NEHEMI 9:8 - Bible en langue guiziga

⁸ Ki luuma Abrahama na, i mbur miteŋteŋ a mbuŋ ɗike. Akẽh na, ki jumom ˀay ati naŋ, yo ki ɓaŋ, naŋ ati dideˀ naŋhaya, kisa vula taŋ hirwuy ngi Kanaˀanay, ngi Hitihey, ngi Amorihey, ngi Perizihey, ngi Zebusihey waɗ ngi Girgasihey. Gwat ka miɓa kisa ga na, ki ga le, asi ka jeŋŋe.

NEHEMI 9:8 ပူးပေါင်းရင်းမြစ်များ

ZLI VIRZI 12:7

Bumbulvuŋ a bugo vu da Abrama, a ɓaŋ: «I sa vula hirwuy hana da dideˀ ɗikey.» Abram a ɗiyi li gi mikuli da Buymisemuŋ mubugaŋ vu tuwa.

ZLI VIRZI 15:6

Abram a tiɓa Bumbulvuŋ le, vurˀe, Bumbulvuŋ a puraŋ i mbur mijeŋŋe a mbuŋ naŋ.

ZLI VIRZI 22:12

Modro a ɓaŋ ma: «Ki ja haŋ a vi mangala ta. Ki gaŋ gwat neˀ ta, asi ka misli himaˀ ti mangal ɗik kirmalay avu ya ta na, i si na le wurenna, ki ra zluwun ti Buymisemuŋ.»

SAMUYEL MUCUW NAŊ 22:31

Jiviɗ ngi Buymisemuŋ hana, naŋ kaslsla, mingiɓi ngi Bumbulvuŋ i gisiŋ. I mbaray ngi mizli maɗumom ava gar.

ƁI NGI HIN GAR MUDUMBUŊ NAŊ 1:14

Yo i dideˀ ngi Zebusihey, Amorihey, Girgasihey,

ƁI NGI HIN GAR MUDUMBUŊ NAŊ 16:16

I jumoˀay naŋ ati Abraham. A mahiri naŋ ti hudum da Izak.

ESDRAS 9:15

Bumbulvuŋ, Buymisemuŋ ngi Israyel, ka jeŋŋe, asi mike na, ndra misi ani ti siifa dana na, kaɓa is ngi mizli mindiram ti ndir. Ndrˀani a mbuŋ ɗike ti malambaˀ ndraˀahaya, dambalaka ko mbur misi kahana macici a mbuŋ ɗike anta loŋ ta ngbaŋ.»

NEHEMI 9:33

Ka so na, ar gwat mindilo ndra le gar na, ka, ka jeŋŋe, asi ki ga gwata ti jiviɗ naŋ kaslsla. Amma ndra, i gam di i moˀore.

DIMISEY 116:5

Bumbulvuŋ, naŋ mezle, yo naŋ jeŋŋe, Bumbulvuŋ ndra a pur ircece haɗi.

BI NGI ISRAYELEY 3:17

Yo yi ɓi: I sa bi ti kum tir bonoy kum a Ezipte na nga hirwuy ngi Kanaˀanay, Hitihey, Amorihey, perizihey, Hivihey ati Zebusihey misi araŋ, nga hirwuy misi ɗuwa ati mam maɓulom araŋ.

BI NGI ISRAYELEY 3:8

I po sar le ɓa i laha taŋ tisi haŋ ngi Ezipteheye, yo ɓa i ru ti taŋ tir hirwuy hana, nga hirwuy mezle mikirngiŋ, ngir ti ruwuy misi ɗuwa ati mam, ara ɓulom ara, ngir tivi hirwuy Kanaˀanay, Hitihey, Amorihey, Perizihey, Hivihey waɗ Zebusihey misi araŋ.

EZEKIYEL 33:24

«Ka mburu, mizli mindiram ar diŋ ngi si ruwuy Israyeleye, a ɓam: ‹Abraham mipal naŋ zleˀe tekeɗe, a tiɓa hirwuyo le da naŋ. Sokkota ndra mihaɗa na jak kwa, hirwuy i muvula le ɓa a ndir da ndra.›

SLUFA VU 13:29

Amalekeye tir vay ruwuy, Hitihey, Zebusihey waɗ Amoriheye, taŋ a ruwuy muwã, yo mizli Kanaˀanaya taŋ a ciki mubuliy waɗ silaɓɓa a ciki mizaw Zurdeŋ.»

SLUFA VU 23:19

Buymisemuŋ i mbur ɓa a gi slir ta. I mbur titira ɓa a mbiɗa wuluk naŋ ta. Da a ɓa ɓi le na, a ga cummo si, da a ɓi le ngi gi gwat na, a ga gbaˀa.

SLRA 13:22

A dirba Buymisemuŋ mibi di avra tir buyo na, a sa vula taŋ Davit, ɓa a cifi buyo. Buymisemuŋ a ɓi vurˀe na: ‹Davit, mangal ngi Zese, yi luuma na, i mbur ngisi mevel ɗu, masa kiɗa mi ngi ga gwat ya mawuɗ gar na, i naŋ.›

Slu cuw 26:3

Mbur gar a sa ru ng'avi masay misi tapasa, a sa ɓaŋ: «I ɓa dana a mbuŋ Bumbulvuŋ Buymisemuŋ ɗik, hirwuy naŋ miɓa ti hudum da dideˀ ndrahay, a sa vula ndra di na, i ndilo le anga muduba.»

Slu cuw 32:4

Bumbulvuŋ i mandazlay muwã maɗum vu, gwat ngi gi naŋ, naŋ kaslsla wãˀ. I Buymisemuŋ miteŋteŋ, ɓi mijeŋ ta anta va ta naŋ jeŋŋe, naŋ kaslsla.

Slu cuw 7:1

Moyis a ɓi: Bumbulvuŋ Buymisemuŋ kum, a sa ru ti kum nga hirwuy masa ndir da kum na, yo a sa ɓula sukwi ngi mizli haɗi a mbuŋ kumo, sukwi madiɗa madiɗa tarnaˀ, misi ti gidaŋ fineˀ kum. I Hitihey, Girgasihey, Amorihey, Kanaˀanay, Perizihey, Hivihey, waɗ Zebusihey.

Slu cuw 9:5

Da ki ndilam le, hã ki tiɓaka hirwuy taŋ le na, anta asi ki ndilaka le ta, malla asi kum ti mevel purla ta. Wãˀ naŋ na, Bumbulvuŋ Buymisemuŋ kum, a ɓula mizli tayna a mbuŋ kumo, asi a gam malambaˀ le. A ga kanah, ɓa ɓi naŋ miɓa ti hudum da dideˀ kumoy, Abraham, Izak ati Zakop tuwa, a gi wãˀ muduba.

Ɗerewol TIT 1:2

ɓa a njaham hiri njah ar siifa ngi sete, Buymisemuŋ magi slir ta, miɓa ɗaˀ le zleˀe dumbuŋ angi gwatay gar na.

HEBEREY 11:17

Buymisemuŋ a ci a kwacay Abrahama, a ɓaŋ ɓa a gaŋ mikuli ti Izak. Amma Abraham mujuw vu ngi gaŋ mikuli ti mangal naŋ kirmalay na, asi tiɓi. Na Buymisemuŋ a ɓaŋ le ɗaˀ le vur mangal vuna ngbaŋ.

HEBEREY 6:18

Vurˀe, gwatay ada cuw, anta mbiɗam ta wãˀ, Buymisemuŋ, gwat naŋ miɓal le ɗaˀ le ati hudum naŋ na, naŋ anta gi slir ar taŋ ta. Naŋ kine, ndra mizli mupulaka gwatay gar, ɓa i njaham hiri njah ar taŋ na, gwat tayna ara vulam ndra gidaŋ haɗa wãˀ.

ZOZUWE 11:23

Zozuwe a tiɓa hirwuyoyo le kasl kasl kaɓa Bumbulvuŋ miɓa zleˀe ɗaˀ le da Moyise. Akẽh na, a vula da Israyeleye, a wuɗuka taŋ di vur sukwi vur sukwi. A dirba nah, mizli a musukam vu muduba, ko vurum anta mata.

ZOZUWE 11:3

Yo ng'avi mizli Kanaˀanay, misi tisi pas ngi miprik waɗ tisi pas ngi pastaˀa, mizli Amorihey, Hitihey, Perizihey waɗ Zebusihey misi tir vay muwã, mizli Hivihey misi a sarmuwã Hermoŋ, angi hirwuy Mispa.

ZOZUWE 23:14

Ani ya, yi sa cuh le dana, kaɓa gwat ngi ruwuy gar macuh na so. Mingiɓi ngi Bumbulvuŋ Buymisemuŋ, ɓi ngi gwat mezlehey naŋ miɓi a sa gukum di gar na, ɓa hana a gi ta na, anta ko pal ta. Anja sey ki sinaka sin le a mevel kumo kuy kuy wãˀ, yo ar dumvu kumo wãˀ ma. Gwat tayna, a gam le gar vur kumo muduba, ko mindir loŋ asi taŋ manja a gi na, anta.

ZOZUWE 9:1

Gwatay migam a Ay gar na, ɓi naŋ a ndil le a slimiɗ buy ngi dubazaw Zurdeŋ vay muwãhaya cek, ngi ruwuy muzugudum, ngi ˀayzaw Mubuliy Madiɗa, hã sesẽŋ gweˀ avu Libaŋ. Dar mizli Hitihey, Amorihey, Kanaˀanay, Perisihey, Hivihey, waɗ Zebusiheye ma gar na,

ZAŊ MUDUMBUŊ NAŊ 1:9

Amma da i ra ɓaka mungra ndraˀahaya njah njah na, Buymisemuŋ, ndra misinakaŋ njah, yo naŋ mijeŋŋe, yo naŋ kaslsla na, a sa puya mungra ndrahay avra, a buna ndra gwat malambaˀ ndraˀahaya gar avra.