PIYER MUCUW NAŊ 3:10 - Bible en langue guiziga

¹⁰ Hin ngi Bumbulvuŋ a sa ndulo kaɓa muhul. Angi hin nah na, muŋ a sa susuyum ti gidaŋ, hã a hurum haɗa. Gwat ngir birngiŋ ngi muŋhoy, vu a sa zlizlira taŋ, yo tapasa, a sa gaka taŋ kiita da hirwuy ati gwat ngi raˀahaya.

PIYER MUCUW NAŊ 3:10 ပူးပေါင်းရင်းမြစ်များ

DIMISEY 102:26

I ka miga hirwuyo, diga misi nga dana ta, yo miga muŋ i ka ti haŋ ɗike ma.

DIMISEY 46:6

Buymisemuŋ naŋ da ar walahay nana, naŋ anta jijik ta. Zle li muwun le wun si na, Buymisemuŋ ara kil widi naŋ.

DIMISEY 97:5

Muwãhay a luwuslam ka tebeɗ a mbuŋ Bumbulvuŋ, a mbuŋ Bumbulvuŋ miwa hirwuy keɗeɗe.

EZAYI 2:12

Asi Bumbulvuŋ, i misi gidaŋ wãˀa, hin naŋ ada pal, ti hin nah na, mizli mapuraka vu taŋ kaɓa taŋ gidaŋ, taŋ fineˀ mizli na, a sa ga taŋ kiita, ɓa a vuso taŋ, ɓa a mataŋ nga ruwuy.

EZAYI 24:19

Hirwuy ara ndisli, hirwuy ara wuhu, ara wus ti gidaŋ kikit kikit.

EZAYI 34:4

Wurzlaŋ ngi muŋhoy a sa waham, muŋ a sa fuɗ faɗ faɗ ar leˀe, dar wurzlaŋhay a diɗoko kaɓa kalaf ngi gudubun malla ngi uruf mapi.

EZAYI 51:6

Zuɓaka hiri nga muŋ ɗi, yo puram nga ruwuyo ma ɗi. Haˀaw, muŋ a sa susuyum kaɓa cunju, hirwuy a sa hiryi kaɓa zana, dar mizli ngi raˀahay a sa micam kaɓa mevreŋhey. Amma laha vu ya masa ga na, a sa ndir ngi set, yo gi bugawla ɗu, anta sa kiɗ mi ta ndiɗaˀa.

ZOWEL 1:15

Kayya! Hin nah na! Hin ngi Bumbulvuŋ a ndilo le, i hin ngi hirya gwat, Buymisemuŋ mupulo jiviɗ naŋ.

ZOWEL 2:1

Fam tulum a Siyoŋ, wudam deŋ a muwã ɗu mipal! Anja mizli ngi si ruwuyoy gar, a jijikam kirkir: asi hin ngi Bumbulvuŋ ara ndilo gweˀe.

AMOS 9:13

«Hin ara ndilawa, tapasa, a huvam ani, a gam sifi ngi gwat ani, sifi ngi ɗuco yi ngi gudubun ani, hin zligi ani. Tapasa, yam ngi zinga ngi gudubun a sa ɓul a muwãhaya gar, yo ar li mingir ɗingirey gar na, a sa ɓul col col. I ya Bumbulvuŋ maɓi.

AMOS 9:5

Bumbulvuŋ Buymisemuŋ misi gidaŋ waˀa, a wusa hirwuyo le duk na, hirwuy a jijik, joˀ mizli ngi raˀahay gar a tuwam tuwuy ngi vagay. Hirwuyo a slikiɗ hogokko cek kaɓa mizaw mazuɓu, yo a mi kip nga ruwuy kaɓa mizaw Ezipte.

MISE 1:4

Muwãhay ara luwuslam asi sar naŋ, si virzi ngi sozohoy ara ndislam, kaɓa tebeɗ a ciki vu, kaɓa yam maɓul ar misirnene.

NAHUM 1:5

Muwãhay a jijikam a mbuŋ naŋ, li miɗingirey a luwuslam. Hirwuy a jijik a mihiri naŋ, duniya ati mizli ngi raˀahaya gar a jijikam.

Matiye 24:35

Muŋ ati hirwuy a sa susuymom, amma mingiɓi ɗu anta sa susuyum ta ndiɗaˀ.

Mark 13:31

Muŋ ati hirwuy a sa susuymom, amma mingiɓi ɗu anta sa susuyum ta.

Ɓimezle ngi Yesu Kristu LUK mitil di mi 12:39

Ki sinaka le, da buy ngi hay a si na pas ngi muhul masa sawa le na, anta sa pula a slinakaŋ dalama ta.

ROMAHAY 8:20

Buymisemuŋ a pula gwat naŋ miga na gar asi haŋ ngi gwat ngatara lambaˀ. I gwat nah muwuɗ ti haŋ naŋ ta, amma i Buymisemuŋ mupula ti gidaŋ naŋ. Ko ti nah gar kwana, gwat Buymisemuŋ miga gar ara njih hiri aruŋ na si.

KORENTIHEY MUDUMBUŊ 1:8

Masa cucukum zlak gidaŋ gidaŋ hã avu kiɗa mi naŋ na, i naŋ vuna ma, ɓa ti hin ngi Buy ndra Yesu Kristu na, ko mbur masa mbuɗukum hirnga, anta.

KORENTIHEY MUDUMBUŊ 5:5

Anja a vulaka mbur misi kanah asi haŋ ngi Satan, ɓa dumvu naŋ a zizi, ɓa ti hin ngi Bumbulvuŋ na, musuɗuk naŋ a sa lih.

KORENTIHEY MUCUW NAŊ 1:14

Asi ki slaka wala naŋ le cah si. Tapas Buy ndra Yesu Kristu masa mawa na, kisa jijaham asi ndra kaɓa ndra majijaham asi kum na ya.

TESALONIKEY MUDUMBUŊ NAŊ 5:2

Kum vuna, ki sinaka hin ngi Bumbulvuŋ le kuy kuy: a sa ndilo gurjik kaɓa muhul maso ti duvuɗu.

TESALONIKEY MUDUMBUŊ NAŊ 5:4

Amma kumo so na, sukum ndrahay, kum anta angi luvuŋ, ɓa hin misenna a sa lumukum gurjik kaɓa muhul ta.

PIYER MUCUW NAŊ 3:11

Ani da gwat gar a sa susuyum ti jiviɗ misi kahana na, anja sey joˀ kum a ndir mbrike? Sey ki ndiram, kum pal, yo ki cinaka mi da Buymisemuŋ.

PIYER MUCUW NAŊ 3:12

Kum i mizli makutukoko hin ngi Buymisemuŋ ti yam ar gojogoɗo. Tapasa, muŋ a sa tiɓi vu, a susuyum kap wãˀ, yo vu mihilɓiɓ a sa luwusla gwat ngi muŋhoyo.

PIYER MUCUW NAŊ 3:7

Amma muŋ ati hirwuy muwurenna na, Buymisemuŋ a ja taŋ le kaw ti mingiɓi naŋ misi purla nah, ɓa i vu masa zuma taŋ. A wi taŋ vu le weˀ, ngi ndila hin ngi kiita ati hin ngi zizi mizli mizirɗa miheye.

ZUDE 1:6

Modro ngi Buymisemuŋhoy micifam ar li naŋ muvula taŋ di na ta, yo mupulaka li cifi taŋ na, a juwa taŋ le kaŋ kaŋ ti celelu hã ngi set, a wi taŋ vu le weˀ angi luvuŋ, ngi kutuko hin madiɗa ngi kiita.

ƁIMUNJUYO 16:15

«Puraka, y'ani so kaɓa muhul, mbur mahinje ta, majigina zana naŋhay ɓa aru vu gulndiŋ kine ngi paŋ mesem ta na, naŋ ar wuya!»

ƁIMUNJUYO 20:11

Yo i pur janga madiɗa ngi buy, naŋ babara, mbur ara. Hirwuy ati muŋ a kilam kileŋ ti mihiri naŋ, ko baraf taŋ anta.

ƁIMUNJUYO 21:1

Akẽh na, i pur muŋ nawayaŋ waɗ hirwuy nawayaŋ. Asi muŋ mudumbuŋ ati hirwuy mudumbuŋ a susuymom le, yo mubuliy anta mata.

ƁIMUNJUYO 3:3

Ɓi taŋ mudubunukuw di, ka micina na, wulka so, ja a hirnga, mbiɗa mevel ɗike. Da ki puɗuk ta na, i sa lumuw gurjik kaɓa muhul, manja ki si na pas naŋ.

ƁIMUNJUYO 6:14

Muŋ a susuyum avra kaɓa mbur mafuɗ ɗerewol ngi garaka. Muwãhay ati maturahay gar, a wusam hiɓik hiɓik.