PIYER MUCUW NAŊ 3:7 - Bible en langue guiziga

⁷ Amma muŋ ati hirwuy muwurenna na, Buymisemuŋ a ja taŋ le kaw ti mingiɓi naŋ misi purla nah, ɓa i vu masa zuma taŋ. A wi taŋ vu le weˀ, ngi ndila hin ngi kiita ati hin ngi zizi mizli mizirɗa miheye.

PIYER MUCUW NAŊ 3:7 ပူးပေါင်းရင်းမြစ်များ

DIMISEY 102:26

I ka miga hirwuyo, diga misi nga dana ta, yo miga muŋ i ka ti haŋ ɗike ma.

DIMISEY 50:3

Anja Buymisemuŋ ndra a sawa, yo anja a taˀa mi ta! Vu mihilɓiɓ, ara zuma li a mbuŋ naŋ, burkataŋ gambara gun hirnga naŋ.

EZAYI 51:6

Zuɓaka hiri nga muŋ ɗi, yo puram nga ruwuyo ma ɗi. Haˀaw, muŋ a sa susuyum kaɓa cunju, hirwuy a sa hiryi kaɓa zana, dar mizli ngi raˀahay a sa micam kaɓa mevreŋhey. Amma laha vu ya masa ga na, a sa ndir ngi set, yo gi bugawla ɗu, anta sa kiɗ mi ta ndiɗaˀa.

EZAYI 66:15

Asi mike na, ya Bumbulvuŋ, i ra sawa ani: i ra sawa ti himaˀ fõh fõh ka vu, mota ngi vurum ɗuwoyo, kaɓa burkataŋ. I sawa ɓa ngi ɗiya ɓi ngi mevel majiy na ti himaˀ, yo ɓa ngi guco mi da mizli ti irne vu njilim njilim.

DANIYEL 7:9

I ra pur hiri aruŋ, keɗ na, a ɗuvam janga ngi buyoy, dar mbur midigila a cifi ara. Zana naŋ babara ndazl kaɓa yam, ngwic hirnga naŋ, kaɓa ngwic ngi tumuŋ mubuna le, li cifi naŋ ngi buyo, i irne vu, sar ngi janga nah, a wucuɗ kaɓa vu mihilɓiɓ.

SOFONI 3:8

«Yawwa! inga kutikikiy. Kutukoko hin ya masa slikiɗ ngi ga sedewo kumo! Kiita ɗu ya maga, i ngi muɗa sukwihey buzok buzok, i ngi jumo zuma buyoy, ɓa i ga mevel ɗu wãˀ ng'ar taŋ, mevel ɗu mifõh fõh na, ɓa i pa wãˀ ng'ar taŋ, asi hirwuy kurzluˀ gara, i sa zluma ti suloŋ ɗu misi ka vu na. I ya Bumbulvuŋ maɓi.

Matiye 10:15

Gisiŋ, yi ɓukum na: tapas gi kiita na, a sa gaka da walahay nah ti himaˀ fineˀ ngi walahay Sodom ati Gomoro.

Matiye 11:22

Amma yi ɓukum na: tapas gi kiita na, a sa gukum di da kumo fineˀ ngi mizli ngi ruwuy Tir ati Sidoŋ.

Matiye 11:24

Amma yi ɓukum na: tapas gi kiita na, a sa gukum di da kumo fineˀ ngi mizli ngi Sodomoyo.»

Matiye 12:36

Yi ɓukum na: tapas gi kiita na, ɓi malambaˀ mizli miɓaka le gar zleˀe na, a sa slufakaŋ.

Matiye 24:35

Muŋ ati hirwuy a sa susuymom, amma mingiɓi ɗu anta sa susuyum ta ndiɗaˀ.

Matiye 25:41

«A dirba nah na, Buy a sa ɓa mizli ngir vay gula naŋhaya: ‹Kum mizli minisahay, kiraham kileŋ avu ya ng'ar vu ngi sete, miɗiya vur Satan ati modro naŋhay!

Mark 6:11

Ar li mekeleme, da mizli a tuɓukum ta, yo da t'anta cinaka mingiɓi kumo ta na, ti kum masa bam ti kẽh na, tukoko lagwada ngi vi sar kumoyo: a sa gi i sedewo avu taŋ.»

Ɓimezle ngi Yesu Kristu ZAŊ mitil di mi 12:48

Mbur mahizigiy avra, yo matiɓa mingiɓi ɗu ta na, migi kiita naŋ, naŋ da. I mingiɓi ya miɓa na masa gaŋ kiita ar hin ngi dirba.

ROMAHAY 2:5

Amma hirnga ɗike gidaŋ, k'anta ngum mbiɗa mevel ɗike ta. Hana ki cikil di i bonoy madiɗa wãˀ ngi kutuko hin Buymisemuŋ masa njuyo himaˀ naŋ ati kiita, naŋ masa ga ti jiviɗ naŋ kaslsla na.

KORENTIHEY MUDUMBUŊ 3:13

slra ngi mbur gar, a sa njik ar li babara, i hin ngi kiita masa njikaŋ. Asi a sa njik ar vu, yo da slra ngi mburo, naŋ mbri gar na, i vu masa bigaŋ.

FILIPIHEY 1:28

Ko ki pulaka mizli mazliram ti kum ta na, a gucukum mi ar gwat ko neˀta. Avi taŋ na, i gwat mabiga taŋ di njah, taŋ maram na, nga zizi, yo ngi kumo, kum ar jiviɗ ngi lih, yo hana, a so tivu Buymisemuŋ.

TESALONIKEY MUCUW NAŊ 2:3

Anja ko ki pulaka mbur a gukum gilaw ko ti ɓi wanaka ta wãˀ si. Asi hin nah na, anta ndilo lambaˀ kine ta, amma sey slikiɗa ɓi ngi durba wãˀ, yo mbur misi moˀore, muzuwulakaŋ ngi zizi angi vu na kwana, sey naŋ mubugo vu le ɗagay.

TIMOTE MUDUMBUŊ NAŊ 6:9

Amma mizli mawuɗam ɓa a gam zlili na, a sa cam ar tikin kutum, ar may gwat miwal wal ngi gilaway, maso ti mendere, maru ti mizli nga hiryi, a ziza taŋ.

HEBEREY 12:29

Vur Buymisemuŋ ndra, i vu mazum gwat nam nam.

PIYER MUCUW NAŊ 2:9

Naŋ kine, mizli mikaslslahay na, Bumbulvuŋ a laha taŋ tir bonoy taŋ gu, yo mizli migi gwat mijeŋŋehey ta na kwana, a wi taŋ vu ngi sa ga taŋ bonoy, tapas naŋ masa ga taŋ kiita.

PIYER MUCUW NAŊ 3:10

Hin ngi Bumbulvuŋ a sa ndulo kaɓa muhul. Angi hin nah na, muŋ a sa susuyum ti gidaŋ, hã a hurum haɗa. Gwat ngir birngiŋ ngi muŋhoy, vu a sa zlizlira taŋ, yo tapasa, a sa gaka taŋ kiita da hirwuy ati gwat ngi raˀahaya.

PIYER MUCUW NAŊ 3:12

Kum i mizli makutukoko hin ngi Buymisemuŋ ti yam ar gojogoɗo. Tapasa, muŋ a sa tiɓi vu, a susuyum kap wãˀ, yo vu mihilɓiɓ a sa luwusla gwat ngi muŋhoyo.

ZAŊ MUDUMBUŊ NAŊ 4:17

Gwat mabiga wuɗavu ngi Buymisemuŋ, a ndila le kaslsla a hur ndra na, n'anihĩ: angi hin ngi Buymisemuŋ masa ga kiita da mizli na, ndr'anta sa zluwunam ko neˀ ta, asi gwat ngi gi ndra ar duniya a bam vu le rak rak ati ngi Yesu Kristu.

ZUDE 1:7

Sodom ati Gomor waɗ prok ngi ciki taŋhay gar ma na, a vulaka vu taŋ ar gi sulome kanah ya, yo a ram ti kil ngi sipi cil taŋhay ngi hin, a sa sam bonoy ar vu ngi sete, yo gi gwat taŋ i ngi ki mumuyuŋ zay sla a slimiɗ mizli gar.

ƁIMUNJUYO 17:11

Buy madiɗa midangafaɗ taŋ na, i gwat misããmi misi naŋ da zleˀe, yo naŋ anta mata tuwa. Naŋ a wuzla mitarnaˀhay na, amma ara ru nga zizi.

ƁIMUNJUYO 17:8

Gwat misããmi ka mupura na, naŋ da zleˀe, amma naŋ anta mata. A sa bo tir vigiɗ mijileŋ ɓa aru nga zizi. Mizli ngi ruwuyoy, misi slimiɗ taŋ manja tuh angi ɗerewol ngi siifa, zle ti ɗuvavirzi ngi duniya na, taŋ masa puraka gwat misããmi na, a sa zuma taŋ hirnga, asi naŋ da zleˀe, ani naŋ anta mata, amma a sa mawa a muŋ ma.

ƁIMUNJUYO 20:11

Yo i pur janga madiɗa ngi buy, naŋ babara, mbur ara. Hirwuy ati muŋ a kilam kileŋ ti mihiri naŋ, ko baraf taŋ anta.

ƁIMUNJUYO 21:1

Akẽh na, i pur muŋ nawayaŋ waɗ hirwuy nawayaŋ. Asi muŋ mudumbuŋ ati hirwuy mudumbuŋ a susuymom le, yo mubuliy anta mata.