PIYER MUCUW NAŊ 1:8 - Bible en langue guiziga

⁸ Asi da gwat tayna t'ada avu kumo haɗa na, a sa tiri ti kum wirwir, yo gidaŋ gidaŋ ngi si na Buy ndra Yesu Kristu.

PIYER MUCUW NAŊ 1:8 ပူးပေါင်းရင်းမြစ်များ

MIKUCUWULOY 19:15

Masafaya a ca mburo ar hinje, yo kwacay ngi mbur masafaya naŋ njoŋ kine.

Matiye 13:22

Hilfa gwat midiɗ a wuzla hadaw na, i mbur macin ɓi. Amma wuluk ngi duniya ati tikin ngi luuma zlili a vuso ɓi tuwa, mbak a gi mengeleleŋ mata.

Matiye 20:3

Ti pas ngi vula yam a pilis ma na, a bi ma, a pur mizli mekelemey deŋ deŋ ar li ngi luuma, anta gam slra ta.

Matiye 20:6

Ngi pastaˀ wãˀ ma na, a bi, a lum mizli mekelemey deŋ deŋ lambaˀ. A ɓa taŋ: «Ki vam hiipas dedeŋ aka, ki gam slra ta vur mike»

Matiye 25:26

Amma kumani naŋ a mbiɗaŋ di: ‹Kay, ki gawla masafaya malambaˀvu! Ki si na le, yi gi sifi ngi gwat ar li ya mizliga ta, yo yi kus gwat ngi migam ar li ya mizliɗa hilfa naŋ ta ngbaŋ.

Ɓimezle ngi Yesu Kristu ZAŊ mitil di mi 15:2

Mihaŋ mikaˀ avu ya mayi ta gar na, a sa nguma avra. Amma mihaŋ mayi gar na, a sa kilaha, ɓa a yi haɗa ti vendeke ma.

Ɓimezle ngi Yesu Kristu ZAŊ mitil di mi 17:3

Da mizli a sinukuw le, Buymisemuŋ mijeŋŋe pal i ka, yo Yesu Kristu, mbur ka mislino di na, da a sinaka le na, naɓa siifa ngi sete i nah.

Ɓimezle ngi Yesu Kristu ZAŊ mitil di mi 5:42

Na zle, yi sinukum le, wuɗa Buymisemuŋ anta a hur kumo ta.

ROMAHAY 12:11

Anja masafaya a gukum ta, amma ndiram wirwir. Gaka slra ngi Bumbulvuŋ ti mevel purla.

KORENTIHEY MUDUMBUŊ 15:58

Naŋ kanah, sukum ɗu, yeme ɗuwoy, cicam zlak gidaŋ gidaŋ, ki jijikam ta. A ram nga mbuŋ nga mbuŋ ndrehhe ar slra ngi Bumbulvuŋ, asi ki sinaka le, cika vu kum ti slra asi kum mujom ati Bumbulvuŋ na, i ngatara ta.

KORENTIHEY MUCUW NAŊ 13:5

Kum vuna, puraka mevel kumo ti haŋ kum tehhe a muŋ. Kum mitiɓam na, kum ada sipaka kwa mbrike na, bigaka so. Malla Yesu Kristu naŋ da a hur kumo na, ki sinaka ta kwa? Sey da ɓi ngi Kristu kum mitiɓaka na, ki ndilaka bigi naŋ ta far.

KORENTIHEY MUCUW NAŊ 8:2

A lumam bonoy le wal wal haɗi, ɓa ngi pura taŋ ava. Amma ko ti murga taŋ mihaɗi na kwana, a mumulom le haɗa, hã a tiram mizli muvuloy ti gula ti hazum.

KORENTIHEY MUCUW NAŊ 8:7

Ani, ki gam zlili le, gwat gar ada avu kum: tiɓi, si na ɓi ɓi, si na gi gwata, gi wirwir ar gwat gar, waɗ wuɗavu kum mulumaka avu ndra. Bigaka, kum i misi zlilihey ti vul kum ti gula ti hazum na ya.

KORENTIHEY MUCUW NAŊ 9:14

Yo a sa bugukum, taŋ mawuɗokum haɗa na, ti diradibiɗ taŋ vur kum asi gimezle mihaɗa Buymisemuŋ mugukum di na.

FILIPIHEY 1:9

Diradibiɗ ɗu avu Bumbulvuŋ ani: ɓa anja ki wuɗam vu nga mbuŋ nga mbuŋ ava, ki ndiram hiri ɗeŋ ɗeŋ waɗ ki slaka wala ngi ɓi kuy kuy wãˀ,

FILIPIHEY 2:5

Gaka kahana ar wala kumo, kaɓa mizli magaka tisi Yesu Kristu na.

FILIPIHEY 3:8

Na, ya mapura taŋ kaɓa i zizi ti zizi na, asi i ra pur li lum madiɗa mifineˀ tayna: i si na Buy ɗu Yesu Kristu. I pula gwataya le gar avra aseˀe. I pura taŋ gar kaɓa gwat ngir kitikiley, ɓa ngi luuma Kristu.

KOLOSOY 1:10

ɓa kahana na, ki cifam ka Bumbulvuŋ mawuɗ, yo ɓa ki sipam gi gwat maciraŋ hiri wãˀ. Joˀ kisa gam slra mezle ti sukwi wal wal gar, yo kisa sinaka Buymisemuŋ nga mbuŋ nga mbuŋ.

KOLOSOY 2:7

Diram dimbasl, yo cam hǝɗ hǝɗ angi naŋ. Ndiram gidaŋ gidaŋ ar tiɓi kumo, kaɓa taŋ mudubunukum di, yo gaka sise fineˀ gidaŋ da Buymisemuŋ.

KOLOSOY 3:16

Anja Mingiɓi ngi Kristu a cifi ti gidaŋ haɗa a mevel kumo. Dubunam gwat, yo ɓam ɗaˀ ɗaˀ le ar wala kumo ti sinmijileŋ miwãˀ naŋ. Zlam dimis ngi ga sise da Buymisemuŋ ti mevel purla, hunumakaŋ ti dimis ngi Bumbulvuŋ, ti dimis maɓi ɓi ngi ˀUf Mipal mavula.

TESALONIKEY MUDUMBUŊ NAŊ 3:12

Kum mawuɗavu ar wala kum, yo kum mawuɗam mizli gar na, anja Bumbulvuŋ a ska ng'amkbuŋ nga mbuŋ. Anja ki wuɗam vu kaɓa ndra muwuɗukum na ya.

TESALONIKEY MUDUMBUŊ NAŊ 4:1

Sukum ndrahay, gwat mindir ngi ɓukum di na anihĩ: gwat ngi gi macira hiri da Bumbulvuŋ na, ki dubunaka le avu ndra zleˀe, ki ra gaka kanah vuna si. Amma wurenna so na, i ra tumbulukum, ambuh ambuh kum ti slimiɗ ngi Buy Yesu, gaka nga mbuŋ nga mbuŋ ava ma.

TESALONIKEY MUCUW NAŊ 1:3

Sukum ndra misikristuhoy, sey i gaka sise da Buymisemuŋ ndrehhe vur kumo. A zlir le kanah gisiŋ, vur tiɓi kumo, ara sik nga mbuŋ nga mbuŋ, yo wuɗavu misi ar wala kum na, ara sik a mevel kumo purla purla gar.

TIMOTE MUDUMBUŊ NAŊ 5:13

Yo ma na, slra taŋ misi anta tuwa na, a sirkam liˀi caŋ caŋ, vur hay vur hay. I nah tew ta ma, a gam mi haɗa, a cikislam ɓi, yo a puwam ɓi lambaˀ lambaˀa ma.

Ɗerewol TIT 3:14

Sey mizli ndraˀahaya kwana, a dubunaka gi gwat mezle ti jiviɗ naŋ kuy kuy, ɓa a jinaka mizli ar gwat taŋ mawuɗam gurjike. Kahana na, naɓa a ndiram joˀ joˀ ngatara ta.

FILEMOŊ 1:6

Anja tiɓi ɗik mujom ati ndra na, a gi slra mezle wãˀ, gimezlehey ndra magaka taŋ gu tisi Kristu na, biga taŋ gar.

HEBEREY 6:12

Anja ki gam masafaya ta. Mizli masa lumam zlili miɓaka taŋ ɓi nah le ɗaˀ le, asi tiɓi taŋ ati cici taŋ zlak na, i wuɗam na, anja ki sipaka sar taŋ.

PIYER MUCUW NAŊ 1:2

Anja ki lumam gimezle haɗa haɗa tisi kum masinaka Buymisemuŋ ati Buy ndra Yesu Kristu na.

PIYER MUCUW NAŊ 1:3

Naŋ kine, gwat ndra muroko ti may naŋ ar joˀ ndra, waɗ ar sipi jiviɗ ndra na, gidaŋ ngi Bumbulvuŋ a vula ndra di le. A vula ndra di ti naŋ mibiga ndra mbur mizila ndra ti dudok nga naŋ, waɗ ti gidaŋ nga naŋ magi slra na.

PIYER MUCUW NAŊ 2:20

Asi mike na, mizli muɗuɗoko vu taŋ le tir dili ngi duniya, asi taŋ misinaka milih ndra Buy Yesu Kristu na, da ara pulaka vu taŋ mbak da dili ngi duniya a sirta taŋ, yo a wa taŋ a muŋ na, naɓa joˀ taŋ a sa tiri malambaˀ wãˀ fineˀ mudumbuŋ ma.

PIYER MUCUW NAŊ 3:18

Amma a ram nga mbuŋ ti gi mezle, yo ar si na Buy ndra Yesu Kristu Milih ndra na. Anja dudok a ndir da naŋ, zle wurenna, hã ngi samadin! Amin.