PIYER MUCUW NAŊ 1:12 - Bible en langue guiziga

¹² Ko ti kum misinaka le, yo kum mizlak gidaŋ gidaŋ ar ɓi mikaslsla muwurenna na kwana, yi wuɗ i mukum hiri naŋ ndrehhe ava na si.

PIYER MUCUW NAŊ 1:12 ပူးပေါင်းရင်းမြစ်များ

SLRA 16:5

Cikil ngi misikristuhoy ara lumam gidaŋ ar tiɓi taŋ, yo vur hin gar na, ara sikam.

FILIPIHEY 3:1

Sukum ɗuwoy, wurenna, mumulom ar kum mujom ati Bumbulvuŋ na! Ɓa yi mukum hiri ngi ɓi ya mutuhukum di zleˀe na, anta giriy ta. Yo avu kumo kwana, a vulukum gidaŋ.

KOLOSOY 1:5

asi njaha hiri kumnjah ar gwat muwukum di vu a muŋ na. Najaha hirri kum nah na, a tulukum mi ti ɓi nah le, i Ɓimezle, ɓi mikaslsla ngi Buymisemuŋ,

KOLOSOY 2:7

Diram dimbasl, yo cam hǝɗ hǝɗ angi naŋ. Ndiram gidaŋ gidaŋ ar tiɓi kumo, kaɓa taŋ mudubunukum di, yo gaka sise fineˀ gidaŋ da Buymisemuŋ.

TIMOTE MUDUMBUŊ NAŊ 4:6

Dubuna gwat tayna cek da sukum ɗik mitiɓiheye: naɓa ki mbur mijini vu mezle ngi Yesu Kristu. Ki sa biga, mavuluw gidaŋ, i ɓi ka mitiɓa waɗ ɓi mudubunukuw di kuy kuy, ka misipa hirdam hirdam na.

TIMOTE MUCUW NAŊ 1:6

Vurˀe, i ra ɓuw ava, gwat Buymisemuŋ muvuluw di, zle ti ya mubucuw haŋ a hirnga na, bula hiri nah ava ka vu.

HEBEREY 10:32

Ɓi migi avu kum zlezle zleˀe na, wulkaka keŋ ɗagay: Kum mulumam li minjahha lum si na, a dirba nah, kisam bonoy le haɗa, yo ki gam vurum madiɗa le.

HEBEREY 13:9

Anja ki pulaka vu kumo, ɓa sukwi ngi dubun nawaya wanahayka gar a zuzukum ta. Naŋ kuy, ɓa mevel a lum gidaŋ ti gimezle ngi Buymisemuŋ ɓula, amma anta ti gwat ngi zum ta. Asi mizli masipam ɓi ngi «hana i ngi zum malla hana i ngi zum ta» na, a lumam di pula gir ɗaˀ ta.

PIYER MUDUMBUŊ NAŊ 5:10

Amma a dirba kum musam bonoy le ngi hin neˀ na, Buymisemuŋ magi mezle gar, muzulukum ɓa ki lumam dudok naŋ, dudok misi hã ngi sete, ar kum mujom ati Kristu na, naŋ ti haŋ naŋ, a sa ɗiyukum ar li kumo, a sa cucukum zlak, a sa tiri ti kum gidaŋ gidaŋ, yo a sa cucukum, ko gwat makiruhukum anta wãˀ.

PIYER MUDUMBUŊ NAŊ 5:12

Mingiɓi mineˀ hana, mijiniy ar tuh naŋ i Silas, ya mupura i sukum ɗu miteŋteŋ na, ɓa a vulukum gidaŋ, yo ɓa ki sinaka njah wãˀ, kum angi gimezle ngi Buymisemuŋ gisiŋ gisiŋ wãˀa.

PIYER MUCUW NAŊ 1:13

Amma ti ya misi ada a ruwuy aka aruŋ na, yi wa na, naŋ kuy ɓa yi puɗkukum ti mahiri ngi ɓi nah.

PIYER MUCUW NAŊ 1:15

Amma i ra kiɗ vu kuy kuy, ɓa ko mbri a dirba, ya mumuc le na, kisa lumam jiviɗ ar gwat gar, a sukum keŋ a hirnga, ɓa ki jaka ɓi ngi gwat ya mudubunukum taŋ tayna.

PIYER MUCUW NAŊ 3:1

Ngama ɗuwoy, ya matuhukum di hana, i ɗerewol mucuw naŋ. Angi ɗerewol mucuw tayna gar na, i ra mukum hiri ngi mingiɓi ɗu, ɓa a sukum keŋ a hirnga, ɓa ngi puɗka wuluk mijeŋŋe misi a hur kum na.

PIYER MUCUW NAŊ 3:17

Kanah so ngama ɗuwoy, i kukum mumuyuŋ zay sla le a slimiɗe, jam lesl so. Anja ki pulaka vu kumo, ɓa mizli mizirɗa mihey mazizam na, a zuzukum ta. Anja ki pulaka vu kumo, ki kiraham tir kum ɓi micicam zlak na ta.

ZAŊ MUDUMBUŊ NAŊ 2:21

Ya matuhukum di na, vur ki sinaka ɓi mikaslsla ta kini ta, amma ki sinaka le, yo ko slir anta bo tir ɓi mikaslsla ta na, ki sinaka le ma.

ZAŊ MUCUW NAŊ 1:2

Asi mike na, ɓi mikaslsla, naŋ da a hur ndra, yo naŋ da a ndir avu ndra ngi samadin.

ZUDE 1:17

Ngama ɗuwoy, kumo na, ɓi ngi mislin ngi Buy ndra Yesu Kristuhoy muɓukum di zleˀe daf dumbuŋ na, wulkaka keŋ.

ZUDE 1:3

Ngama ɗuwoy, ɓi ngi laha vu, ndra mujom gar ndra anga na, i wuɗ le zleˀe haɗa, ɓa i tuhukum ɓi naŋ. Ya mupura i tika ˀay avu ya na, i tuhukum di ngi vulukum gidaŋ ɓa ngi cika vu asi ɓi ndra matiɓaka, Buymisemuŋ muvula wãˀ da mizli naŋhay na.

ZUDE 1:5

Ko da ki sinaka ɓi hana le gar tekeɗe kwana, i ra mukum hiri naŋ ava, asi ti Bumbulvuŋ muloho mizli naŋhay gar ti ngi hirwuy Ezipte na, a dirba nah, mizli mungumam tiɓi ta gar na, a ziza taŋ le.