PIYER MUCUW NAŊ 1:6 - Bible en langue guiziga

⁶ Ngar si na gwata, coko jigina vu kum, ng'ar jigina vu kumo, coko ɓusaɓi, ng'ar ɓusaɓi, coko si na Buymisemuŋ.

PIYER MUCUW NAŊ 1:6 ပူးပေါင်းရင်းမြစ်များ

ZLI VIRZI 5:24

Henok a cifi kuy kuy a mbuŋ Buymisemuŋ, a dirba nah, naŋ anta mata, asi Buymisemuŋ a zuɓa le.

DIMISEY 37:7

Cifi teˀ teˀ a mbuŋ Bumbulvuŋ, ɗuva wuluko taˀ angaŋ. Mbur migi gwat le gu na, ki gi fõh fõh anga ta, mbur magi gwat ti wer na, ki gi fõh fõh anga ta.

EZAYI 57:1

A ra kiɗaka mizli mijeŋŋeheye vagay vagay, amma ko mbur loŋ malika taŋ anta. A ra ngizlaka mizli mezleheye, amma ko mbur maki slimiɗ ar taŋ anta. Haˀaw, mangizlaka mizli mijeŋŋehey vuna, i misi moˀorehey.

Ɓimezle ngi Yesu Kristu LUK mitil di mi 21:19

Cicam zlak kuy kuy, ɓa ki lahaka hirnga kumo.

Ɓimezle ngi Yesu Kristu LUK mitil di mi 8:15

Misi angi li mezle na, i mizli macinam mingiɓi tuwa ti mevel mezle, mukuy, yo majaka a hirnga, a hurdumom, hã a sikam.

SLRA 24:25

Amma Pol maru ti mingiɓi dum le ng'ar ɓi ngi cifi mijeŋŋe, jigina vu avu gwatay waɗ ng'ar ɓi ngi kiita ngi kiɗa mi ngi duniya tuwa na, a ga zluwun le da Felikse, a tika Polo, a ɓaŋ: «Wurenna, aru kwaɗay, i sa ziluw duwul aruŋ.»

ROMAHAY 15:4

Dambalaka, ɓi mutohoko zlezle gar na, a tohoko ɓa ngi biga ndra gwata, ɓa i njaham hiri njah, asi ɓusaɓi ati tisla mevel, naŋ mavula ndra di.

ROMAHAY 2:7

Mizli mahurdumom ti gi slra mezle, mapuram jiviɗ ɓa Buymisemuŋ a vula taŋ dudok, ɓa a ɗuva taŋ hirnga, yo ɓa a ndiram caˀa na, Buymisemuŋ a sa vula taŋ siifa ngi sete.

ROMAHAY 8:25

Amma da i ra njaham hiri ngi kutuko gwat ndra mapuraka ta na, naɓa i ra kutukom gwat ti ɓusaɓi.

KORENTIHEY MUDUMBUŊ 9:25

Mizli mawuɗam ci ngi pi mi gar na, a sirkaka vu taŋ ti gidaŋ nga taŋ, ɓa ngi luuma loppol mazik vuna ta ma. Amma ngi ndra, ɓa ngi luuma loppol mahiryi ta wãˀ.

KORENTIHEY MUCUW NAŊ 6:4

Angi gwat gar na, i ra bigaka, ndr'i migi slra ngi Buymisemuŋhoy jaka. I ra hurdumom ti ɓusa bonoy, ti ɓusa tikaˀay waɗ muɗa didaka.

GALATAY 5:23

teˀteˀe, jigina vu. Ɓimujuwa anta tika gwat misi ka tayna ta.

KOLOSOY 1:11

I ra cufuɗaka Buymisemuŋ, ɓa ki lumam gidaŋ ar gwat gar ti gidaŋ ngi dudok naŋ, ɓa kanah na, ko bonoy wanaka gar na, ki hurdumom, ki ɓusaka gu.

TESALONIKEY MUDUMBUŊ NAŊ 1:3

I ra wulkam keŋŋe ar tiɓi kum magam di slra na, ar wuɗavu haɗi ar wala kum, yo ar njahha hiri kum mihirdam hirdam, maso tivu Buy ndra Yesu Kristu a mbuŋ Cine ndra Buymisemuŋ na.

TESALONIKEY MUCUW NAŊ 1:4

Vurˀe, i ra jijaham haɗi vur kumo, a wuzla Cikil ngi misikristuhoy gar. Asi ko ar bonoy, ko da mizli ra supukum nder nder kwana, ki ra ɓusakaŋ, ki ra cicam zlak kuy kuy, yo ki ra tiɓam kuy kuy na si.

TESALONIKEY MUCUW NAŊ 3:5

Anja Bumbulvuŋ a bugukum jiviɗ ngi wuɗa Buymisemuŋ a mevel kumo ati ngi ɓusa ɓi Kristu muɓusa na ya.

TIMOTE MUDUMBUŊ NAŊ 2:10

Amma anja a ɗiyam vu ti gwat ngi gi taŋ mezle jaka, i gwat mizlir le avu ngwasay mazluwunam ti Buymisemuŋ.

TIMOTE MUDUMBUŊ NAŊ 2:2

A diram dibiɗ vur buy madiɗahay ati mizli miwi hirwuyoy gar, ɓa i cifam zuy zuy, setette, i sipam jiviɗ ngi Buymisemuŋ, yo i gam gwat mezle.

TIMOTE MUDUMBUŊ NAŊ 3:16

Gisiŋ, ɓi mufuna wuluk ngi mbur, ndra masipaka na, i ɓi madiɗa! Yesu Kristu a bugo vu ti dumvu ngi mbur, ˀUf Mipal a biga le, naŋ jeŋŋe, modro ngi Bumbulvuŋhoy a purakaŋ le keɗ keɗe, a tilam di mi le a wuzla sukwi ngi mizli, duniya keɗeɗe a tiɓakaŋ le, yo a zuɓaka le nga luuma dudok a muŋ.

TIMOTE MUDUMBUŊ NAŊ 6:11

Amma ka, mbur ngi Buymisemuŋ, kil kileŋ avu gwat tayna. Pur jiviɗ ngi gi gwat mijeŋŋe, ngi sipi jiviɗ ngi Buymisemuŋ, ngi tiɓi, ngi wuɗavu, ngi cici zlak gidaŋ gidaŋ, ngi cifi teˀteˀe.

TIMOTE MUDUMBUŊ NAŊ 6:3

Da mbur ara dubun gwat mekelem pal da mizli, da i ɓi mizliram ati ngi Buy ndra Yesu Kristu ta, yo a zliram ati ɓi ngi sipa jiviɗ ndra na ta ma na,

TIMOTE MUDUMBUŊ NAŊ 6:6

Haˀaw, tiɓa Buymisemuŋ na, i ɓi ngi luuma zlili gisiŋ gwaɗ naŋ, na sey da mbur ara mumul ti gwat naŋ misi ti naŋ.

TIMOTE MUCUW NAŊ 3:5

Deŋ taŋ na, i mizli misipi jiviɗ ngi Buymisemuŋhoy, amma a sa hizigaka gidaŋ ngi tiɓi avra. Mbiɗi duba avu mizli tayna ma.

Ɗerewol TIT 1:1

I ya Pol, gawla ngi Buymisemuŋ, mislin ngi Yesu Kristu, matoho ɗerewol hana, ɓa ngi jina mizli Buymisemuŋ muwuna taŋ, ɓa a tiɓam, waɗ ɓa a sinaka ɓi mikaslsla ngi misikristuhoy masipaka na,

Ɗerewol TIT 1:8

Sey a tiɓi mulakay a hay naŋ, a wuɗ gi gwat mezleŋ, i mbur misi lesl, mbur mijeŋŋe, i mbur mipal, i mbur majigina vu naŋ.

Ɗerewol TIT 2:2

Anja ki ɓa midigilahaya, ɓa a wam ti mbaazla ta, i mizli mindilaka le, a cifam ti lesl mezleŋ, a ndiram ar tiɓi mijeŋŋe, a wuɗam vu, a ɓusam ɓi.

HEBEREY 10:36

Kum ti may ngi ɓusa ɓi, ɓa ngi gi gwat Buymisemuŋ mawuɗo, yo ɓa kahana so na, kisa lumaka gwat naŋ miɓa le ɗaˀ le na.

HEBEREY 12:1

Naŋ kine so, ndra kwana, migi sedewohoy haɗi a gunom ndra hirnga le gun. Gwat ndra majijiraka gar ati mungra maja ndra kutum kutom kutom na, hizigukum taŋ avra. Kulukum mi humbaɗ, i kiɗaka mi ngi pi mi ndra.

HEBEREY 6:12

Anja ki gam masafaya ta. Mizli masa lumam zlili miɓaka taŋ ɓi nah le ɗaˀ le, asi tiɓi taŋ ati cici taŋ zlak na, i wuɗam na, anja ki sipaka sar taŋ.

HEBEREY 6:15

Abraham a ɓusa, a kutuko ɓi nah le, hã gwat Buymisemuŋ miɓaŋ di ɗaˀ le tuwa, a pura, a gi le.

PIYER MUCUW NAŊ 1:3

Naŋ kine, gwat ndra muroko ti may naŋ ar joˀ ndra, waɗ ar sipi jiviɗ ndra na, gidaŋ ngi Bumbulvuŋ a vula ndra di le. A vula ndra di ti naŋ mibiga ndra mbur mizila ndra ti dudok nga naŋ, waɗ ti gidaŋ nga naŋ magi slra na.

PIYER MUCUW NAŊ 3:11

Ani da gwat gar a sa susuyum ti jiviɗ misi kahana na, anja sey joˀ kum a ndir mbrike? Sey ki ndiram, kum pal, yo ki cinaka mi da Buymisemuŋ.

ƁIMUNJUYO 1:9

Ya Zaŋ, sukum kum. Ar ya mujom ati Yesu Kristu na, y'ada ati kum angi bonoy, angi zumabuy, waɗ angi ɓusaɓi ma. Ya ar matura ngi Patmos, asi ɓi ngi Buymisemuŋ waɗ asi ya magi sedewo ngi Yesu.

ƁIMUNJUYO 13:10

Da a zuwulaka mburo le zleˀe ngi ji ti ji ng'ar dangay na, a sa jakaŋ ti ji vuna si. Da a zuwulaka mburo ngi kiɗ ti maslalam zleˀe kwana, a sa kiɗaka cummo ti maslalam vuna si. Vurˀe, pas a gi le, ɓa sey mizli ngi Buymisemuŋhoy a bigaka ɓusaɓi ati tiɓi taŋ.

ƁIMUNJUYO 14:12

I pas ngi ɓusaɓi ngi mizli ngi Buymisemuŋhoy, mizli majaka ɓimujuwa a hirnga ati mitiɓaka Yesu le.

ƁIMUNJUYO 2:2

Gwat ngi gi ɗik, gir ɗik mukupuyah waɗ ɓusaɓi ɗike, i si na le. Yo i si na le, k'anta pula mizli misi moˀoreheye mbak a gam ta. Mizli maɓam, taŋ i mislin ɗuwoy na, ki ci le a kwacay taŋ, ki luuma taŋ na, i misi slirey.