PIYER MUCUW NAŊ 3:4 - Bible en langue guiziga

⁴ a sa ɓam: «A ɓi zleˀe, a sa mawa, na naŋ amaka? Asi zle ti dideˀ ndrahay mumicam na, gwatay gar t'ada nga taŋ nga taŋ, kaɓa ar zlivirzi ngi duniya.»

PIYER MUCUW NAŊ 3:4 ပူးပေါင်းရင်းမြစ်များ

ZLI VIRZI 19:14

Lot a bi, aru ng'avi jomo naŋhay mawuɗ a zuɓaka ziri naŋhaya, a ɓa taŋ: «Slikiɗam, bam tir walahay hana, asi Bumbulvuŋ a wuɗ a ziza walahaya.» Amma jomo naŋhay a puraka kaɓa a ɓi di i ɓi ngi singir.

TILA MI 1:9

Gwat misi ada zleˀe na, masa gi ada na i nah vuna, gwat migaka zleˀe na, a sa gam i nah vuna si, ko gwat nawaya loŋ magi ar duniya misenna anta.

TILA MI 8:11

Asi anta gaka kiita vur slra malambaˀa kutum ta tuwa na, mevel ngi mizli titiraˀahaya, i minaha le ti gi gwat malambaˀa da mizli.

ZEREMI 17:15

Ani mizli a ɓikiy na: «Mingiɓi ngi Bumbulvuŋ tuwa naŋ ama ska? Anja a gi so ayɗi!»

EZEKIYEL 11:3

A ɓam na: ‹I juwam vu ngi ndira hayaya t'aruŋ. Walahaya i misirgaɗ, amma ndra, ndr'i useˀhey.

MALASI 2:17

Ki giraka Bumbulvuŋ ti mi kum mukoloŋ koloŋ na. Ki ɓam na: «Ndrˀada i girukuw kwa?» Asi kum maɓam: «Mbur magi malambaˀ na, naŋ kuy a mihiri ngi Bumbulvuŋ, yo mizli misi ka tayna a cirakaŋ hiri», yo ki ɓam ma na: «Buymisemuŋ migi kiita vuna naŋ maka?»

Matiye 16:27

Vurˀe, Mangal ngi mbur a sa sawa ati modro naŋhaya ti dudok ngi Cine. Joˀ a sa wurka mburo gar weˀe avu gwat ngi gi naŋ.

Matiye 16:28

Gisiŋ, yi ɓukum na, mizli mekelemey a wuzla kum aka anta sa micam ta, sey da a puraka Mangal ngi mbur masa so ngi zuma buyo le far.»

Matiye 24:28

Ar li misi maara ara na, mogodokoy a sa cikilam a diga.

Matiye 24:48

Amma da gawla nah i malambaˀa, a wuluk a kwacay naŋ, a ɓi: ‹Ani, buy ɗu a mur le, a so ta›,

Mark 10:6

Amma angi zli virzi ngi duniya, Buymisemuŋ miga taŋ na, i zil ati ngwasa.

Mark 13:19

Naŋ kine, tapasa, mizli a sa sam bonoy haɗi. Zle avu Buymisemuŋ miga duniya hã wurenna na, ko mbur misi bonoy kanah anta, yo ko mbur masa si bonoy kanah anta ndiɗaˀ wãˀ.

Ɓimezle ngi Yesu Kristu LUK mitil di mi 12:45

Amma da gawla nah, ara ɓi ti kwacay naŋ: «Buy ɗu a mur le ngi mawa.» Dar a zla a kiɗa gawla ati diili migi slraˀahaya, yo a zum, a si hã a wi na,

SLRA 7:60

A dirba nah, a huruk huruk ti popurok, a til mi ti gidaŋ: «Bumbulvuŋ, anja ki slufa mungra hana a hirnga taŋ ta! A dirba naŋ miɓa mingiɓi hana na, a mucu.

TESALONIKEY MUDUMBUŊ NAŊ 2:19

Ndra manjaham hiri, yo ndra mamumulom gar na, asi kum vuna ta kwa? Buy ndra Yesu, ti naŋ masa mawa na, i sa jijaham asi kum kaɓa bugawla mulum migir naŋ le.

PIYER MUCUW NAŊ 3:12

Kum i mizli makutukoko hin ngi Buymisemuŋ ti yam ar gojogoɗo. Tapasa, muŋ a sa tiɓi vu, a susuyum kap wãˀ, yo vu mihilɓiɓ a sa luwusla gwat ngi muŋhoyo.

ƁIMUNJUYO 3:14

«Toho da modro ngi cikil ngi misikristu ngi Lawdiseheye ɓaŋ na: Mbur mazilaka ‹Amin›, migi sedewo miteŋteŋ, mikaslsla, buy ngi gwat Buymisemuŋ miga taŋ, a ɓi ani: