PIYER MUCUW NAŊ 1:3 - Bible en langue guiziga

³ Naŋ kine, gwat ndra muroko ti may naŋ ar joˀ ndra, waɗ ar sipi jiviɗ ndra na, gidaŋ ngi Bumbulvuŋ a vula ndra di le. A vula ndra di ti naŋ mibiga ndra mbur mizila ndra ti dudok nga naŋ, waɗ ti gidaŋ nga naŋ magi slra na.

PIYER MUCUW NAŊ 1:3 ပူးပေါင်းရင်းမြစ်များ

DIMISEY 110:3

Tapas ka masa kuso soje ɗikey ng'ar vurum na, mizli ɗikeye, t'ada sek asi ka. Ka Buymisemuŋ, gawla ngi vurum ɗikey a sa soko ng'avu ka a muwã ngi ɗik, kaɓa wulngar magi ti li biŋ biŋ.

DIMISEY 84:11

Asi mike na, ya magi hin purla a wazlaray ɗik a Zeruzaleme, a funa hin durmuk, ya maga ar li mekeleme le. Buymisemuŋ ɗu, ya mua miviŋ ɗik si na, a funa ya misi a hay mizli malambaˀhaya le.

MIKUCUWULOY 12:4

Ngwas mupuɗawa, i loppol ngi zil naŋ, amma ngwas sekwele, i waˀa mivi a duba zil naŋ.

MIKUCUWULOY 31:10

Ngwas giɗaɗo, maluma gu i waka? Naŋ puɗaw haɗa fineˀ virzle hiri paatu.

MIKUCUWULOY 31:29

«Ngwas mupuɗaw puɗaway ada, amma ka na, ki funa taŋ le ceke.»

Matiye 28:18

Joˀ Yesu a kirih ng'avi taŋ, a ɓa taŋ: «A vulikiy madiɗa le ngi wa muŋ ati hirwuyo gar.

ROMAHAY 8:32

Ko Buymisemuŋ a sli himaˀ ti Mangal nga naŋ ta, amma a vula, a gi di mikuli vur ndra gar. A sa gi mbri ɓa a sa vula ndra gwat gar tisi Mangal naŋ ta ka?

ROMAHAY 9:24

I ndra mizli, naŋ muzulo ndra ti wuzla Yudehey tew ta, amma ti wuzla mizli mekelemey na ya.

KORENTIHEY MUDUMBUŊ 1:9

Bumbulvuŋ muzulukum ɓa ki ndiram jom ati Mangal naŋ Yesu Kristu, Buy ndra na, gwat naŋ miɓa le na, a ga cummo.

KORENTIHEY MUCUW NAŊ 12:9

Amma a mbiɗiy di na: «Gi mezle ɗu, naŋ muk ti ka si. Gidaŋ ɗu a gi slra mbar vu wãˀ angi mbur mihĩhĩy le.» Vurˀe, yi huhum vu dum le asi hĩhĩy ɗu, ɓa gidaŋ ngi Kristu a ndir ar ya.

EFESEY 4:1

Ya mbur dangay asi ya mujom ati Bumbulvuŋ na, i ra tumbulu kum so: sipaka jiviɗ ngi Buymisemuŋ kasl kasl ka naŋ muzulukum na.

EFESEY 4:4

Dumvu, naŋ purla, ˀUf Mipala, naŋ purla. Naŋ kanah ya, Buymisemuŋ a zulu kum na, ɓa ki njaham hiri njah wãˀ.

FILIPIHEY 3:8

Na, ya mapura taŋ kaɓa i zizi ti zizi na, asi i ra pur li lum madiɗa mifineˀ tayna: i si na Buy ɗu Yesu Kristu. I pula gwataya le gar avra aseˀe. I pura taŋ gar kaɓa gwat ngir kitikiley, ɓa ngi luuma Kristu.

FILIPIHEY 4:8

Sukum ɗuwoy, gwat mindir ngi gi anihĩ: Kam slimiɗ ar gwat mikaslsla, gwat mupuɗaw, gwat mijeŋŋe, manja dili, mindila le ngi wuɗu, mindila le ngi ɗuvaŋ hirnga, gidaŋ ngi gimezleŋ, mindila le ngi ngila wuy. Gwat tayna gar na, gam taŋ slra.

KOLOSOY 1:16

Asi Buymisemuŋ miga gwat ngi muŋhoy ati ngi ruwuyoy gar na, ti seˀeŋ. Gwat mizli mapuraka taŋ gu ati mapuraka taŋ gu ta, zuma buyoy ati gidaŋhay, madiɗa ati gidaŋ ngi wi mizli gar na, Buymisemuŋ a ga taŋ gar ti seˀeŋ, yo vurˀeŋ.

TESALONIKEY MUDUMBUŊ NAŊ 2:12

I vulukum gidaŋ le, i tuslukum mevel le, i tumbulukum le haɗi haɗi, ɓa gwat ngi gi kum a ndir kaslsla kaɓa Buymisemuŋ mawuɗo. Mazilukum ɓa ki lumam dudok, waɗ ɓa ki cam ar zumabuy naŋ na, i naŋ.

TESALONIKEY MUDUMBUŊ NAŊ 4:7

Asi Buymisemuŋ muzulo ndra na, ɓa i gam gwat ngi dili ta, amma ɓa i ndiram pal.

TESALONIKEY MUCUW NAŊ 2:14

I tulukum mi ti Ɓimezle le. Buymisemuŋ muzulukum ng'ara na, ti naŋ, ɓa ki lumam dudok ngi Buy ndra Yesu Kristu.

TIMOTE MUDUMBUŊ NAŊ 4:8

Asi mike na, sirka dumvu ti gi gwat na, naŋ kuy vur gwat neˀkini si. Amma sipa jiviɗ ngi Buymisemuŋ na, naŋ kuy vur gwat gar, asi a biga ndra ɓi miɓa ɗaˀ le ngi luuma siifa wurenna waɗ nga mbuŋ ma.

TIMOTE MUCUW NAŊ 1:9

I naŋ milaha ndra, a zila ndra ɓa i tiram mizli naŋhay. Anta asi gwat ngi gi ndra ta, amma asi wuluk naŋ mujuwa a mevele, waɗ asi gimezle naŋ. I gimezle naŋ miga ndra di dumbuŋ angi hin ngi sete, tisi Yesu Kristu.

HEBEREY 1:3

Mangal nah na, i wucuɗ ngi dudok ngi Buymisemuŋ, Buymisemuŋ, naŋ kahana kahana na, a bugo di le wãˀ. Yo majaha gwatay gar na, i naŋ ti mingiɓi naŋ migidaŋ. A dirba naŋ mubuna mungra ngi mizli avra na, a cifi a muŋ tir vay hazum ngi Buymisemuŋ migidaŋ wãˀa.

PIYER MUDUMBUŊ NAŊ 1:15

Amma Buymisemuŋ muzulukumo, naŋ pal, kumo kwana, ar gwat kum magaka gar na, tiram pal aya.

PIYER MUDUMBUŊ NAŊ 1:5

da kum, gidaŋ ngi Buymisemuŋ majiginukum tisi tiɓi kum, ɓa kisa lumam lih migweˀ masa njiko vu angi kiɗa mi ngi hin na.

PIYER MUDUMBUŊ NAŊ 2:21

Buymisemuŋ muzulukum na vurˀe. Asi mike na, Kristu a si bonoy le vur kum, a bugukum di i jiviɗ ɓa ki sipaka sar naŋ ya.

PIYER MUDUMBUŊ NAŊ 2:9

Amma kum i sukwi Buymisemuŋ muwunu kum le. Kum i masay madiɗa ngi Buy madiɗa, sukwi ngi Buymisemuŋ, kum i mi nga naŋhay wãˀ. Buymisemuŋ muzulukum tir luvuŋ ɓa ki cam ng'ar li minjahha naŋ, misi ɓi naŋ a ɓi ta na, ɓa ki tilam mi ti ɓi ngi gi gwat madiɗahay, naŋ miga taŋ na.

PIYER MUDUMBUŊ NAŊ 3:9

Da mizli a gukum malambaˀ le na, anja ki maka taŋ di ti malambaˀ aya ta, malla da a zukum le na, anja ki maka taŋ di ti zi aya ta. Kum ɗuwulaka taŋ mi jaka, asi Buymisemuŋ muzulukum na vurˀe, a ɓi a sa gukum mezle.

PIYER MUDUMBUŊ NAŊ 5:10

Amma a dirba kum musam bonoy le ngi hin neˀ na, Buymisemuŋ magi mezle gar, muzulukum ɓa ki lumam dudok naŋ, dudok misi hã ngi sete, ar kum mujom ati Kristu na, naŋ ti haŋ naŋ, a sa ɗiyukum ar li kumo, a sa cucukum zlak, a sa tiri ti kum gidaŋ gidaŋ, yo a sa cucukum, ko gwat makiruhukum anta wãˀ.

PIYER MUCUW NAŊ 1:10

Sukum ɗuwoy, Buymisemuŋ a zulukum le, yo a wunukum le. Vurˀe, tusom mevel tos, ɓa ki jaka ɓi nah gidaŋ gidaŋ fineˀ misi zleˀe. Da ki ra gam kanah na, naɓa kum anta ndilam ar mungra ta ndiɗaˀ wãˀ.

PIYER MUCUW NAŊ 1:2

Anja ki lumam gimezle haɗa haɗa tisi kum masinaka Buymisemuŋ ati Buy ndra Yesu Kristu na.

PIYER MUCUW NAŊ 1:5

Vurˀe, tusom mevel tos ti gidaŋ kum wãˀ so: coko gi gwat ti lesl bac nga mi tiɓi kumo, yo coko si na gwat ng'ar gi gwat ti lesle.

PIYER MUCUW NAŊ 1:6

Ngar si na gwata, coko jigina vu kum, ng'ar jigina vu kumo, coko ɓusaɓi, ng'ar ɓusaɓi, coko si na Buymisemuŋ.

PIYER MUCUW NAŊ 1:8

Asi da gwat tayna t'ada avu kumo haɗa na, a sa tiri ti kum wirwir, yo gidaŋ gidaŋ ngi si na Buy ndra Yesu Kristu.

PIYER MUCUW NAŊ 2:20

Asi mike na, mizli muɗuɗoko vu taŋ le tir dili ngi duniya, asi taŋ misinaka milih ndra Buy Yesu Kristu na, da ara pulaka vu taŋ mbak da dili ngi duniya a sirta taŋ, yo a wa taŋ a muŋ na, naɓa joˀ taŋ a sa tiri malambaˀ wãˀ fineˀ mudumbuŋ ma.

PIYER MUCUW NAŊ 3:18

Amma a ram nga mbuŋ ti gi mezle, yo ar si na Buy ndra Yesu Kristu Milih ndra na. Anja dudok a ndir da naŋ, zle wurenna, hã ngi samadin! Amin.

RUTH 3:11

Wurenna so na zuŋ ɗu, ki zluwun ta. Gwat ka mucufuɗ le gar na, i sa guw di. Asi mbur ngi hay ndra aka gar na, a si na le ki ngwas mupuɗaw.