PIYER MUCUW NAŊ 2:2 - Bible en langue guiziga

² Mizli haɗa a sa sipaka taŋ ar gi sulome taŋ na, vurˀe jiviɗ mikaslsla ngi sipi, mizli a sa zizaka asi taŋ.

PIYER MUCUW NAŊ 2:2 ပူးပေါင်းရင်းမြစ်များ

ZLI VIRZI 19:5

A zilaka Loto, a ɓakaŋ: «Mizli musoko ngi hiikuɗ hana ngi hay ɗik na, taŋ amaka? Bo taŋ ng'avi ndra aka, i hinam taŋ.»

EZAYI 35:8

Ar li nana, a sa kam jiviɗi, a sa zilaka ‹jiviɗ mubaˀ pal›. Mbur misi dili anta sa ru ti raˀa ta asi i Bumbulvuŋ vuna ti haŋ naŋ masa ka mbuŋ, mizli manja lesley anta sa zizoko hirnga ng'ara ta.

ZEREMI 6:16

Bumbulvuŋ a ɓi na: Kum mira ram ar buwal na, cicam, wulkam kwaɗay, cufuɗam vu ar ɓi ngi jiviɗ kum misi zleˀe. Ɓam: Jiviɗ mezle ngi sipi i wanaka? Dar ki ram ti raˀa so, naɓa kisa lumam musuka vu vur siifa kumo. Amma taŋ a mbiɗaka: «Ndr'anta ram ti raˀa ta!»

Matiye 22:16

A slinaka mizli ngi si taŋhay ati mizli ngi si Herodoy, ara ɓaka Yesu: «Kumani, i sinaka le, ka ki ɓi ɓi mijeŋ, ki biga jiviɗ ngi Buymisemuŋ da mizli jeŋ jeŋ wãˀ gisiŋ. Ko k'anta zluwun ti mbur loŋ ta, asi ki pur di i deŋ ngi mbur ta.

Matiye 24:24

Asi Kristu misi slirey ati mijiviɗ misi slirey a sa soko, a sa gam gwat mizli migam ɗaˀ tahay ati cekenehey haɗi, da a gi na, ɓa a zizaka mizli Buymisemuŋ muwuna taŋ na.

Matiye 7:14

Amma maru ti mburo ng'ar li ngi siifa na, i mizlingre muɓuc haɗa, i jiviɗ misler sler haɗa, mizli maram ti raˀa na, taŋ haɗa ta.

Mark 12:14

A soko, a ɓakaŋ: «Kumani, i sinaka le, ka ki ɓi njah njah, ko mbur matikinuw gu anta. Asi k'anta pur di i deŋ ngi mbur ta, amma ki ra dubuna jiviɗ ngi Buymisemuŋ kasl kasl da mizli. Na jiviɗ ada ngi wurka buutu da buy mimadiɗaa kwa, malla anta kwa? Sey i wurkaka kwa, malla i wurkaka ta kwa?»

Mark 13:22

Naŋ kine, mesi misi sliray ati mijiviɗ misi slirey a sa boko, a sa gam gwat ngi zuma hirnga ati cekenehey, da a gi na, ko mizli Buymisemuŋ muwuna taŋ na, a zizaka taŋ.

Ɓimezle ngi Yesu Kristu ZAŊ mitil di mi 14:6

Yesu a ɓaŋ: «Yi jiviɗ, yi ɓi mikaslsla, yo yi siifa. Ko mbur maru ng'avi Baha gu anta, sey a bi ti vi ya.

SLRA 13:10

a ɓaŋ na: «Ka mbur mundus ti wer malambaˀ ati ketele a kwacay ɗike! Mangal ngi Satan, mesene ngi gi gwat mijeŋŋe! Ki wuɗ ki pula hirya jiviɗ ngi Bumbulvuŋ mikaslsla na ta kpak kwa?

SLRA 14:2

Amma Yude mekelemey mungumam tiɓa ɓi misenna ta na, a paka mi da mizli Yudehey ta na, ɓa a puraka ti Pol ati Barnabasa, ka mizli malambaˀhay.

SLRA 16:17

A ra sipa Pol ati ndra ti widi, a ɓi: «Mizli tayna i gawla ngi Bumbulvuŋ Mimadiɗaŋ. A ra tulukum mi ti ɓi ngi lahavu!»

SLRA 18:26

A zla a ɓi ɓi manja zluwun ar hay ngi diradibiɗ ngi Yudeheye. Amma Akilas ati Prisil micinaka mingiɓi naŋ na, a zuɓakaŋ ngi hay taŋ, dar a bigakaŋ jiviɗ ngi Buymisemuŋ kuy kuy ava ma.

SLRA 19:9

Amma mizli mekelemey a ngumam cin ta, hirnga taŋ gidaŋ, a ɓam ɓi malambaˀ njah njah a mbuŋ mizli gar vur jiviɗ ngi Buymisemuŋ. Dar Pol a wunkam ati taŋ, a hila mitiɓiheye pal taŋ, a dubuna taŋ gwat vur hin gar ar hay ngi lekol ngi Tiranus.

SLRA 22:4

Mizli masipam jiviɗ ngi Buymisemuŋ na, yi sipa taŋ le nder nder hã mekelemey a lumam mucu. Yi ji ziley ati ngwasaya le kaˀ kaˀ ti celelu ng'ar dangay.

SLRA 24:14

Gwat ya misina ani: yi migi slra ngi Buymisemuŋ ngi dideˀ ndrahay, ar sipi jiviɗ, taŋ maɓam i slir na. Ɓimutoho ngir Ɓimujuwa ati ɓi ngi mijiviɗey gar na, yi tiɓa le.

ROMAHAY 2:24

Vurˀe, a tohoko na: «Mizli mekelemey mazaka Buymisemuŋ na, vur kum mizli duniyahay vuna.»

TIMOTE MUDUMBUŊ NAŊ 5:14

Yi wuɗ na, anja wudiga ziri ziri aruŋ na, a zuɓam ziley a muŋ, a yam ziri, a jaka hay taŋhaya, ɓa mizli maziram ti ndra ta na, a lumam ɓi ngi cikisl a hirnga ndra ta.

Ɗerewol TIT 2:5

A gam wuya ta, a cam ar dili ta, a jaka hay taŋhaya kuy kuy, a gam mezle, a cinaka mi da zil taŋhaya, ɓa ko mizli a zaka ɓi ngi Buymisemuŋ ta.

Ɗerewol TIT 2:8

Ɓi ɓi mijeŋŋe, ɓa a lumam ɓi ngi ngila mi ara ta, ɓa mbur mazlir ti ndra ta na, a lum ɓi malambaˀ a hirnga ndra ta, yo ɓa a pi mesem.

PIYER MUDUMBUŊ NAŊ 2:12

Sey ki cifam ti gi gwat mezle a wuzla mizli ngi duniyahaya, da ko ara kupukum ɓi, a ɓukum, kum i migi malambaˀhay tekeɗe kwana, tapas Buymisemuŋ masa so na, ɓa a sa puraka gi gwat kum mezle tuwa, yo a sa hunumaka Buymisemuŋ.

PIYER MUCUW NAŊ 2:12

Amma mizli tayna, taŋ kaɓa gwat misããmi manja lesley, mihĩˀĩ ngi ji ti ngamngamay ati ngi kiɗ vagay vagay na si na, a zam di i gwat taŋ misina ka ta A sa zãˀãm hirɓislik hirɓislik ka gwat misããmihey mazãˀãm na ya.

PIYER MUCUW NAŊ 2:15

A pulaka jiviɗ mezle le, a sipam jiviɗ ngi Balaˀam, mangal ngi Bosor. Balaˀam i mbur muwuɗ luuma dala ti gi gwat mijeŋ ta.

PIYER MUCUW NAŊ 2:18

A ɓam ɓi ngi huhumvu, mingiɓi migilaw gilaw. Mizli mulohoko wureˀ aruŋ, ti wuzla mizli misi ar malambaˀ na ma na, a wuɗam ji taŋ ti may gwat ngi dumvu taŋ magi mesem na.

PIYER MUCUW NAŊ 2:21

Ar taŋ mambiɗam duba avu ɓimuɗuva mipal, miɓaka taŋ di, taŋ misinaka na, anja zuwen taŋ misinaka jiviɗ mijeŋŋe sin le zleˀe ta.

PIYER MUCUW NAŊ 2:7

Amma a laha Lot, mbur mijeŋŋe le. Gwat ngi gi malambaˀ mukuyta wãˀ ngi sulome tayna, a giraŋ le kupuyah wãˀ.

ZUDE 1:10

Amma mizli tayna, gwat taŋ misinaka ta si na, a zaka si, yo gwat taŋ misinaka ti wuluk taŋ misi ka ngi gwat ngi ɓuhoy, wuluk taŋ migilaw gilaw na, i gwat nah masa ziza taŋ tewle.

ZUDE 1:15

ɓa ngi ga kiita da mizli gar. Mizli mizirɗa mihey gar na, a sa ga taŋ kiita vur gwat ngi gi taŋ malambaˀ na, yo vur mingiɓi ngi sliŋ ngi mizli migi mungra tayna maɓaka ar naŋ na.»

ZUDE 1:4

Asi mizli mizirɗa mihey ada, a coko le a wuzla kumo, kiita taŋ i mutoho le zlezle daf dumbuŋ si. Gi mezle ngi Buymisemuŋ miga ndra di na, a tiram di ɓi ngi sulome. Buy ndra Yesu Kristu, madiɗa ndra pal i naŋ na, a jam mi, a ɓam a sinakaŋ ta.

ZUDE 1:7

Sodom ati Gomor waɗ prok ngi ciki taŋhay gar ma na, a vulaka vu taŋ ar gi sulome kanah ya, yo a ram ti kil ngi sipi cil taŋhay ngi hin, a sa sam bonoy ar vu ngi sete, yo gi gwat taŋ i ngi ki mumuyuŋ zay sla a slimiɗ mizli gar.

ƁIMUNJUYO 12:9

A hizigiɗoko ngoŋngoŋ madiɗa, kaw mivi misi zlezle tuwa avra, mazilam «Milyam,» yo «Satan» na, i naŋ, mitikina mizli ngi duniya kurzluˀ gar. A hizigiɗoko di nga ruwuy, jom ati modro naŋhaya.

ƁIMUNJUYO 13:14

A tikina mizli ngi ruwuyoy gar ti cekenehey muvulakaŋ jiviɗ naŋ ɓa a ga a mihiri ngi gwat misããmi mudumbuŋ tuwa. A pa mi da mizli ngi ruwuyoyo, ɓa a ɗiyam foto ngi gwat misããmi mudumbuŋ tuwa, ɓa ngi ɗuvaŋ hirnga. I gwat misããmi misi ti waˀa ngi maslalam zleˀe, mumo ti siifa ti mi a muŋ tuwa.

ƁIMUNJUYO 13:8

Mizli ngisi ruwuyoy gar, misi slimiɗ taŋ manja tuh angi ɗerewol ngi siifa ngi tumuŋ mikiɗaka vagay tuwa, waɗ mizli, slimiɗ taŋ manja tuh zle ti ɗuva virzi ngi duniya na, a sa dilkam a mbuŋ naŋ.