PIYER MUCUW NAŊ 2:7 - Bible en langue guiziga

⁷ Amma a laha Lot, mbur mijeŋŋe le. Gwat ngi gi malambaˀ mukuyta wãˀ ngi sulome tayna, a giraŋ le kupuyah wãˀ.

PIYER MUCUW NAŊ 2:7 ပူးပေါင်းရင်းမြစ်များ

ZLI VIRZI 13:13

Na mizli ngi Sodomoy vuna i misi moˀorehey haɗi, i migi mungrahay kuyta wãˀ a mbuŋ Bumbulvuŋ.

ZLI VIRZI 19:16

A puraka na, Lot ara zum vu aruŋ, modro mucuwoy tuwa, a ɗiɗaka kaw avu haŋ waɗ ngwas naŋ ati ziri mongoso naŋhay mucuw tuwa, asi Bumbulvuŋ a puraŋ ircece le, a bo di tir walahay ng'avra.

ZLI VIRZI 19:22

Wus vu, ara ɗum a diga kutum, asi y'anta sa gi gwat neˀ ta, sey da ka mindil le a diga far.» Vurˀe, a zilaka walahay nah Soˀar.

ZLI VIRZI 19:29

Dambalaka, ti Buymisemuŋ maziza walahay ngir li tayna, misi Lot ara na, ara wulka Abrahama keŋŋe, a ɗiɗo Loto ti wuzla bonoyo ng'avra.

ZLI VIRZI 19:5

A zilaka Loto, a ɓakaŋ: «Mizli musoko ngi hiikuɗ hana ngi hay ɗik na, taŋ amaka? Bo taŋ ng'avi ndra aka, i hinam taŋ.»

DIMISEY 120:5

Ya mislikiɗ nga wuzla mizli manja si na ɓihey, yo ya micifi a wuzla mizli Kedaray na, kay, i bonoy avu ya.

ZEREMI 23:9

Mingiɓi vur mijiviɗey. Didak a muɗiy le, hirgisl ngi vu ɗu gar ara jijik. I tiri le kaɓa mbur miwi le ti mbaazla, kaɓa mbur mbaazla mizizaŋ lesl le. Hana gar na, asi Bumbulvuŋ, asi mingiɓi naŋ mipal na.

KORENTIHEY MUDUMBUŊ 10:13

Tikiney gar mulumukum na, taŋ weˀe avu gidaŋ ngi mburo si. Bumbulvuŋ miɓa ɓi le na, a ga gisiŋ. Anta pula jiviɗ naŋ ɓa ki lumam tikin mifineˀ gidaŋ kumo ta. Da kum mulumam tikin le na, a sa vulukum wer ngi bi ti raˀa ati gidaŋ ngi ɓus naŋ.

PIYER MUCUW NAŊ 2:18

A ɓam ɓi ngi huhumvu, mingiɓi migilaw gilaw. Mizli mulohoko wureˀ aruŋ, ti wuzla mizli misi ar malambaˀ na ma na, a wuɗam ji taŋ ti may gwat ngi dumvu taŋ magi mesem na.

PIYER MUCUW NAŊ 2:2

Mizli haɗa a sa sipaka taŋ ar gi sulome taŋ na, vurˀe jiviɗ mikaslsla ngi sipi, mizli a sa zizaka asi taŋ.

PIYER MUCUW NAŊ 3:17

Kanah so ngama ɗuwoy, i kukum mumuyuŋ zay sla le a slimiɗe, jam lesl so. Anja ki pulaka vu kumo, ɓa mizli mizirɗa mihey mazizam na, a zuzukum ta. Anja ki pulaka vu kumo, ki kiraham tir kum ɓi micicam zlak na ta.

ZUDE 1:4

Asi mizli mizirɗa mihey ada, a coko le a wuzla kumo, kiita taŋ i mutoho le zlezle daf dumbuŋ si. Gi mezle ngi Buymisemuŋ miga ndra di na, a tiram di ɓi ngi sulome. Buy ndra Yesu Kristu, madiɗa ndra pal i naŋ na, a jam mi, a ɓam a sinakaŋ ta.