PIYER MUCUW NAŊ 2:6 - Bible en langue guiziga

⁶ Waɗ ma na, Buymisemuŋ a ga kiita da walahay Sodom ati Gomoro, a zlizlira taŋ le kap, ɓa mizli mazirɗa mihey na, a biga taŋ di i gwat masa ndilo avu taŋ tumbuŋ.

PIYER MUCUW NAŊ 2:6 ပူးပေါင်းရင်းမြစ်များ

ZLI VIRZI 19:28

A pur hiri kini nga Sodom, Gomor ati hirwuy ngi ciki taŋhay gar na, a pur cunju tirslik, ara ngis zle a ruwuy nga muŋ ka hay mawur.

EZAYI 1:9

Da Bumbulvuŋ, misi gidaŋ wãˀa, a pula mizli ndraˀahaya zleˀe, a laham cah ta na, anja ndra kaɓa walahay Sodom, rak rak ati walahay Gomor.

EZAYI 13:19

Babiloŋ, virzle hirnga wãˀ ngir zuma buyoy, gwat ngi wuya macira hiri da Babiloŋhoy na, Buymisemuŋ a sa ngizla, kaɓa naŋ migi ti hirwuy Sodom ati Gomor na ya.

ZEREMI 50:40

A sa gi kaɓa Buymisemuŋ muso ti mendere ar Sodom, ar Gomor ati walahay ngi ciki taŋhay na. Ko mbur masa pi ti hay a diga anta mata, ko mbur titira masa cifi ngi hin neˀ a diga anta. I ya Bumbulvuŋ maɓi.

Ɗerewol OZE 11:8

Efrayim, i sa guw mbrike? I sa pula Israyel a si haŋ ɗik kwa? Ɓa i sa gi ti kakaɓa walahay Atma na, mbri mbrike? yo i sa tiri ti kakaɓa walahay Seboyim na, mbri mbrike? A giy le welele a mevel ɗu, waɗ mana, ircece anta avu ya mata.

AMOS 4:11

I mbiɗa gwataya le pulaˀ pulaˀ gar a hay kumo, kaɓa migi zleˀe a Sodom waɗ a Gomor na. Kum zleˀe kaɓa misliŋ vu muɗuɗoko di le tir vu. Gar ti nah kwana, ki soko ng'avi ya ta na si. I ya Bumbulvuŋ maɓi.

SOFONI 2:9

Kaɓa ya misi ti siifa gisiŋ na, Moˀap a sa tiri kaɓa Sodom, yo mizli Amoŋhoyo, a sa tiram kaɓa Gomoroy. A sa tiri li ngi sisim ati ngi mandaŋ a tiri ɓuh mikirɗak kirɗak wãˀ. Mizli ɗuwoy mindiram ti siifa, a sa vaka taŋ gwataya, yo a sa tiɓaka hirwuy taŋ mindire da taŋ. I ya Bumbulvuŋ misi gidaŋ wãˀ, Buymisemuŋ ngi Israyeley maɓi.

SLUFA VU 26:10

Hirwuy a wun biɗiŋ, a nda taŋ jom ati Kore, mizli ngi Korehey mumicam cek, vu muwura mizli titiri kine, mizli skat skat cuw ti kukur zlum na. A biga taŋ di na ti bigi ɓa mizli mekelemey a wulkam.

Matiye 10:15

Gisiŋ, yi ɓukum na: tapas gi kiita na, a sa gaka da walahay nah ti himaˀ fineˀ ngi walahay Sodom ati Gomoro.

Matiye 11:23

Na, kum Kapernahumoy, ki waka na, kisa gilam sesẽŋ a dadala muŋ kwa mbrike? Ki sa mam nga ruwuy, sesẽŋ ar li ngi mizli mumucahay jaka! Asi cekenehey ya miga taŋ a hay kum na, da yi ga taŋ zleˀe a Sodom na, anja walahay nah naŋ da hã dana aruŋ!

ROMAHAY 9:29

Naŋ kaɓa Ezayi miɓa dumbuŋ zleˀe na ma: «Da Buy vurum mise amuŋ a pula ndra dideˀehey neˀ zleˀe ta na, anja ani i tiram le kaɓa Sodom, i bam vu le ati Gomor.»

KORENTIHEY MUDUMBUŊ 10:11

Gwat tayna gar a gam avu taŋ na, ngi biga ndra gwat, yo a tohoko taŋ ti tuh na, ɓa ngi ka ndra mumuyuŋ ngi zay sla a slimiɗe, asi ndra migweˀ avu kiɗa mi ngi hin na.

Slu cuw 29:23

Dar sukwi ngi mizli mekelemey a sa ɓam: «Bumbulvuŋ a gi ti hirwuy hana, kanah vur mike? A zuɓ himaˀ haɗa kine vur mike?»

HEBEREY 4:11

Da kine na, tumukum vu so, ɓa i cam ng'ar li muskavu nah, ɓa cine mi taŋ ta nah na, a hizigiɗ mbur purla ng'ar mungra ka taŋ vuna ya ta.

ZUDE 1:15

ɓa ngi ga kiita da mizli gar. Mizli mizirɗa mihey gar na, a sa ga taŋ kiita vur gwat ngi gi taŋ malambaˀ na, yo vur mingiɓi ngi sliŋ ngi mizli migi mungra tayna maɓaka ar naŋ na.»

ZUDE 1:7

Sodom ati Gomor waɗ prok ngi ciki taŋhay gar ma na, a vulaka vu taŋ ar gi sulome kanah ya, yo a ram ti kil ngi sipi cil taŋhay ngi hin, a sa sam bonoy ar vu ngi sete, yo gi gwat taŋ i ngi ki mumuyuŋ zay sla a slimiɗ mizli gar.