PIYER MUCUW NAŊ 1:5 - Bible en langue guiziga

⁵ Vurˀe, tusom mevel tos ti gidaŋ kum wãˀ so: coko gi gwat ti lesl bac nga mi tiɓi kumo, yo coko si na gwat ng'ar gi gwat ti lesle.

PIYER MUCUW NAŊ 1:5 ပူးပေါင်းရင်းမြစ်များ

DIMISEY 119:4

Buymisemuŋ, gwat ka mawuɗo, ki biga le, ɓa mizli a kam slimiɗ ara kuy kuy.

MIKUCUWULOY 4:23

Dumbuŋ naŋ na, jigina mevel ɗik avu gwat ka mawulka gar, asi siifa ɗik a bo ti vaˀaŋ.

EZAYI 55:2

Gwat ngi zum ti mbur kuɗaˀ ta, ki tikaka dala kumo vurˀe ngi mike? Yo gwat mambi vu mbeˀ ta, ki tikaka gidaŋ kum vurˀe ngi mike? Inga cinam so, cinikiy mingiɓi ɗu, yo zumam gwat mezle, anja gwat ngi zum mundumoy a curukum hiri.

ZAKARI 6:15

Mizli mikileŋ kileŋheye, a sa soko gam slra ar hay nga ya Bumbulvuŋ, dar kisa sinaka mislino ya ng'avu kum i Bumbulvuŋ misi gidaŋ wãˀa. Da ki ra cinikiy mi kuy kuy wãˀ da ya Bumbulvuŋ kumo na, gwat nah a sa gi cummo.

Ɓimezle ngi Yesu Kristu LUK mitil di mi 16:26

Yo ma na, vigiɗ mijileŋ ada ar wala ndra ati kumo. Mizli mawuɗam cuh ti vi ndra ng'avu kum na, a gi ta. Yo mbur a tuwuɗo ti kẽh ng'avi ndra aka gu ta ya.›

Ɓimezle ngi Yesu Kristu LUK mitil di mi 24:21

Ndr'i waka zleˀe na, kaɓa i mbur masa laha Israyeley.

Ɓimezle ngi Yesu Kristu ZAŊ mitil di mi 6:27

Anja ki gam slra ngi luuma ɗaf mahiryi ta, amma ngi luuma ɗaf mazik, mavul siifa ngi sete. Ɗaf Mangal ngi mbur masavulukum di, asi mbur Cine Buymisemuŋ muɗuv haŋ angi naŋ na, i naŋ vuna.»

KORENTIHEY MUDUMBUŊ 14:20

Sukum ɗuwoy, ar sli wala ngi ɓi na, anja ki wulkam kaɓa ziri ta. Ar ɓi malambaˀ na, ndiram ka ziri ɓula. Amma ar sli wala ngi ɓi na, ndiram ka mizli micawwahay.

EFESEY 5:17

Anja ki tiram mizli manja lesley ta, amma slaka wala ngi gwat Bumbulvuŋ mawuɗo.

FILIPIHEY 1:9

Diradibiɗ ɗu avu Bumbulvuŋ ani: ɓa anja ki wuɗam vu nga mbuŋ nga mbuŋ ava, ki ndiram hiri ɗeŋ ɗeŋ waɗ ki slaka wala ngi ɓi kuy kuy wãˀ,

FILIPIHEY 2:12

Naŋ kanah, yeme ɗuwoy, zleˀe na, ki cinikiy mi le ndrehhe. Anja ki cinikiy mi, sey da y'ada avu kumo tew ta, amma ko ti ya misi anta avu kum wurenna ta na kwana, cinikiy mi fineˀ misi zleˀe jaka. Cikam vu ti ɓi ngi lih kumo, ti zluwun waɗ ti jijik kirkir.

FILIPIHEY 4:8

Sukum ɗuwoy, gwat mindir ngi gi anihĩ: Kam slimiɗ ar gwat mikaslsla, gwat mupuɗaw, gwat mijeŋŋe, manja dili, mindila le ngi wuɗu, mindila le ngi ɗuvaŋ hirnga, gidaŋ ngi gimezleŋ, mindila le ngi ngila wuy. Gwat tayna gar na, gam taŋ slra.

KOLOSOY 1:9

Vurˀe, zle ti hin ndra micinaka ɓi kum na, i pulaka diradibiɗ vur kumo ta. I ra cufuɗaka Buymisemuŋ, ɓa ki sinaka gwat naŋ mawuɗo kuy kuy wãˀ, ɓa ˀUf naŋ a vulukum sinmijileŋ gar waɗ lesle,

KOLOSOY 2:3

Sinmijileŋ ati sin maso ti vaˀa gar na, taŋ ɗum ɗum angi Kristu.

HEBEREY 11:6

Dambalaka, da tiɓi anta na, ɓa Buymisemuŋ a hĩyã mburo na, a gi ta. Asi mbur makirih ng'avu Buymisemuŋ na, sey a tiɓa le, Buymisemuŋ naŋ da, yo ara wurka mizli masipakaŋ.

HEBEREY 12:15

Jam lesl, anja mbur purla a mbiɗi duba avu gimezle ngi Buymisemuŋ na ta. Anja ko mbur a tiri kaɓa widis miɗalak, magil ngi gi ngaˀa, yo ngi hirya mizli haɗi ti muwuŋ naŋ na ta.

HEBEREY 6:11

Amma gwat ndra mawuɗama so na, anja mbur gar a wuzla kumo, a hurdum hirdam kanah ava ma, hã avu kiɗa mi naŋ, ɓa gwat kum manjaham hiri njah vurˀe na, a gi gisiŋ gisiŋ.

ZOZUWE 7:3

Mizli tuwa, a moko ng'avu Zozuwe, a ɓakaŋ na: «Anja mizli gar a giram vu nga zli kiɗa vu ati hirwuy Aya ta. Ko gwat ngi mizli durmuk cuw malla makir si na, a ram, ara kiɗaka mizli Ayaya si. Anja ki ɗuva jijir da mizli keɗeɗe gar mata, asi mizli tayna t'anta haɗa ta.»

PIYER MUDUMBUŊ NAŊ 3:7

Kum ziley kwana, kanah ya, cifam ati ngwas kumoyo ti wulka kpak ngi vu taŋ hĩhĩy na, ɗuvaka taŋ hirnga, asi taŋ kwana, siifa ngi set, Buymisemuŋ masa vula na, sey a lumam jom ati kum aya. Gam kanah ɓa gwat matika diradibiɗ kum anta.

PIYER MUCUW NAŊ 1:10

Sukum ɗuwoy, Buymisemuŋ a zulukum le, yo a wunukum le. Vurˀe, tusom mevel tos, ɓa ki jaka ɓi nah gidaŋ gidaŋ fineˀ misi zleˀe. Da ki ra gam kanah na, naɓa kum anta ndilam ar mungra ta ndiɗaˀ wãˀ.

PIYER MUCUW NAŊ 1:11

Naŋ kine, jiviɗ ngi ci ng'ar li zumabuy ngi set ngi Bumbulvuŋ ati ngi Milih ndra Yesu Kristu na, a sa pulukum di firndiw.

PIYER MUCUW NAŊ 3:14

Vurˀe ngama ɗuwoy, ar kutuko hin nah na, tumom vu, ɓa a sa lumukum manja hereweɗ, gwat ngi mbuɗukum hirnga aseˀe anta, yo kum zuy zuy ati Buymisemuŋ.

PIYER MUCUW NAŊ 3:18

Amma a ram nga mbuŋ ti gi mezle, yo ar si na Buy ndra Yesu Kristu Milih ndra na. Anja dudok a ndir da naŋ, zle wurenna, hã ngi samadin! Amin.