PIYER MUCUW NAŊ 3:11 - Bible en langue guiziga

¹¹ Ani da gwat gar a sa susuyum ti jiviɗ misi kahana na, anja sey joˀ kum a ndir mbrike? Sey ki ndiram, kum pal, yo ki cinaka mi da Buymisemuŋ.

PIYER MUCUW NAŊ 3:11 ပူးပေါင်းရင်းမြစ်များ

DIMISEY 37:14

Mizli miziriɗa miheye, a muɗoko maslalama, a hilaka leke, ɓa ngi kiɗa mbur mihina hirnga waɗ misi murga, ɓa ngi sla ˀay ngi mbur magi gwat ti jiviɗ naŋ.

DIMISEY 50:23

Mbur magiy mikuli ngi hunum ɗu na, ara giy dudoko, yo ara zuɓ jiviɗ ng'ar li ya masa bigaŋ di, ya Buymisemuŋ malahaŋ na.

DIMISEY 75:3

Buymisemuŋ a ɓi: «Ar hin ya muɗuva le na, yi gi kiita mijeŋŋe.

EZAYI 14:31

Kum mizlingreŋ ngi walahayay, niˀicam, walahay muguno ti moholoy, wudam, Hirwuy Filistihey taˀ gar a hĩhĩy le, asi cunju matirsliko tir vay muŋ na, ko mbur loŋ micifi baˀ pal avu jum ngi mizli naŋhaya anta.

EZAYI 24:19

Hirwuy ara ndisli, hirwuy ara wuhu, ara wus ti gidaŋ kikit kikit.

EZAYI 34:4

Wurzlaŋ ngi muŋhoy a sa waham, muŋ a sa fuɗ faɗ faɗ ar leˀe, dar wurzlaŋhay a diɗoko kaɓa kalaf ngi gudubun malla ngi uruf mapi.

Matiye 8:27

A dirba nah na, mizli a cifam siriw, a ɓam: «I mbur wana hana ma ska? Ɓa ko burkataŋ ati yam a cinakaŋ mi na!»

ROMAHAY 13:11

Hin ndra misi anga hana, ki sinaka le. Ler a gi le ɓa ki puɗkam tir hinje kumoyo. Asi mike na, dana hin ngi lih ndra a dungufo ndra le wãˀ, fineˀ ndra mizlaka tiɓi ndra cikiɗeffe.

ROMAHAY 13:12

Duvuɗ a cuh le haɗi, li a sa wun gweˀe. Pulukum gi gwat ngir luvuŋ so. Hulukum gwat ngi vurum ngi li minjahha.

KORENTIHEY MUCUW NAŊ 1:12

Ɓi ndra majijaham di na, wuluk ngir mevel ndra, a ga sedewo naŋ anihĩ: gwat ngi gi ndra ar duniya, wãˀ naŋ avu kum na, i gaka weˀe, yo njah wãˀ ka Buymisemuŋ mawuɗo, anta ti sinmijileŋ ngi mbur ta, amma ti gimezle ngi Buymisemuŋ.

FILIPIHEY 1:27

Amma sey da gwat ngi gi kumo, a ndila le kaɓa Ɓimezle ngi Kristu mawuɗo. Naŋ kine, da ko i ru le nga purukum, malla i ru ta kwana, i sa cine ɓi kumo, ki roko cicam zlak kuy kuy ar wuluk misi purla. Ki roko cikam vu jom arleˀe ti mevel purla, ka tiɓi Ɓimezle mawuɗo.

FILIPIHEY 3:20

Na ndra, walahay ndra, naŋ a muŋ, ndra makutukoko Buy Milih ndra Yesu Kristu masa sawa na, baɗ a diga.

TESALONIKEY MUDUMBUŊ NAŊ 1:5

Naŋ kine, Ɓimezle ndra matilam di mi na, i mingiɓi ɗaˀ ɗaˀ tewle kanah ta, amma a biga gidaŋ naŋ le ti jini ngi ˀUf Mipal. Ki sinaka le, gwat mezle ndra migam vur kum a wuzla kumo na, i nah so.

TIMOTE MUDUMBUŊ NAŊ 3:16

Gisiŋ, ɓi mufuna wuluk ngi mbur, ndra masipaka na, i ɓi madiɗa! Yesu Kristu a bugo vu ti dumvu ngi mbur, ˀUf Mipal a biga le, naŋ jeŋŋe, modro ngi Bumbulvuŋhoy a purakaŋ le keɗ keɗe, a tilam di mi le a wuzla sukwi ngi mizli, duniya keɗeɗe a tiɓakaŋ le, yo a zuɓaka le nga luuma dudok a muŋ.

TIMOTE MUDUMBUŊ NAŊ 4:12

Vur ka ki zuŋ aruŋ si na, anja ko ki pula mbur a hirsuw ta. Amma anja ki ɓi ɓi mezle jaka, gwat ngi gi ɗike mezle, ki wuɗ vu, ki tiɓi, ki ci ar dili ta, ɓa mitiɓihey a sipaka sar ɗike.

TIMOTE MUDUMBUŊ NAŊ 6:11

Amma ka, mbur ngi Buymisemuŋ, kil kileŋ avu gwat tayna. Pur jiviɗ ngi gi gwat mijeŋŋe, ngi sipi jiviɗ ngi Buymisemuŋ, ngi tiɓi, ngi wuɗavu, ngi cici zlak gidaŋ gidaŋ, ngi cifi teˀteˀe.

TIMOTE MUDUMBUŊ NAŊ 6:3

Da mbur ara dubun gwat mekelem pal da mizli, da i ɓi mizliram ati ngi Buy ndra Yesu Kristu ta, yo a zliram ati ɓi ngi sipa jiviɗ ndra na ta ma na,

TIMOTE MUDUMBUŊ NAŊ 6:6

Haˀaw, tiɓa Buymisemuŋ na, i ɓi ngi luuma zlili gisiŋ gwaɗ naŋ, na sey da mbur ara mumul ti gwat naŋ misi ti naŋ.

HEBEREY 13:5

Angi gwat ngi gi kum gar na, anja may dala a funukum gidaŋ ta. Kum mumulom ti gwat misi ada asi haŋ kumo. Vur Bumbulvuŋ ti hirnga naŋ a ɓi: «Y'anta sa puluw ta, y'anta sa hiziguw fuk ta.»

Ɗerewol ZAK 1:24

A dirba naŋ mupura vu naŋ le na, a cuh, a puyuk hirnga ti dumvu naŋ, naŋ mupura tuwa kutum si.

Ɗerewol ZAK 3:13

Mbur misi sinmijileŋ, yo misi lesl ada a wuzla kumo kwa? Anja a biga ar joˀ naŋ mimezle, ti slra mezle, naŋ maga ti hina hirnga waɗ ti sinmijileŋ na.

PIYER MUDUMBUŊ NAŊ 1:15

Amma Buymisemuŋ muzulukumo, naŋ pal, kumo kwana, ar gwat kum magaka gar na, tiram pal aya.

PIYER MUDUMBUŊ NAŊ 2:12

Sey ki cifam ti gi gwat mezle a wuzla mizli ngi duniyahaya, da ko ara kupukum ɓi, a ɓukum, kum i migi malambaˀhay tekeɗe kwana, tapas Buymisemuŋ masa so na, ɓa a sa puraka gi gwat kum mezle tuwa, yo a sa hunumaka Buymisemuŋ.

PIYER MUCUW NAŊ 1:3

Naŋ kine, gwat ndra muroko ti may naŋ ar joˀ ndra, waɗ ar sipi jiviɗ ndra na, gidaŋ ngi Bumbulvuŋ a vula ndra di le. A vula ndra di ti naŋ mibiga ndra mbur mizila ndra ti dudok nga naŋ, waɗ ti gidaŋ nga naŋ magi slra na.

PIYER MUCUW NAŊ 1:6

Ngar si na gwata, coko jigina vu kum, ng'ar jigina vu kumo, coko ɓusaɓi, ng'ar ɓusaɓi, coko si na Buymisemuŋ.

PIYER MUCUW NAŊ 3:10

Hin ngi Bumbulvuŋ a sa ndulo kaɓa muhul. Angi hin nah na, muŋ a sa susuyum ti gidaŋ, hã a hurum haɗa. Gwat ngir birngiŋ ngi muŋhoy, vu a sa zlizlira taŋ, yo tapasa, a sa gaka taŋ kiita da hirwuy ati gwat ngi raˀahaya.

PIYER MUCUW NAŊ 3:12

Kum i mizli makutukoko hin ngi Buymisemuŋ ti yam ar gojogoɗo. Tapasa, muŋ a sa tiɓi vu, a susuyum kap wãˀ, yo vu mihilɓiɓ a sa luwusla gwat ngi muŋhoyo.