PIYER MUCUW NAŊ 2:1 - Bible en langue guiziga

¹ Zleˀe na, mijiviɗ misi slirey ada a wuzla mizli Israyeleye. Naŋ kine ya, mizli madubuna gwat ti slirey da mizli, ada sa boko a wuzla kum aya. A sa coko dubuna ɓi ngi ziza vu, hã a sa jam mi, a ɓam: a sinaka Buy mumbuɗo hirnga taŋ na ta. A sa soko ti zizi nga hirnga taŋ kutum si.

PIYER MUCUW NAŊ 2:1 ပူးပေါင်းရင်းမြစ်များ

BUYOY MUDUMBUŊ NAŊ 22:6

Buy Israyele, a kuso mijiviɗeye, a gam gwat ngi mizli skat skat mufaɗa, a cufuɗa taŋ: «Ani zliv i ra gi vurum a Ramot, hirwuy Galaˀat na kwa malla i pula ɓi nah teˀ kwa mbrike?» Mijiviɗey a mbiɗakaŋ di: «Aru, Bumbulvuŋ a sa vula Ramot asi haŋ ɗike, buy.»

BI NGI ISRAYELEY 15:16

A zluwunam, a wusam ngbaˀngbaˀ, a muˀulom sok sok, hã mizli ɗikey ka mulumo taŋ na, a cohom Bumbulvuŋ.

EZAYI 9:15

Miki mbuŋ tayna, a zizaka mizli le, dar mizli maram asi taŋ, a zuɓam jiviɗ malambaˀ.

ZEREMI 29:21

«Ahap, mangal ngi Kolaya, waɗ Sidekiya, mangal ngi Maˀaseya, taŋ manjikam ɓi ngi slir ti slimiɗ ɗu na, ya Bumbulvuŋ misi gidaŋ wãˀ, Buymisemuŋ ngi Israyele, i ɓi vur t'ani: i sa vula taŋ asi haŋ ngi Nabukodonozor, buy madiɗa ngi Babiloŋ, a sa kiɗa taŋ vagay vagay a mihiri kumo.

ZEREMI 37:19

Mijiviɗey munjukukum ɓi, a ɓukum: kum vuna malla hirwuy hana, ko Babiloŋ anta sa gukum bonoy ta na, mijiviɗ tayna vuna taŋ amaka?»

ZEREMI 6:13

Asi zle avu ziri hã avu mizli madiɗahaya, may luuma gwat avu taŋ haɗa. Mijiviɗey ati masayaya gar, gwat ngi gi taŋ jeŋ ta.

TUWUY 2:14

Mijiviɗ ɗikey ara puram gwat ti kleŋ vur ka ngbaŋ, amma i ɓi ngi slir, yo i ɓi ngatara lambaˀ. Tˀanta njikukuw malambaˀ ɗike ta, anja ani ki mbiɗa joˀ ɗike le zleˀe. A ra puram gwat ti kleŋ vur ka, amma a tilam di i mi ti ɓi ngi slir ati tikina vu.

Ɗerewol OZE 9:8

Madiɗa ngi soje Efrayimeye, naŋ ati Buymisemuŋ ɗu, i mijiviɗ ngi Bumbulvuŋ. Ar li gar naŋ maru na, ara pakaŋ mazaɓ. A ra zlakaŋ ngi kiɗa vu sesẽŋ a hay Buymisemuŋ naŋ.

MISE 2:11

Mbur maɓi ɓi lambaˀ, yo masli slir, maɓi: «I wuɗ ɓa i tulukum mi vur ɓi ngi mbaazla ati gwat ngi si mawi vu» na, kisa lumam, naɓa mbur nah vuna i mijiviɗ ngi mizli tayna.

MISE 3:11

Buy taŋhaya, ɓa a gaka kiita na, sey gwat ngatara taˀ le, masay taŋhaya, ɓa a dubunaka gwat da mizli na, sey a wurkaka taŋ wuruk le, mijiviɗ taŋhaya, ɓa a ɓaka ɓi ngi gwat masa gi na, sey dala taˀ le. A jaham jah ti Bumbulvuŋ, a ɓam: «Bumbulvuŋ naŋ anta wuzla ndra ta kwa? Kay, mendere anta so ng'ar ndra ta.»

MISE 3:5

Mizli matikinaka mizli ɗuwoy na, Bumbulvuŋ a ɓi vur t'ani: «Da a lumam gwat le ngi humbuɗ a balama na, a tilam mi a ɓam zuy ada, amma da a lumam gwat ngi humbuɗ a balama ta na, a slikiɗam gi vurum mipal.

MALASI 3:5

I sa so a wuzla kumo ngi gukum kiita kumoyo. Mizli misi cucukoy ati migi madamahay, muhudum ti slirey ati muzuma migir ngi migi slrahay, ngi ngwas wudiga ati mutuhuhoy, muguzuvura moholoyoy, yo taŋ mazluwunam ti ya ta gar na, yi sa mbiɗa taŋ hirnga kutumo si. I ya Bumbulvuŋ misi gidaŋ wãˀ maɓi.»

Matiye 10:33

Amma ko wa gar masa ɓi njah a mbuŋ mizli a siniy ta na, ya kwana, yi sa ɓi njah a mbuŋ Cine ɗu misi a muŋ, yi sinaŋ ta ya.

Matiye 24:11

Mijiviɗ misi slirey haɗi a sa boko, a sa gam gilaw da mizli haɗi.

Matiye 24:24

Asi Kristu misi slirey ati mijiviɗ misi slirey a sa soko, a sa gam gwat mizli migam ɗaˀ tahay ati cekenehey haɗi, da a gi na, ɓa a zizaka mizli Buymisemuŋ muwuna taŋ na.

Matiye 24:5

Asi mizli haɗi a sa soko ti slimiɗ ɗu, a sa ɓam: ‹Yi Kristu.› A sa gam gilaw da mizli haɗi.

Matiye 7:15

«Wam vu avu mijiviɗ misi slireye. A soko avu kumo ka tumuŋhoy, amma hur kwacay taŋ i kiriɓuh miji vuhoy.

Mark 13:22

Naŋ kine, mesi misi sliray ati mijiviɗ misi slirey a sa boko, a sa gam gwat ngi zuma hirnga ati cekenehey, da a gi na, ko mizli Buymisemuŋ muwuna taŋ na, a zizaka taŋ.

Ɓimezle ngi Yesu Kristu LUK mitil di mi 12:9

Amma mbur masa ɓi njah a mbuŋ mizli, a siniy ta na, Mangal ngi mbur a sa ɓi njah a mbuŋ modro ngi Buymisemuŋhoyo, a sinaŋ ta ya.

Ɓimezle ngi Yesu Kristu LUK mitil di mi 21:8

Yesu a mbiɗa taŋ di: «Jam lesl, ki pulaka vu kumo ɓa a mbuɗukum gilaw ta. Asi mizli haɗi a sa soko ti slimiɗ ɗu, a sa ɓam: ‹I ya Mesi›, yo ‹Hin a ndilo le!› Amma anja ki sipaka taŋ ta.

Ɓimezle ngi Yesu Kristu LUK mitil di mi 6:26

Da mizli gar ara ɓam ɓi mezle ar kum na, kay, kum ar bonoy. Asi mike na, dideˀ taŋhay a gam ti mijiviɗ misi slireye le zleˀe kanah ya.

ROMAHAY 16:18

Asi mizli tayna anta gam di i gwat ngi Buy ndra Kristu ta, amma a gam asi kwacay taŋ si. A ra gaka gilaw da mizli misi mevel taŋ ka ngi ziri, ti ɗuva taŋ hunum taˀ taˀ ti mingiɓi mideɗeke.

KORENTIHEY MUDUMBUŊ 11:19

A zlir le ɓa wunkaˀay a gi ar wala kum vuna, ɓa ngi si na mizli mijeŋŋehey migisiŋ gisiŋ.

KORENTIHEY MUDUMBUŊ 6:20

Buymisemuŋ a wuruk le ngi mbiɗa hirnga kumo, gaka dudok da Buymisemuŋ ti dumvu kumo so.

KORENTIHEY MUDUMBUŊ 7:23

Buymisemuŋ a wuruk le ngi mbiɗa hirnga kumo. Ki tiram beke ngi mizli ta.

GALATAY 2:4

Ko ti sukum ndra misi slirey mujumoko ng'avi ndra, muwuɗam ci naŋ na kwana, a cakaŋ ta. Mizli tayna, a slirkiɗoko nga wuzla ndra, ɓa a jiɗaka luuma hirnga ndra, asi ndra mujom ati Yesu Kristu na. Taŋ a wuɗam ɓa a tiram ti ndra bekehey.

GALATAY 3:13

Kristu a mbiɗa hirnga ndra le avu nis ngi ɓimujuwa. Naŋ vuna a tiri minisa le ar deɗe ndra. Naŋ kine, a tohoko na: «Ko wa gar midiraka le avu dum na, i minisa le.»

GALATAY 4:17

Mizli mahurdumom ngi ki slimiɗ ar kum haɗa na, wuluk taŋ, i mezle ta. A wuɗam ɓa a guhukum avu ya, ɓa ki kam slimiɗ hirdam hirdam ti mevel kum wãˀ.

GALATAY 5:20

huruk huruk a mbuŋ kulihey, ketele, gi mesene, wunkaˀay, suloŋ, ji mevel, tiri, jumoˀay ta, ngic mingac kini ngac kini ar wala,

EFESEY 1:7

Kristu a mbiɗa hirnga ndra le ti pumbus naŋ ar ndra mujom ati naŋ, yo mungra ndrahay a puyam le avra kaɓa gimezle Buymisemuŋ miga ndra di haɗi na.

EFESEY 4:14

Kahana na, ndr'anta sa ndiram ziri ziri mata. Ɓa gwat gar mizli madubunaka da mizli ti wer ngi ga taŋ gilaw, yo ɓa a zluɓam ɓi na, aru ti ndra nos aka nos aka mata.

Slu cuw 32:6

Gwat gilaw manja lesley, ki gam ti Bumbulvuŋ kanah gu kwa? Naŋ i Cine kum muvulukum siifa vuna ta kwa? Mugukum, yo a tiri ti kum mizli naŋhay na, i naŋ vuna ta kwa?

FILIPIHEY 3:19

Kiɗa mi nga taŋ, i zizi. Asi bumbulvuŋ nga taŋ, i kwacay taŋ. A jijaham nga taŋ asi gwat ngi pi mesem. A wulkam a mevel taŋ, i gwat ngi ruwuy aka tewle.

KOLOSOY 2:18

Anja ki pulaka mbur a pukum hirnga ti ɓi malambaˀ ta. Mizli mekelemey ada, a hĩyãm gi gwat mabiga kaɓa ara sipaka ɓi ngi Buymisemuŋ dar dar. A hĩyãm huruk huruk a mbuŋ modro ngi Bumbulvuŋhoy. A ɓam ɓi ngi gwat taŋ mupuraka ti kleŋ, yo lesl ngi hirnga taŋ a vula taŋ huhumvu.

KOLOSOY 2:8

Jam lesl, anja mbur a jukum ti mazaɓ ngi dubun ngi mizli ta. Gi gilaw ngatara hana, a so tivi sirik ngi mizli, tivi gwat misi gidaŋ ngir duniyahay, anta tivi Kristu ta.

TIMOTE MUDUMBUŊ NAŊ 5:8

Da mbur anta ki slimiɗ ar muy naŋhaya ta, wãˀ naŋ anta ki slimiɗ ar mizli ngi hay naŋhaya ta na, kite a pula tiɓi le, a gi gwat mukuy ta le wãˀ, fineˀ mbur mitiɓi ɗaˀ ta.

TIMOTE MUCUW NAŊ 4:3

Naŋ kine, hin a sa ndilawa, tapasa, mizli mekelemey anta sa wuɗam cine dubun mijeŋŋe mata. Amma a sa sipam gwat makiɗa taŋ may, yo a sa cikilam mizli sikinih ngi dubunaka taŋ gwat ngisi mevel taŋ.

Ɗerewol TIT 1:11

Anja ki guco taŋ mi, asi ara mbiɗaka lesl da hay ngi mizli keɗeɗe, yo ara dubunaka taŋ luuma dala ti jiviɗ mijeŋ ta.

Ɗerewol TIT 3:10

Mbur maga ɓa mitiɓihey a wunkam ˀay na, ɓaŋ sar pal, malla sar cuw na, ki baˀa baˀ murvay.

HEBEREY 10:29

Mbur makirpa Mangal ngi Buymisemuŋ, magi lambaˀ ti pumbus ngi Yesu mipa ngi jumoˀay, naŋ muzuɓaŋ mungra naŋ avra ti naŋ, yo a za ˀUf Mipal, magi mezle na ma na, mbur nah a sa lum bonoy mihimaˀ kuyta wãˀ ta jak kwa?

PIYER MUDUMBUŊ NAŊ 1:8

Yesu Kristu, ko da ki purakaŋ ɗaˀ ta tekeɗe kwana, ki ra wuɗakaŋ. Kum anta purakaŋ t'aruŋ, amma ki ra tiɓakaŋ. Vurˀe, ki ra mumulom ti mumul mududok haɗa wãˀ, a funa ngi ɓi avu mi le.

PIYER MUCUW NAŊ 2:3

Mizli mudubuna ɓi ngi slir tayna, ti may dala taŋ na, a sa zumukum ti mingiɓi taŋ mukoloŋ koloŋ ngi gi gilaw da mbur na. Taŋ na, migi kiita taŋ a wi vu le weˀ zlezle si, yo mizizi taŋ anta hinje ta.

ZAŊ MUDUMBUŊ NAŊ 2:26

Ɓi ya mawuɗ i tuhukum di ar ɓi ngi mizli mawuɗam zizi kum na, i hana so.

ZAŊ MUDUMBUŊ NAŊ 4:1

Yeme ɗuwoy, ˀuf wanaka gar na, anja ki tiɓaka ta, amma puraka ɗagay, ɓa ki sinaka, da i ˀUf ngi Buymisemuŋ kwana. Asi mijiviɗ misi slirey a yam vu le haɗa asi ruwuyo.

ZUDE 1:18

A ɓukum na, angi hin ngi dirbahay na, mizli mekelemey a sa singiram ar kum, a sa gam may gwat ngi dumvu taŋ mahĩyã.

ZUDE 1:4

Asi mizli mizirɗa mihey ada, a coko le a wuzla kumo, kiita taŋ i mutoho le zlezle daf dumbuŋ si. Gi mezle ngi Buymisemuŋ miga ndra di na, a tiram di ɓi ngi sulome. Buy ndra Yesu Kristu, madiɗa ndra pal i naŋ na, a jam mi, a ɓam a sinakaŋ ta.

ƁIMUNJUYO 13:14

A tikina mizli ngi ruwuyoy gar ti cekenehey muvulakaŋ jiviɗ naŋ ɓa a ga a mihiri ngi gwat misããmi mudumbuŋ tuwa. A pa mi da mizli ngi ruwuyoyo, ɓa a ɗiyam foto ngi gwat misããmi mudumbuŋ tuwa, ɓa ngi ɗuvaŋ hirnga. I gwat misããmi misi ti waˀa ngi maslalam zleˀe, mumo ti siifa ti mi a muŋ tuwa.

ƁIMUNJUYO 2:13

I si na li ka micifi a nga na le, i li Satan mazum buy anga. Amma k'ada zlak gidaŋ gidaŋ avu ya. Yo ka mitiɓiy na, ki ji di mi ta. Antipas, migi sedewo ɗu miteŋteŋ, ko ti taŋ mikiɗaka vagay angi li Satan micifi anga a hay kum na tekeɗe kwana, ki ji mi ta.

ƁIMUNJUYO 2:9

I si na bonoy ɗik waɗ murga ɗike le, amma ki misi zlili. Yo mizli mawaka vu taŋ ka Yudehey, dambalaka i Yudehey ta ma na, i si na le, ara jukuw ɓi. Taŋ i jum ngi mizli ngi Satanay.

ƁIMUNJUYO 3:8

I si na gwat ngi gi ɗike le. Gidaŋ ɗike, naŋ neˀkini. Gar ti nah kwana, ki ja ɓi ɗu le a hirnga, yo ko ki ji mi ti slimiɗ ɗu ta. Pura, yi wuna mizlingre le baŋ a mbuŋ ɗike, ko mbur magica gu anta.

ƁIMUNJUYO 5:9

A zlam dimis nawaya ani: «Ki ndila le ter ngi tiɓa ɗerewolo, ɓa ngi turo sluruɓoyo. Asi a kuɗukuw le vagay zleˀe, yo ki mbiɗa hirnga ngi mizli le ti pumbus ɗiki, ɓa a ndiram da Buymisemuŋ. Mizli muboko tisi sukwi mitaˀ taˀ gar, maɓam mi wal wal ngi wuzla mizli, waɗ ngi wuzla sukwi ngi ruwuy gar.

ƁIMUNJUYO 6:10

A roko tilam mi ti gidaŋ, a ɓam: «Buymisemuŋ, ka mipal, yo ka mikaslsla na, kisa muro kiita ngi mizli ngi ruwuyoy pula cuwal ngi taŋ mikiɗam ndra na, hã ti vunaka?»