PIYER MUCUW NAŊ 1:4 - Bible en langue guiziga

⁴ Naŋ kine, gwat madiɗahay muwãˀ, naŋ miɓa ndra di ɗaˀ le na, a vula ndra taŋ le, ɓa kisa laham tivu duniya mizãˀã le ti hĩyã gwat, ɓa kisa jumom ar kpak ngi Buymisemuŋ.

PIYER MUCUW NAŊ 1:4 ပူးပေါင်းရင်းမြစ်များ

ROMAHAY 9:4

Taŋ, i dideˀ ngi Israyeley, i ziri Buymisemuŋ migila taŋ. A vula taŋ dudok naŋ le, a jum ˀay le ati taŋ, a vula taŋ ɓimujuwa naŋ le, a biga taŋ jiviɗ ngi huruk huruk a mbuŋ naŋ le, a ɓa taŋ a sa vula taŋ gwatay.

KORENTIHEY MUCUW NAŊ 1:20

Vur gwat Bumbulvuŋ miɓa le a sa ga a sa ga gar na, i «Haˀaw» gisiŋ tisi Yesu Kristu. Yo ma na, ndra maɓam «Amin» ngi ga dudok da Buymisemuŋ na, ti seˀe ma.

KORENTIHEY MUCUW NAŊ 3:18

Ndra gar, misi gwat misirit a mihiri ndra, mutur le avra na, anja mizli a puraka dudok ngi Bumbulvuŋ njahha avu ndra. Bumbulvuŋ misi i ˀUf tuwa na, a mbiɗa ndra le, ɓa i tiram rak rak ati naŋ vuna, ti dudok nga mbuŋ nga mbuŋ ava.

KORENTIHEY MUCUW NAŊ 6:17

Vurˀe, Bumbulvuŋ a ɓi: «Bam avra ti wuzla mizli tayna so. Cifam baˀ pal kum. Gwat misi dili na, ki jaka haŋ ava ta, ɓa ya, i sa tuɓukum.

GALATAY 3:16

Naŋ kanah gisiŋ, gwat Buymisemuŋ miɓa ɗaˀ le na, da Abraham waɗ da dideˀ naŋ. A ɓi ɓi ngi dideˀhey kaɓa taŋ mbeˀmbeˀ ta. Amma a ɓi ɓi ngi dideˀ purla si, mbiɗeˀvra: Kristu.

GALATAY 6:8

Da mbur a zligi di gwat macira hiri da dumvu naŋ na, a sa gi sifi ngi mucu. Amma da mbur a zligi di gwat macira hiri da ˀUf Mipal na, a sa gi sifi ngi siifa ngi sete.

EFESEY 4:13

ɓa hã ndra jom gar ndra, i sa ndilam jom ar tiɓi purla, yo ar si na Mangal ngi Buymisemuŋ, ka mizli micawwahay, yo weˀe avu deŋ gil ngi Kristu wãˀ.

KOLOSOY 3:10

Yo ki kam kpak ngi vu nawaya le. I kpak ngi vu ngi mbur nawaya, maɗiyi nawaya nawaya ndrehhe, ɓa a tiri kaɓa Buymisemuŋ migi naŋ vuna, ɓa a ndila si na Buymisemuŋ kuy kuy wãˀ.

HEBEREY 12:10

Asi mike na, cine ndra ngi ruwuyoy aka, taŋ a kutam ndra ngi hin neˀ si, avu taŋ mupuraka le kuy. Amma Buymisemuŋ a kuta ndra na, vur lum ndra ada ara, ɓa i ndiram ti kpak nga naŋ mipal na ya.

HEBEREY 9:15

Vurˀe, Kristu i mbur mujumoˀay nawaya, mi ngi mbur vagay toh toh. Naŋ a muc ngi mbiɗa hirnga ngi mizli tir mungra, taŋ mugoko di zleˀe angi jumoˀay mudumbuŋ na, ɓa mizli mizilahaya, a lumam zlili ngi sete miɓa ɓi naŋ ɗaˀ le zleˀe tuwa muduba.

Ɗerewol ZAK 1:27

Da mbur ara ki slimiɗ ar mutuhuhoy ati wudigahay masam bonoyo, da ara jigina vu naŋ avu duniya, ɓa a ci ar dili ta na, sipi jiviɗ mijeŋŋe manja hereweɗ a mbuŋ Buymisemuŋ, i nah so.

PIYER MUCUW NAŊ 1:1

I ya Simoŋ Piyer, gawla ngi Yesu Kristu, yo mislin naŋ, matuhukum ɗerewol hana da kum mulumam tiɓi mupuɗaw ka ngi ndra, tisi jeŋŋe ngi Buymisemuŋ ndra ati ngi Milih ndra Yesu Kristu na.

PIYER MUCUW NAŊ 3:13

Amma Buymisemuŋ a ɓi a sa gi muŋ nawaya ati hirwuy nawayaŋ. Masa ndir anga na, sey gi gwat mijeŋŋe. Ndra makutukom na, i nah.

PIYER MUCUW NAŊ 3:9

Mizli mekelemeye, a waka kaɓa Bumbulvuŋ ara mur ngi ga gwat naŋ miɓa ɗaˀ le na. Ĩˀĩ, naŋ anta mur ta. Amma a kutuk di i kum jaka. Anta wuɗ anja mizli mekelemey a zizam ta. Amma a wuɗ ɓa mizli gar, a mbiɗam mevel.

ZAŊ MUDUMBUŊ NAŊ 2:25

Gwat, Kristu miɓa ndra di ɗaˀ le na, n'anihĩ: i siifa ngi sete.

ZAŊ MUDUMBUŊ NAŊ 3:2

Yeme ɗuwoy, zle wurenna, ndr'i ziri ngi Buymisemuŋhoy, amma ndra masa mbiɗam pal na, a bigi njak wãˀ taruŋ ɓula. I sinaka le, ti naŋ masa bugo vu na, i sa bam vu ati naŋ, asi mike na, i sa purakaŋ ti hiri ndra.