PIYER MUCUW NAŊ 3:12 - Bible en langue guiziga

¹² Kum i mizli makutukoko hin ngi Buymisemuŋ ti yam ar gojogoɗo. Tapasa, muŋ a sa tiɓi vu, a susuyum kap wãˀ, yo vu mihilɓiɓ a sa luwusla gwat ngi muŋhoyo.

PIYER MUCUW NAŊ 3:12 ပူးပေါင်းရင်းမြစ်များ

DIMISEY 50:3

Anja Buymisemuŋ ndra a sawa, yo anja a taˀa mi ta! Vu mihilɓiɓ, ara zuma li a mbuŋ naŋ, burkataŋ gambara gun hirnga naŋ.

EZAYI 24:19

Hirwuy ara ndisli, hirwuy ara wuhu, ara wus ti gidaŋ kikit kikit.

EZAYI 34:4

Wurzlaŋ ngi muŋhoy a sa waham, muŋ a sa fuɗ faɗ faɗ ar leˀe, dar wurzlaŋhay a diɗoko kaɓa kalaf ngi gudubun malla ngi uruf mapi.

MISE 1:4

Muwãhay ara luwuslam asi sar naŋ, si virzi ngi sozohoy ara ndislam, kaɓa tebeɗ a ciki vu, kaɓa yam maɓul ar misirnene.

Matiye 16:27

Vurˀe, Mangal ngi mbur a sa sawa ati modro naŋhaya ti dudok ngi Cine. Joˀ a sa wurka mburo gar weˀe avu gwat ngi gi naŋ.

Matiye 16:28

Gisiŋ, yi ɓukum na, mizli mekelemey a wuzla kum aka anta sa micam ta, sey da a puraka Mangal ngi mbur masa so ngi zuma buyo le far.»

FILIPIHEY 1:6

Yi tiɓa le gisiŋ gisiŋ: Buymisemuŋ mizla virzi ngi slra mezle hana a hur kum na, a sa ru di caˀa kine, gbaˀ avu kiɗa mi naŋ, hã tapas Yesu Kristu masa mawa.

Ɗerewol TIT 2:13

ti kutuko hin ngi wuya, ndra minjah hiri vurˀe na, yo waɗ dudok ngi Madiɗa ndra Buymisemuŋ ati ngi Milih ndra Yesu Kristu masa bugo vu na.

PIYER MUCUW NAŊ 3:10

Hin ngi Bumbulvuŋ a sa ndulo kaɓa muhul. Angi hin nah na, muŋ a sa susuyum ti gidaŋ, hã a hurum haɗa. Gwat ngir birngiŋ ngi muŋhoy, vu a sa zlizlira taŋ, yo tapasa, a sa gaka taŋ kiita da hirwuy ati gwat ngi raˀahaya.

PIYER MUCUW NAŊ 3:11

Ani da gwat gar a sa susuyum ti jiviɗ misi kahana na, anja sey joˀ kum a ndir mbrike? Sey ki ndiram, kum pal, yo ki cinaka mi da Buymisemuŋ.

PIYER MUCUW NAŊ 3:4

a sa ɓam: «A ɓi zleˀe, a sa mawa, na naŋ amaka? Asi zle ti dideˀ ndrahay mumicam na, gwatay gar t'ada nga taŋ nga taŋ, kaɓa ar zlivirzi ngi duniya.»

PIYER MUCUW NAŊ 3:7

Amma muŋ ati hirwuy muwurenna na, Buymisemuŋ a ja taŋ le kaw ti mingiɓi naŋ misi purla nah, ɓa i vu masa zuma taŋ. A wi taŋ vu le weˀ, ngi ndila hin ngi kiita ati hin ngi zizi mizli mizirɗa miheye.

ZUDE 1:21

Cicam ar wuɗavu ngi Buymisemuŋ, kutukoko gimezle ngi Buy ndra Yesu Kristu masa vulukum siifa ngi set na.