muc ta, amma ɓa a mbiɗa gwat ngi gi naŋ, ɓa a ndir ti siifa jaka. Mbuɗoko hiri, pulaka gi gwat malambaˀ kumoyo. Kum Israyeley, ki wuɗam ɓa sey ki micam cummo na vur mike? I ya Bumbulvuŋ, Buymisemuŋ maɓi.

DANIYEL 4:29

A sa ɓulukuw ti wuzla mizli avra, kisa cifi ati gwat misahmihey a ɓuh. Ki sa zum giziŋ kaɓa sla. Ki sa ndir kanah vi tarnaˀ, hãka misa tiɓa le kuy kuy, Buymisemuŋ Mimadiɗa wãˀa, i madiɗa ar zumabuy ngi mizli titiraˀahaya, yo a vula da mbur naŋ muwuɗ le gar.»

HABAKUK 2:3

asi gwat ka mupura ti kleŋ na, hin naŋ i manja sli aruŋ. Naŋ gweˀ ngi kiɗa mi, anta sa gi slir ta. Da ki puraka le kaɓa ara mur na, kutukokoŋ, asi a sa ndilo gbaˀa, ko anta mur ta.

ROMAHAY 13:11

Hin ndra misi anga hana, ki sinaka le. Ler a gi le ɓa ki puɗkam tir hinje kumoyo. Asi mike na, dana hin ngi lih ndra a dungufo ndra le wãˀ, fineˀ ndra mizlaka tiɓi ndra cikiɗeffe.

ROMAHAY 13:12

Duvuɗ a cuh le haɗi, li a sa wun gweˀe. Pulukum gi gwat ngir luvuŋ so. Hulukum gwat ngi vurum ngi li minjahha.

ROMAHAY 2:4

Buymisemuŋ maɓus ɓi haɗi, mavul haɗa, gimezle naŋ mihaɗi na asin ta, ki ra gi di kaɓa ɓi ngi sefel kwani? Mezle ngi Buymisemuŋ maguw di, ɓa ki mbiɗa mevel ɗike na, ki si na takwa?

ROMAHAY 9:22

Da Buymisemuŋ, a wuɗ biga himaˀ naŋ ati gidaŋ naŋ le avu mizli mekelemeye na, asi a ndilaka le ter ɓa a pa himaˀ naŋ angi taŋ, yo taŋ gweˀ ngi zizi. Dambalaka na, a ɓus di ni ɓi ti ɓus haɗi.

TIMOTE MUDUMBUŊ NAŊ 1:16

Na, Buymisemuŋ a puriy ˀircece le na, aseˀeŋ. Yi madiɗa ngi migi mungrahay gar, Yesu Kristu a biga naŋ mandi ɓi haɗi na le avu ya. Yo ɓa nga mbuŋ, mizli masa tiɓakaŋ, ɓa a lumam siifa ngi set na, a sa puraka avu ya.

TIMOTE MUDUMBUŊ NAŊ 2:4

Buymisemuŋ a wuɗ ɓa mizli gar a laham, yo ɓa a sinaka ɓi mikaslsla.

HEBEREY 10:37

Asi mike, a tohoko na: «Asi a ndir neˀkini, a ndir mata, mbur masa sawa tuwa, a sa sawa, naŋ anta sa mur mata.

PIYER MUDUMBUŊ NAŊ 3:20

I musuɗuk ngi mizli misi zleˀehey, micinam mi da Buymisemuŋ ta, ti naŋ mukutuk hã Nowe miɗiya palalam, mizli dangafaɗ tewle milaham tir yam na.

PIYER MUCUW NAŊ 1:4

Naŋ kine, gwat madiɗahay muwãˀ, naŋ miɓa ndra di ɗaˀ le na, a vula ndra taŋ le, ɓa kisa laham tivu duniya mizãˀã le ti hĩyã gwat, ɓa kisa jumom ar kpak ngi Buymisemuŋ.

PIYER MUCUW NAŊ 3:15

Yo kum ɓam jak na, ndiɓi mihaɗa ngi Bumbulvuŋ na, i jiviɗ ngi lih kum. Sukum ndra Pol, yo i ngama ndra ma, naŋ mutuhukum ɗerewol ti sinmijileŋ, Buymisemuŋ muvulaŋ di na, pulaˀvra naŋ i nah.

ƁIMUNJUYO 2:21

I vulaŋ hin le ɓa a zil marava, amma anta ngum ɓa a zil marava ngi pula gi sulome naŋ na ta.