PIYER MUCUW NAŊ 3:16 - Bible en langue guiziga

¹⁶ Ar ɗerewoloy, naŋ mutoho taŋ gar na, naŋ da ɓa kanah. Li macinam tuwaˀ tuwaˀhay ada ar ɗerewol Pol mutoho taŋ. Mizli misinam gwat tahay ati mudubunam gwat tahaya, a mbiɗaka pulaˀvra taŋ slurkoɗo, kaɓa taŋ magam ti li mekelemey ar Ɓimutoho, ngi so ti zizi nga hirnga taŋ na.

PIYER MUCUW NAŊ 3:16 ပူးပေါင်းရင်းမြစ်များ

ZLI VIRZI 49:4

Ka kaɓa yam maɓul ar gidaŋ. Amma ki modogom mata. Asi ki hirya kitihin ɗu le, ti ka mihin ti ngwas pal a wuzla ngwas ɗuwoy na.

BUYOY MUDUMBUŊ NAŊ 10:1

Maˀay ngi ruwuy Saba, a cine slimiɗ ngi Salomoŋ mazil mbele Bumbulvuŋ na le. Vurˀe, a so ɓa a ci a kwacay naŋ ti cufuɗ mutuwaˀ tuwaˀhay, ɓa a si na zliv naŋ ti sin gisiŋ kwana.

DIMISEY 56:5

I hunuma Buymisemuŋ asi mingiɓi naŋ, naŋ miɓa na, i njih hiri njah asi Buymisemuŋ, i zluwun ta: mbur titra, a giy mi geˀ ka?

BI NGI ISRAYELEY 23:2

Gi malambaˀa, ki gaka asi vendeke ngi mizli ara gaka ya ta. Angi kiita, ki gaka sedewo ti slir vur vendeke ngi mizli ara ɓam kanah ya ta.

BI NGI ISRAYELEY 23:6

Ki hiryaka kiita ta, ko i mbur misi murga macufuɗukum tekeɗe kwana, ki hiryaka ta.

ZEREMI 23:36

Amma ɓi ngi gir Bumbulvuŋ mavula na, ki ɓaka ɓi nah avu mi mata. Gir ngi mbur gar na, i mingiɓi naŋ vuna tehhe a muŋ, asi ki ra hiryaka mingiɓi ngi Buymisemuŋ misi ti siifa, Bumbulvuŋ misi gidaŋ wãˀ, Buymisemuŋ ndra.

HABAKUK 1:4

Mbak ko a gam slra ti ɓimujuwa mata, ɓi mikaslsla anta bo mata wãˀ. Mbur misi moˀore a cici lak lak avu mbur mijeŋŋe, mbak a juwaka mbur mijeŋŋe kaˀ kaˀ laŋ ti kiita.

Matiye 15:3

Yesu a mbiɗa taŋ di: «Na kumo, ki ngilaka ɓimuɗuva, ɓa ki sipam sirik ngi dideˀ kumoy na vur mike?

Matiye 15:6

naɓa naŋ anta ti may ngi ɗuva hirnga da cine mata. Naŋ kanah, ki hiryaka ɓi ngi Buymisemuŋ le, ɓa ki sipam sirik ngi dideˀ kumoy.

Matiye 22:29

Yesu a mbiɗa taŋ di: «Kumo, ki ra zizam, asi ko ki sinaka Ɓimutoho ta, ko gidaŋ ngi Buymisemuŋ, ki sinaka ta ma.

Slu cuw 16:19

Ki hiryaka kiita ta, kiita a jini muy ta, ki tiɓam gwat avu mizli ngi hirya kiita ta, asi gwat ngatara a hulufo mizli misli wala ngi ɓi kweŋ kweŋheye, yo a so ti malambaˀ da mizli mijeŋŋeheye.

FILIPIHEY 3:19

Kiɗa mi nga taŋ, i zizi. Asi bumbulvuŋ nga taŋ, i kwacay taŋ. A jijaham nga taŋ asi gwat ngi pi mesem. A wulkam a mevel taŋ, i gwat ngi ruwuy aka tewle.

HEBEREY 5:11

Ndrˀada ti mingiɓi ngi ɓi haɗi ar ɓi hana. Amma naŋ tuwaˀ ɓa ngi bugukum mbiɗeˀvra naŋhaya. Asi kum anta slaka wala ngi ɓi kwaŋ kutum ta.

Ɗerewol ZAK 1:8

Vur naŋ anta cica wuluko deŋ purla ta. Gwat naŋ maga gar na, a si na ɓa a gi dar, i hana ta.

PIYER MUDUMBUŊ NAŊ 1:1

I ya Piyer, mislin ngi Yesu Kristu, matuhukum ɗerewol hana da kum mizli, Buymisemuŋ muwunukum, kum micifam i mulakay, mizliɗam hirnga pal pal angi hirwuy Poŋ, Galat, Kapados, Azi waɗ angi hirwuy Bitini.

PIYER MUDUMBUŊ NAŊ 2:8

Yo a tohoko na: «I ɗugur ngi bi sar da mizli, mandazlay muwãˀ ngi hizigiɗa vu.» A ba taŋ sar, asi t'anta ngumam tiɓa ɓi ngi Buymisemuŋ ta. Vurˀe Buymisemuŋ a zuwula taŋ ng'ara.

PIYER MUCUW NAŊ 2:1

Zleˀe na, mijiviɗ misi slirey ada a wuzla mizli Israyeleye. Naŋ kine ya, mizli madubuna gwat ti slirey da mizli, ada sa boko a wuzla kum aya. A sa coko dubuna ɓi ngi ziza vu, hã a sa jam mi, a ɓam: a sinaka Buy mumbuɗo hirnga taŋ na ta. A sa soko ti zizi nga hirnga taŋ kutum si.

PIYER MUCUW NAŊ 2:14

Pura hiri taŋ, i pura hiri ngi gi madama. Gi mungra anta ɓula taŋ mi ta wãˀ. A pam mazaɓ a mbuŋ mizli hĩhĩyahay. I bugawla ngi may zlilihey, nis ngi Buymisemuŋ naŋ da avu taŋ.

PIYER MUCUW NAŊ 3:14

Vurˀe ngama ɗuwoy, ar kutuko hin nah na, tumom vu, ɓa a sa lumukum manja hereweɗ, gwat ngi mbuɗukum hirnga aseˀe anta, yo kum zuy zuy ati Buymisemuŋ.

PIYER MUCUW NAŊ 3:2

Ɓi ngi mijiviɗ muvuku vu taŋ miɓaka dumbuŋ zleˀe waɗ ɓimuɗuva, misliney mudubunukum di na, wulkaka keŋ ɗi.

ZUDE 1:4

Asi mizli mizirɗa mihey ada, a coko le a wuzla kumo, kiita taŋ i mutoho le zlezle daf dumbuŋ si. Gi mezle ngi Buymisemuŋ miga ndra di na, a tiram di ɓi ngi sulome. Buy ndra Yesu Kristu, madiɗa ndra pal i naŋ na, a jam mi, a ɓam a sinakaŋ ta.