PIYER MUCUW NAŊ 2:3 - Bible en langue guiziga

³ Mizli mudubuna ɓi ngi slir tayna, ti may dala taŋ na, a sa zumukum ti mingiɓi taŋ mukoloŋ koloŋ ngi gi gilaw da mbur na. Taŋ na, migi kiita taŋ a wi vu le weˀ zlezle si, yo mizizi taŋ anta hinje ta.

PIYER MUCUW NAŊ 2:3 ပူးပေါင်းရင်းမြစ်များ

Ɗerewol JOP 6:27

Hã kisa gam ceregezleŋ vur mutuhuhoyo, yo hã kisa hiɗikaka ngama kum avra.

DIMISEY 66:3

Ɓaka Buymisemuŋ na: «Gwat ka maga gar na, a gi zluwun da mbur! Mesene ɗikey ara bubuɗam ti ka.

DIMISEY 81:15

anja ani i tikaˀay le zlezle da mesene taŋhaya, yo anja i kiɗa mizli maguzuvuraka taŋ na le.

EZAYI 5:19

Taŋ a ɓam: «Anja Buymisemuŋ a wus vu, anja a ga gwat naŋ na kutum, ɓa i puraka. Anja gwat ngi gi ngi Buymisemuŋ ngi Israyele, a gi, a bugo vu, ɓa ndr'i sinakaŋ.»

EZAYI 56:11

Yo taŋ vuna kaɓa kirihey mawuɗam humbuɗa gwat gar, ɓa a ɓam: «Muk muduba» na, a sinaka ɓi ɓi kanah ta. Mijiginey i taŋ vuna ngbaŋ. A sinaka sli wala ngi ɓi ta. Mbur gar na, a sipi jiviɗ nga naŋ. Mbur gar na, a pur di i pula gir da hirnga naŋ tewle si.

EZAYI 60:22

Metetek ngi si taŋ wãˀ na, a sa ji mizli durmuku, misi viya ngi si taŋ wãˀ na, a sa tiri sukwi ngi mizli durmuk durmuk mbeˀmbeˀe. Ya Bumbulvuŋ, da pas naŋ misa ndulo le na, i sa wus vu kutum ngi ga gwat nah.

ZEREMI 6:13

Asi zle avu ziri hã avu mizli madiɗahaya, may luuma gwat avu taŋ haɗa. Mijiviɗey ati masayaya gar, gwat ngi gi taŋ jeŋ ta.

ZEREMI 8:10

Na mbak ɗagay so, yi vula ngwas taŋhaya da mizli mekelemey, guva taŋhaya, da mizli masa tiɓaka taŋ avu taŋ. Asi taŋ gar taŋ, ziri ati mizli micawwahaya, may gwat avu taŋ haɗa. Taŋ gar, mijiviɗey ati masayaya, gwat ngi gi taŋ naŋ kaslsla ta.

EZEKIYEL 13:19

Ki hiryikiy le a mbuŋ mizli ɗuwoyo, asi daw giziŋ turɓus haŋ purla, waɗ milef ɓuluˀ tewle. Mbak mizli misi i ngi kiɗ vagay vagaya na, ki gaka gilaw da mizli ɗuwoy matiɓam ɓi kutumo, ki kiɗam di i taŋ jak. Yo mizli ngi pul taŋ ti siifa ta na, ki pulam ti siifa i taŋ jak.

MISE 3:11

Buy taŋhaya, ɓa a gaka kiita na, sey gwat ngatara taˀ le, masay taŋhaya, ɓa a dubunaka gwat da mizli na, sey a wurkaka taŋ wuruk le, mijiviɗ taŋhaya, ɓa a ɓaka ɓi ngi gwat masa gi na, sey dala taˀ le. A jaham jah ti Bumbulvuŋ, a ɓam: «Bumbulvuŋ naŋ anta wuzla ndra ta kwa? Kay, mendere anta so ng'ar ndra ta.»

HABAKUK 3:3

Buymisemuŋ ara so ti hirwuy Temaŋ, mbur mipala, a so ti muwã Paraŋ. Dudok naŋ a naha muŋ le, hirwuy a nih le ti hunum naŋ.

MALASI 1:10

Anja ɓa kisa ra bulam vu ar li gi mikuli ɗu lambaˀ ta na, a wuzla kumo, zliv mbur ada ngi gica mizlingre muduba sukwa? I ya Bumbulvuŋ misi gidaŋ wãˀ maɓi. Gwat maciriy hiri neˀ avu kum anta. Gwat kum mavulikiy di angi mikuli na, y'anta hĩyã ta ani!

Matiye 23:14

«Kum buy ngi ɓimujuwahay ati Farisa miɓi mi cuw cuwoy, kay, kum ar bonoy! Kum mazumaka gwat ngi si haŋ ngi ngwas wudigahay gar, kum madiram dibiɗ hã ki zikam di haɗi ɓa mizli a purukum na, a sa gukum kiita mutuwaˀ haɗi vurˀe!]

Ɓimezle ngi Yesu Kristu LUK mitil di mi 18:8

Yi ɓukum na: A sa sla taŋ ɓi taŋ kutum jaka. Na, da Mangal ngi mbur misa so le na, a sa lum tiɓi a ruwuy aka aruŋ kwa?»

Ɓimezle ngi Yesu Kristu LUK mitil di mi 20:20

Dar a zlaka a jiɗaka Yesu, a slinam mizli ng'avaŋ. Mizli tayna a gaka vu taŋ ka mizli mezlehey, ɓa a jaka Yesu angi mingiɓi naŋ tehhe. A wuɗam a lumam jiviɗ ɓa a vulakaŋ asi haŋ ngi buy miwi li.

Ɓimezle ngi Yesu Kristu LUK mitil di mi 22:47

Ti Yesu mira ɓi aruŋ na, zigiduw a ndilawa. I Yudas, mbur ngi wuzla mizli ngi seˀe mukuruˀ nga cuwoy vuna tehhe muko taŋ mbuŋ. A kiroho ng'avu Yesu, ɓa a jaŋ kuɓuy.

Ɓimezle ngi Yesu Kristu ZAŊ mitil di mi 2:16

Dar a ɓa migi terere ngi ɗiyuw dirgwaɗaya: «Hilaka taŋ gar baɗ aka ng'avra. Hay ngi Baha, anja ki tiram di hay ngi gi terere ta.»

ROMAHAY 16:18

Asi mizli tayna anta gam di i gwat ngi Buy ndra Kristu ta, amma a gam asi kwacay taŋ si. A ra gaka gilaw da mizli misi mevel taŋ ka ngi ziri, ti ɗuva taŋ hunum taˀ taˀ ti mingiɓi mideɗeke.

KORENTIHEY MUCUW NAŊ 2:17

Asi ndr'anta kaɓa mizli mekelemey haɗi magam terere ti mingiɓi ngi Buymisemuŋ na ta. Ndra maɓam njah na, a mihiri ngi Buymisemuŋ, ar ndra mujom ati Kristu, asi i Buymisemuŋ mislino ndra.

Slu cuw 24:17

Kiita ngi mbur mulak malla mutuhu na, ki hiryaka ta. Ki tiɓaka zana ngi ngwas wudiga majikuw di ta.

Slu cuw 32:35

Tapas taŋ masa ndilam na, i sa pula cuwala, i sa ga taŋ gwat weˀe avu malambaˀ taŋ na. Asi hin ngi bonoy taŋ naŋ gweˀe, yo gwat makutuko taŋ, anta zum vu mata.

TESALONIKEY MUDUMBUŊ NAŊ 2:5

Ki sinaka le, i ɓam ɓi mideɗek ɓa ngi ciru kum hiri ɗaˀ ta wãˀ, ɓi mislew slew ngi cufuɗa gwat, anta vu ndra ta ndiɗaˀ wãˀ. Sedewo ndra i Buymisemuŋ.

TESALONIKEY MUDUMBUŊ NAŊ 5:3

Tapas mizli masa ɓam: «Ndra zuy zuy, ko zluwun anta» na, gir madiɗa a sa diɗ ar taŋ gurjik, ka kwacay maja ngwas ngi yi, a sa ngizlam kuɗup.

TIMOTE MUDUMBUŊ NAŊ 3:3

Anja i mbur miwi ti mbaazla ta, i mbur muwuɗa mi ta, amma i mbur mileleŋ, anta tiri ta, yo i mbur misi may dala ta ma.

TIMOTE MUDUMBUŊ NAŊ 3:8

Mijini vuhoy a wuzla misikristuhoy kwana, anja i mizli mindilaka le ya. A ɓam ɓi dar purla, a sam mbaazla haɗi ta, a lumaka gwata ti jiviɗ malambaˀ ta.

TIMOTE MUDUMBUŊ NAŊ 6:5

Mizli misi lesl taŋ mihiryahaya, a tiram, ko a taˀaka ta, a sinaka ɓi mikaslsla ta. A waka na, tiɓa Buymisemuŋ, i ɓi ngi luuma zlili.

Ɗerewol TIT 1:11

Anja ki guco taŋ mi, asi ara mbiɗaka lesl da hay ngi mizli keɗeɗe, yo ara dubunaka taŋ luuma dala ti jiviɗ mijeŋ ta.

Ɗerewol TIT 1:7

Asi mike na, mbur madiɗa ngir Cikil ngi misikristuhoy na, a gi di i slra ngi Buymisemuŋ. Vurˀe, anja a lumam ɓi ava ngi mbiɗaŋ hirnga ta. Anja ko i mbur mahuhum vu ta, a slikiɗ himaˀ ta, a si mbaazla haɗa ta, a wuɗ kiɗa vu ta, a lum gwata ti jiviɗ malambaˀ ta.

PIYER MUDUMBUŊ NAŊ 2:8

Yo a tohoko na: «I ɗugur ngi bi sar da mizli, mandazlay muwãˀ ngi hizigiɗa vu.» A ba taŋ sar, asi t'anta ngumam tiɓa ɓi ngi Buymisemuŋ ta. Vurˀe Buymisemuŋ a zuwula taŋ ng'ara.

PIYER MUDUMBUŊ NAŊ 5:2

Jiginaka ginew ngi Buymisemuŋ mupula taŋ asi haŋ kum na. Anta ti tikaˀay ta, amma asi ki ngumam le kaɓa Buymisemuŋ mawuɗo.

PIYER MUCUW NAŊ 1:16

Naŋ kine, ndra mubugukum gidaŋ ati so ngi Buy ndra Yesu Kristu na, i slufukum di i mambaˀ mukuyoy kilaw kilaw ta. Amma i puraka dudok naŋ le ti hiri ndra.

PIYER MUCUW NAŊ 2:1

Zleˀe na, mijiviɗ misi slirey ada a wuzla mizli Israyeleye. Naŋ kine ya, mizli madubuna gwat ti slirey da mizli, ada sa boko a wuzla kum aya. A sa coko dubuna ɓi ngi ziza vu, hã a sa jam mi, a ɓam: a sinaka Buy mumbuɗo hirnga taŋ na ta. A sa soko ti zizi nga hirnga taŋ kutum si.

PIYER MUCUW NAŊ 2:9

Naŋ kine, mizli mikaslslahay na, Bumbulvuŋ a laha taŋ tir bonoy taŋ gu, yo mizli migi gwat mijeŋŋehey ta na kwana, a wi taŋ vu ngi sa ga taŋ bonoy, tapas naŋ masa ga taŋ kiita.

ZUDE 1:11

Kay! Taŋ ar bonoy, asi a sipam di i jiviɗ ngi Kayẽ. A pulaka vu taŋ da slir, ɓa ngi luuma dala kaɓa Balaˀam, yo a zizam kap kap wãˀ, asi a slam himaˀ le avu Buymisemuŋ kaɓa Kore.

ZUDE 1:15

ɓa ngi ga kiita da mizli gar. Mizli mizirɗa mihey gar na, a sa ga taŋ kiita vur gwat ngi gi taŋ malambaˀ na, yo vur mingiɓi ngi sliŋ ngi mizli migi mungra tayna maɓaka ar naŋ na.»

ZUDE 1:16

Mizli tayna, t'anta cinam ndum ta ndrehhe, ara mbulom mi. Taŋ vur may gwat ngi vu taŋ tew si. A ɓam ɓi ngi huhumvu taŋ. Mizli zliv li lum ada avu taŋ na, a puram mupuɗaw i taŋ.

ZUDE 1:4

Asi mizli mizirɗa mihey ada, a coko le a wuzla kumo, kiita taŋ i mutoho le zlezle daf dumbuŋ si. Gi mezle ngi Buymisemuŋ miga ndra di na, a tiram di ɓi ngi sulome. Buy ndra Yesu Kristu, madiɗa ndra pal i naŋ na, a jam mi, a ɓam a sinakaŋ ta.

ZUDE 1:7

Sodom ati Gomor waɗ prok ngi ciki taŋhay gar ma na, a vulaka vu taŋ ar gi sulome kanah ya, yo a ram ti kil ngi sipi cil taŋhay ngi hin, a sa sam bonoy ar vu ngi sete, yo gi gwat taŋ i ngi ki mumuyuŋ zay sla a slimiɗ mizli gar.