PIYER MUCUW NAŊ 2:14 - Bible en langue guiziga

¹⁴ Pura hiri taŋ, i pura hiri ngi gi madama. Gi mungra anta ɓula taŋ mi ta wãˀ. A pam mazaɓ a mbuŋ mizli hĩhĩyahay. I bugawla ngi may zlilihey, nis ngi Buymisemuŋ naŋ da avu taŋ.

PIYER MUCUW NAŊ 2:14 ပူးပေါင်းရင်းမြစ်များ

Ɗerewol JOP 31:7

Da yi ngizli le ɗaˀ avu jiviɗ mezleŋ, da mevel ɗu a kil le ɗaˀ asi gwat hiri ɗu hĩhĩy le, yo da haŋ ɗu a ci le ɗaˀ ar dili na,

Ɗerewol JOP 31:9

Da i pula mevel ɗu le ɗaˀ da ngwas, a tikiniy le, yo da i kutuk ngwas ngi midigwi ɗu le ɗaˀ gumbaˀ avu miviŋ na,

MIKUCUWULOY 5:6

N'anta sipi jiviɗ ng'ar siifa ta, jiviɗ naŋ a zizi vu na, ko naŋ anta si na ta.

MIKUCUWULOY 6:25

Ki hĩyã ngwas misi kanah asi kuy naŋ na ta, pura hiri naŋ maɗiɗi vu na, ki pulaŋ vu ta.

EZAYI 1:16

Bunam, zuɓaka dili kumoy avra. Gwat malambaˀ kumoyo, zuɓaka taŋ ti mihiri ɗu avra, pulaka gi gwat malambaˀa.

EZAYI 34:5

A muŋ a diga, maslalam ngi Bumbulvuŋ a ro pumbus pal naŋ. Ani ara kiɗ di mizli Edomoy, waɗ mizli naŋ mawuɗ ngizl taŋ tuwa.

EZAYI 65:20

Muc ngi ziri gazahay anta sa gi a diga mata, midigilahay, manja a ndilaka hin taŋ, a micam na, anta mata. Gawla metetek wãˀ a sa muc ti vi skata, yo mbur masa muc, manja a ndila vi skata na, mizli a sa puraka kaɓa i mbur minisa le.

ZEREMI 13:23

Mbur misi kuturkuy titra na, a mbiɗa kuturkuy ngi vu naŋ gu kwa? Dirlenge a mbiɗa ngwic ngi vu naŋ gu kwa? Naŋ kine ya, kum mizli misirkam le ti gi malambaˀa, ki gam gwat mezle gu kwa?

EZEKIYEL 13:18

Ɓi na: Bumbulvuŋ, Buymisemuŋ a ɓi ani: Bonoy avu ngwas matufam kecekecehey ngi ci avu hirzlik ngi haŋhay gar, yo matufam salabihey da mizli, weˀe avu gil ngi mburo ngi mburo gar, ɓa a jaka musuɗuk ngi mizli ɗuwoy na. Ki wuɗam, ki jaka musuɗuk ngi mizli ɗuwoyo, ɓa ki lahaka musuɗuk ngi hirnga kumo sukwa?

Matiye 12:34

Kum sukwi ngi kwecesley, kum mizli malambaˀhay ma na, ki ɓam ɓi mezle gu mbri mbrike? Asi mingiɓi a bo tir wuluk minaha mevele le.

Matiye 23:14

«Kum buy ngi ɓimujuwahay ati Farisa miɓi mi cuw cuwoy, kay, kum ar bonoy! Kum mazumaka gwat ngi si haŋ ngi ngwas wudigahay gar, kum madiram dibiɗ hã ki zikam di haɗi ɓa mizli a purukum na, a sa gukum kiita mutuwaˀ haɗi vurˀe!]

Matiye 25:41

«A dirba nah na, Buy a sa ɓa mizli ngir vay gula naŋhaya: ‹Kum mizli minisahay, kiraham kileŋ avu ya ng'ar vu ngi sete, miɗiya vur Satan ati modro naŋhay!

Matiye 5:28

Amma ya i ɓukum na: ko wa mupur ngwas le, a hĩyã le, ɓa a hin di na, kite a gi di madama le a mevele si.

Mark 13:22

Naŋ kine, mesi misi sliray ati mijiviɗ misi slirey a sa boko, a sa gam gwat ngi zuma hirnga ati cekenehey, da a gi na, ko mizli Buymisemuŋ muwuna taŋ na, a zizaka taŋ.

Ɓimezle ngi Yesu Kristu ZAŊ mitil di mi 5:44

Kumo, ki vulam dudoko ar wala kum tehhe a muŋ, kum anta sipam dudok Buymisemuŋ pal naŋ mavula na ta ma na, anja kisa tiɓikiy mbri mbri zleˀe ka?

ROMAHAY 16:18

Asi mizli tayna anta gam di i gwat ngi Buy ndra Kristu ta, amma a gam asi kwacay taŋ si. A ra gaka gilaw da mizli misi mevel taŋ ka ngi ziri, ti ɗuva taŋ hunum taˀ taˀ ti mingiɓi mideɗeke.

KORENTIHEY MUDUMBUŊ 11:19

A zlir le ɓa wunkaˀay a gi ar wala kum vuna, ɓa ngi si na mizli mijeŋŋehey migisiŋ gisiŋ.

EFESEY 2:3

Zleˀe kwana, ndra gar ka taŋ vuna ya. I sipam gwat kpak ngi vu ndra mahĩyã. I gam gwat vu ndra ati lesl ndra mawuɗo. Naŋ kine, ti kpak ngi vu ndra na, i ndilaka le ɓa Buymisemuŋ a zuɓ himaˀ ar ndra kaɓa naŋ mazuɓ ar mizli mekelemey na ya.

EFESEY 4:14

Kahana na, ndr'anta sa ndiram ziri ziri mata. Ɓa gwat gar mizli madubunaka da mizli ti wer ngi ga taŋ gilaw, yo ɓa a zluɓam ɓi na, aru ti ndra nos aka nos aka mata.

KOLOSOY 2:18

Anja ki pulaka mbur a pukum hirnga ti ɓi malambaˀ ta. Mizli mekelemey ada, a hĩyãm gi gwat mabiga kaɓa ara sipaka ɓi ngi Buymisemuŋ dar dar. A hĩyãm huruk huruk a mbuŋ modro ngi Bumbulvuŋhoy. A ɓam ɓi ngi gwat taŋ mupuraka ti kleŋ, yo lesl ngi hirnga taŋ a vula taŋ huhumvu.

Ɗerewol ZAK 1:8

Vur naŋ anta cica wuluko deŋ purla ta. Gwat naŋ maga gar na, a si na ɓa a gi dar, i hana ta.

PIYER MUCUW NAŊ 2:18

A ɓam ɓi ngi huhumvu, mingiɓi migilaw gilaw. Mizli mulohoko wureˀ aruŋ, ti wuzla mizli misi ar malambaˀ na ma na, a wuɗam ji taŋ ti may gwat ngi dumvu taŋ magi mesem na.

PIYER MUCUW NAŊ 2:3

Mizli mudubuna ɓi ngi slir tayna, ti may dala taŋ na, a sa zumukum ti mingiɓi taŋ mukoloŋ koloŋ ngi gi gilaw da mbur na. Taŋ na, migi kiita taŋ a wi vu le weˀ zlezle si, yo mizizi taŋ anta hinje ta.

PIYER MUCUW NAŊ 3:16

Ar ɗerewoloy, naŋ mutoho taŋ gar na, naŋ da ɓa kanah. Li macinam tuwaˀ tuwaˀhay ada ar ɗerewol Pol mutoho taŋ. Mizli misinam gwat tahay ati mudubunam gwat tahaya, a mbiɗaka pulaˀvra taŋ slurkoɗo, kaɓa taŋ magam ti li mekelemey ar Ɓimutoho, ngi so ti zizi nga hirnga taŋ na.

ZAŊ MUDUMBUŊ NAŊ 2:16

Gwat ngir duniya gar, kaɓa: may gwat ngi dumvu, hiyĩ gwat ngi hiri mapura gar waɗ pula vu mbak da huhumvu ti zlili gar na, a so tivi Cine ndra ta, amma a so tivu duniya.

ZUDE 1:11

Kay! Taŋ ar bonoy, asi a sipam di i jiviɗ ngi Kayẽ. A pulaka vu taŋ da slir, ɓa ngi luuma dala kaɓa Balaˀam, yo a zizam kap kap wãˀ, asi a slam himaˀ le avu Buymisemuŋ kaɓa Kore.

ƁIMUNJUYO 12:9

A hizigiɗoko ngoŋngoŋ madiɗa, kaw mivi misi zlezle tuwa avra, mazilam «Milyam,» yo «Satan» na, i naŋ, mitikina mizli ngi duniya kurzluˀ gar. A hizigiɗoko di nga ruwuy, jom ati modro naŋhaya.