PIYER MUCUW NAŊ 1:16 - Bible en langue guiziga

¹⁶ Naŋ kine, ndra mubugukum gidaŋ ati so ngi Buy ndra Yesu Kristu na, i slufukum di i mambaˀ mukuyoy kilaw kilaw ta. Amma i puraka dudok naŋ le ti hiri ndra.

PIYER MUCUW NAŊ 1:16 ပူးပေါင်းရင်းမြစ်များ

MALASI 3:2

Ti naŋ masa so na, masa ɓusa ɓi nah gu i waka? Ti naŋ masa bugo vu na, masa cici deŋ a muŋ gu i waka? Asi naŋ kaɓa vu munjulili mapam di ɓiri, kaɓa zabun mabunam di zana.

Matiye 16:27

Vurˀe, Mangal ngi mbur a sa sawa ati modro naŋhaya ti dudok ngi Cine. Joˀ a sa wurka mburo gar weˀe avu gwat ngi gi naŋ.

Matiye 16:28

Gisiŋ, yi ɓukum na, mizli mekelemey a wuzla kum aka anta sa micam ta, sey da a puraka Mangal ngi mbur masa so ngi zuma buyo le far.»

Matiye 17:1

Hin merkeɗ a dirba nah na, Yesu a zuɓa Piyer waɗ Zak ati sukum naŋ Zaŋ, a jiɗ ti taŋ baˀ pal taŋ nga muwã madiɗa.

Matiye 24:27

Vuŋ mawucuɗo zle tisi pas ngi miprik hã asi pas ngi pastaˀa na, naŋ kine, Mangal ngi mbur kwana a sa so kanah ya.

Matiye 24:3

Yesu a cifi le a muwã tutumbur, dar mizli ngi seˀehey a kiraham baˀ pal taŋ ng'avaŋ, a ɓakaŋ: «Gwat nah gar a sa gi ti vunaka? Yo so ɗik ati kiɗa mi ngi duniya vuna, i sa sinaka avu mike? Inga ɓa ndra di.»

Matiye 28:18

Joˀ Yesu a kirih ng'avi taŋ, a ɓa taŋ: «A vulikiy madiɗa le ngi wa muŋ ati hirwuyo gar.

Mark 13:26

Ar nah na, a sa puraka Mangal ngi mbur ara sawa, gazlavay gun hirnga naŋ, naŋ ti gidaŋ naŋ wãˀ waɗ dudok naŋ wãˀ.

Mark 14:62

Yesu ɓaŋ: «I ya. Yo kisa puraka Mangal ngi mburo, a cifi le joˀ tir vay hazum ngi Buymisemuŋ misi gidaŋ wãˀ. Yo ara sawa ar gazlavay a muŋ ma.»

Ɓimezle ngi Yesu Kristu LUK mitil di mi 1:2

A tohoko kaɓa mizli mupuraka ti hiri taŋ, muslufam ndra di, zle angi zli virzi naŋ. Mizli tayna a tiram le i gawla ngi tila mi ti ɓi ngi Buymisemuŋ.

Ɓimezle ngi Yesu Kristu LUK mitil di mi 9:43

Gidaŋ madiɗa ngi Buymisemuŋ mibigi hana, a zuma hirnga le da mizli gar. Ti taŋ muroko ti lesl welele aruŋ angi gwat Yesu miga gar na, Yesu a ɓa mizli ngi seˀeheye:

Ɓimezle ngi Yesu Kristu ZAŊ mitil di mi 1:14

Yo Mingiɓi tuwa a tiri mbur titra le. A cifi a wuzla ndra ti gimezle ati ɓi ɓi mikaslsla haɗa. I puraka dudok naŋ le. I dudok ngi Mangal kirmalay mulumo di avu Cine.

Ɓimezle ngi Yesu Kristu ZAŊ mitil di mi 17:2

yo ɓa a vula siifa ngi sete da mizli, ka muvulaŋ taŋ gar na, kaɓa ka muvulaŋ madiɗa a hirnga mizli titirahay gar.

ROMAHAY 1:4

Amma ti naŋ mislikiɗ ti wuzla mumucahay na, ˀUf Mipal a biga le ti gidaŋ, naŋ i Mangal ngi Buymisemuŋ.

KORENTIHEY MUDUMBUŊ 1:17

Asi Kristu a slino ya ɓa ngi ci mizli ar yam ta, amma ɓa ngi tila mi ti Ɓimezleŋ. Yo yi tila ti sinmijileŋ ngi mbur ta, ɓa gidaŋ ngi muc ngi Kristu angi dum mizlira na, a tiri gwat lambaˀ ta.

KORENTIHEY MUDUMBUŊ 1:23

Amma ndra, i tilam di i mi ti Yesu midiraka ar dum mizliraŋ. I ɓi ngi ji mevel haɗa da Yudeheye, yo avu Yudehey ta na, i ɓi ngi mibirngahay.

KORENTIHEY MUDUMBUŊ 1:7

hã gwat ngi vul tisi gimezle ngi Buymisemuŋ mukicukum pal tekeɗe, anta mata. Kum mizli makutukom Buy ndra Yesu Kristu masa bugo vu bidasa.

KORENTIHEY MUDUMBUŊ 2:1

Sukum ɗu misikristuhoy, ti ya vuna muru a hay kumo, ɓa ngi tulukum mi tiɓi muɗum ngi Buymisemuŋ zleˀe na, i ɓi ti ˀay madiɗa ta, malla ko ti ˀay ngi sinmijileŋ ta ma.

KORENTIHEY MUDUMBUŊ 2:4

Dubuna gwat ɗu da mizli ati tila mi ɗu na, ˀay ngi ɓi ɓi ngi mbiɗa mevel ngi mbur ti sinmijileŋ ngi mbur anta anga ta. Amma i dubun ati tila mi, ˀUf Mipal mibiga ti gidaŋ naŋ,

KORENTIHEY MUDUMBUŊ 5:4

Kum micikilam le ti slimiɗ ngi Buy Yesu waɗ ti gidaŋ naŋ, ar wuluk ɗu, y'ada a wuzla kumo.

KORENTIHEY MUCUW NAŊ 2:17

Asi ndr'anta kaɓa mizli mekelemey haɗi magam terere ti mingiɓi ngi Buymisemuŋ na ta. Ndra maɓam njah na, a mihiri ngi Buymisemuŋ, ar ndra mujom ati Kristu, asi i Buymisemuŋ mislino ndra.

KORENTIHEY MUCUW NAŊ 4:2

Gwat ngi gi miyaŋ yaŋ ati mapi mesem gar na, i pulaka le. Ndr'anta gam gwat ti wer ta, yo ndr'anta mbiɗaka ɓi ngi Buymisemuŋ tir malambaˀ ta ma. Amma i bigam di i ɓi mikaslsla wãˀ, njah ar li babara jaka. I sipam di i jiviɗ ɓa mizli a pulaka vu taŋ mbak a mbuŋ Buymisemuŋ.

EFESEY 4:14

Kahana na, ndr'anta sa ndiram ziri ziri mata. Ɓa gwat gar mizli madubunaka da mizli ti wer ngi ga taŋ gilaw, yo ɓa a zluɓam ɓi na, aru ti ndra nos aka nos aka mata.

FILIPIHEY 3:21

A sa mbiɗa dumvu ndra migeˀ ˀircece le na, ɓa a tiri di ti dudok kaɓa nga naŋ. A sa ga ti gidaŋ naŋ, maga ɓa gwatay gar a hinam hirnga a mbuŋ naŋ na.

TESALONIKEY MUDUMBUŊ NAŊ 2:19

Ndra manjaham hiri, yo ndra mamumulom gar na, asi kum vuna ta kwa? Buy ndra Yesu, ti naŋ masa mawa na, i sa jijaham asi kum kaɓa bugawla mulum migir naŋ le.

TESALONIKEY MUCUW NAŊ 2:9

Misi moˀore nah masa so na, a sa so ti gidaŋ ngi Satan. A sa bugo vu ti gi gwat madiɗahay ti sukwi wal wal, cekenehey ati gwat migam ɗaˀ tahay ngi gi gilaw da mizli.

TIMOTE MUDUMBUŊ NAŊ 1:4

Sey ki ɓa taŋ ɓa a pulaka mambaˀhay ati slufa dideˀhey mutororo makiɗ mi ta na. I ɓi maso ti tiri tewle, ɓi Buymisemuŋ mujuwa a mevele ngi gi ngi gi, magi gisiŋ tisi tiɓi na, anta jinaŋ ko neˀ ta.

TIMOTE MUDUMBUŊ NAŊ 4:7

Mambaˀ ngi gilaway ati cikisla ɓi ngi madangwasay na, zliɗa taŋ kileŋ avra. Zuwen sirka vu ɗike ti sipa jiviɗ ngi Buymisemuŋ jaka.

Ɗerewol TIT 1:14

Mambaˀ ngi Yudehey ati ɓi ngi mizli muɗuvaka na, anja a jaka ɓi nah a hirnga ta.

PIYER MUCUW NAŊ 2:3

Mizli mudubuna ɓi ngi slir tayna, ti may dala taŋ na, a sa zumukum ti mingiɓi taŋ mukoloŋ koloŋ ngi gi gilaw da mbur na. Taŋ na, migi kiita taŋ a wi vu le weˀ zlezle si, yo mizizi taŋ anta hinje ta.

ZAŊ MUDUMBUŊ NAŊ 4:14

Cine ndra a slino Mangal naŋ le ngi laha duniya, ndr'i puraka le, i ra gaka sedewo naŋ.

ZUDE 1:14

Henok, mbur mitarnaˀ naŋ, zle avu Adamu na, a njik ɓi le vur taŋ, a ɓi na: «Puraka, Bumbulvuŋ, ara sawa ati modro naŋhay gwat ngi durmuk kukur mbeˀ mbeˀ,

ƁIMUNJUYO 1:7

Puraka, ara sawa a wuzla gazlavay. Mbur gar a sa puraŋ, ko mizli mizligakaŋ gor njoŋ na kwana, a sa purakaŋ. Haˀaw! Sukwi ngi mizli ngi ruwuyoy gar a sa tuwam tuwuy ngi vagay ˀirslik ˀirslik aseˀe. Amin!