PIYER MUCUW NAŊ 1:10 - Bible en langue guiziga

¹⁰ Sukum ɗuwoy, Buymisemuŋ a zulukum le, yo a wunukum le. Vurˀe, tusom mevel tos, ɓa ki jaka ɓi nah gidaŋ gidaŋ fineˀ misi zleˀe. Da ki ra gam kanah na, naɓa kum anta ndilam ar mungra ta ndiɗaˀ wãˀ.

PIYER MUCUW NAŊ 1:10 ပူးပေါင်းရင်းမြစ်များ

DIMISEY 112:6

Mbur miteŋteŋ, naŋ anta hĩhĩy ta ndiɗaˀ wãˀ, mizli t'ada ndrehhe ti naŋ keŋŋe a hirnga.

DIMISEY 121:3

Anja Buymisemuŋ a jiginuw ɓa li a slir ti ka ta, anja mijigin ɗike, a hinje ta.

DIMISEY 37:24

Da ko sar a baŋ le kwana, naŋ anta diɗ ta, asi Bumbulvuŋ a jaŋ le kaw avu haŋ.

DIMISEY 62:2

Haˀaw, i pul vu gu na, sey a ciki Buymisemuŋ pal naŋ, malihiy i naŋ.

DIMISEY 62:6

Haˀaw, yi pul vu, sey a ciki Buymisemuŋ tewle, ya manjih hiri na, aseˀeŋ.

EZAYI 56:2

Mbur maga gwat ya miɓa hana, macici zlak gidaŋ gidaŋ ar ɓi nah, maja ɓi ngi hin ngi sabat a hirnga, waɗ mazuɓa haŋ naŋ ngi gi malambaˀ ta na, naŋ ar mumul.»

MISE 7:8

Kum mesene ndrahay, ki singiram ar ndra ta. Ko da i ndilam le kwana, i sa slikiɗam a muŋ, ko da ndra ar luvuŋ kwana, Bumbulvuŋ i li minjahha ndra.

Matiye 22:14

«Gisiŋ, mizli mizilahaya, taŋ haɗi, amma muwunahaya, taŋ neˀkini si.»

ROMAHAY 11:29

Asi mike na, gwat Buymisemuŋ muvula le ngatara na, naŋ anta tiɓa a muŋ mata, yo mizli naŋ mizila taŋ le na, naŋ anta mbiɗa wuluk naŋ mata.

TIMOTE MUCUW NAŊ 2:19

Amma ɗuva virzi naŋ, Buymisemuŋ muɗuva gidaŋ gidaŋ na, naŋ da. Mingiɓi ani toh toh ava: «Bumbulvuŋ a si na mizli naŋhaya le», waɗ ma na: «Ko wa gar maɓi, naŋ i mbur ngi Bumbulvuŋ na, anja a kirih kileŋ avu gi gwat malambaˀa.»

HEBEREY 6:11

Amma gwat ndra mawuɗama so na, anja mbur gar a wuzla kumo, a hurdum hirdam kanah ava ma, hã avu kiɗa mi naŋ, ɓa gwat kum manjaham hiri njah vurˀe na, a gi gisiŋ gisiŋ.

HEBEREY 6:19

Njaha hiri ndra njah nah na, naŋ avu ndra kaɓa gwat ngi dira membezleŋ ngi dumvu ndra dar gidaŋ gidaŋ. A ci sesẽŋ a duba godo ngir hay ngi Bumbulvuŋ a muŋ.

Ɗerewol ZAK 2:10

Naŋ kine, ɓimujuwa na, da mbur a ja le gar a hirnga, amma da a kicaŋ le pal na, kite a ngila ɓi nah le gar.

ZOZUWE 7:3

Mizli tuwa, a moko ng'avu Zozuwe, a ɓakaŋ na: «Anja mizli gar a giram vu nga zli kiɗa vu ati hirwuy Aya ta. Ko gwat ngi mizli durmuk cuw malla makir si na, a ram, ara kiɗaka mizli Ayaya si. Anja ki ɗuva jijir da mizli keɗeɗe gar mata, asi mizli tayna t'anta haɗa ta.»

PIYER MUDUMBUŊ NAŊ 1:2

Cine ndra Buymisemuŋ muwunukum kaɓa naŋ miɗiya jiviɗ naŋ zleˀe si na, tisi ˀUf Mipal, ɓa ki cinaka mi da Yesu Kristu, yo ɓa pumbus naŋ a bunukum. Anja Buymisemuŋ a gukum mezle, a vulukum zuy haɗa haɗa.

PIYER MUDUMBUŊ NAŊ 1:5

da kum, gidaŋ ngi Buymisemuŋ majiginukum tisi tiɓi kum, ɓa kisa lumam lih migweˀ masa njiko vu angi kiɗa mi ngi hin na.

PIYER MUCUW NAŊ 1:3

Naŋ kine, gwat ndra muroko ti may naŋ ar joˀ ndra, waɗ ar sipi jiviɗ ndra na, gidaŋ ngi Bumbulvuŋ a vula ndra di le. A vula ndra di ti naŋ mibiga ndra mbur mizila ndra ti dudok nga naŋ, waɗ ti gidaŋ nga naŋ magi slra na.

PIYER MUCUW NAŊ 1:5

Vurˀe, tusom mevel tos ti gidaŋ kum wãˀ so: coko gi gwat ti lesl bac nga mi tiɓi kumo, yo coko si na gwat ng'ar gi gwat ti lesle.

PIYER MUCUW NAŊ 3:14

Vurˀe ngama ɗuwoy, ar kutuko hin nah na, tumom vu, ɓa a sa lumukum manja hereweɗ, gwat ngi mbuɗukum hirnga aseˀe anta, yo kum zuy zuy ati Buymisemuŋ.

PIYER MUCUW NAŊ 3:17

Kanah so ngama ɗuwoy, i kukum mumuyuŋ zay sla le a slimiɗe, jam lesl so. Anja ki pulaka vu kumo, ɓa mizli mizirɗa mihey mazizam na, a zuzukum ta. Anja ki pulaka vu kumo, ki kiraham tir kum ɓi micicam zlak na ta.

ZUDE 1:24

Mbur majiginukum gu ɓa ki ndilam ar mungra ta, yo mandil ti kum gu manja hereweɗ, ti mumul haɗa a mbuŋ naŋ misi ti dudok haɗi,

ƁIMUNJUYO 22:14

Mizli mabunaka jibe taŋhay ɓa a lumam jiviɗ ngi zuma yi ngi widis ngi siifa, yo ɓa a cam tir mizlingreheye ng'ar walahay madiɗa na, taŋ ar wuya.