NEHEMI 9:6 - Bible en langue guiziga

⁶ Bumbulvuŋ i ka pal ɗik tewle. Muŋ ati gwatay misi anga gar na, miga taŋ i kaha. Hirwuy ati gwat ngi raˀahay gar, miga taŋ i kaha. Mubuliy ati gwat ngi raˀahay gar, miga taŋ i kaha. Mavula siifa da gwat hanayna gar i kaha. Yo gwat ngi muŋhoy gar na, a hurukom huruk huruk a mbuŋ ɗiki.

NEHEMI 9:6 ပူးပေါင်းရင်းမြစ်များ

ZLI VIRZI 1:1

Angi zli virzi ngi gwatay gar na, Buymisemuŋ a gi muŋ ati hirwuy waɗ gwat ngi raˀahay gar.

ZLI VIRZI 1:9

Buymisemuŋ a ɓi ma: «Yam ngisi birngiŋ, cikil ar li purla, ɓa li mingbaŋngbaŋ a bawa!» Joˀ a gi kanah vuna si.

ZLI VIRZI 2:1

Buymisemuŋ mikiɗa mi ngi gi muŋ, hirwuy waɗ gwat ngi raˀahay gar na, naŋ kahana.

ZLI VIRZI 32:2

Zakop ara zuɓa jiviɗ naŋ, modro ngi Buymisemuŋhoy a soko jam di hirnga.

BUYOY MUDUMBUŊ NAŊ 22:19

Mise a mbiɗaŋ di ma: «Haˀaw Cina mingiɓi ngi Bumbulvuŋ. Yi pura Bumbulvuŋ le ar janga naŋ ngi buyo. Yogawla naŋhaya, dedeŋ dedeŋ tir vay hazum waɗ tir vay gula naŋ a muŋ.

BUYOY MUDUMBUŊ NAŊ 8:27

Ani na, Bumbulvuŋ vuna a cifi a ruwuyo gisiŋ sukwani? Birngiŋ, ko ti naŋ mihaɗa gar na kwana, a ndila ngi cifi ti naŋ ta na si. Sokkota Hay ya mindira hana jak kwa.

BUYOY MUCUW NAŊ 19:15

Joˀ a dir dibiɗ ambuŋ Buymisemuŋ, a ɓaŋ: «Bumbulvuŋ Buymisemuŋ, ngi Israyel, ka muangi Kerubeŋhey. Angi zumabuy ar duniya gar na, Bumbulvuŋ i ka pal ɗik tewle. Asi miga muŋ ati hirwuy i kaha.

BUYOY MUCUW NAŊ 19:19

Na wurenna so na, Bumbulvuŋ Buymisemuŋ, ndra, laha ndra tisi haŋ ngi buy Senakeripe takwa. Kanah na, mizli mazumam buy ar duniya gar na, a sa sinaka, ka Bumbulvuŋ Buymisemuŋ, i ka pal ɗiki.»

NEHEMI 9:5

A dirba nah, Levihey, ti: Yesuwa, Kaɗmiyel, Bani, Hasapneya, Serebiya, Hodiya, Sebaniya waɗ Petahiya, a tilam mi, a ɓam: «Slikiɗam, gaka sise da Bumbulvuŋ, Buymisemuŋ kum. Gakaŋ sise ndrehhe, hã ngi sete.» «Bumbulvuŋ, Buymisemuŋ, anja mizli a gukuw sise ti zila slimiɗ ɗik misi dudok na, asi dudok ɗike naŋ haɗa, a zli ta wãˀ. A funa ɗuwula mi ati hunuma vuhoyo le gar.

DIMISEY 102:25

Vurˀe, yi ɓaŋ na: «Bumbulvuŋ ɗu, ya muro a wuzla hin ngi siifa ɗu aruŋ na, anja ki zuɓiy hirak tapasa t'aruŋ, ka, k'ada hã ngi set, ngi samadin.»

DIMISEY 103:21

Kum soje ngi Bumbulvuŋhoy, kum madiɗa ngi slra naŋhay magakaŋ gwat naŋ mawuɗ gar, gakaŋ sise.

DIMISEY 115:15

Bumbulvuŋ miga muŋ ati hirwuyo, anja a ɗuwulukum mi.

DIMISEY 124:8

Bumbulvuŋ miga muŋ ati hirwuyo, makulo widi ndr'i naŋ.

DIMISEY 146:6

I Buymisemuŋ miga muŋ ati hirwuyo, mubuliy waɗ gwat ngi raˀahay gar. I njaham hiri njah ngi wãˀ aseˀe gu.

DIMISEY 24:10

—Buy madiɗa misi ti dudok vuna i waka? -I Bumbulvuŋ misi gidaŋ wãˀ, Buy madiɗa misi ti dudoko i naŋ.

DIMISEY 33:6

Bumbulvuŋ a ga muŋ ti mingiɓi naŋ, waɗ gwat ngi raˀahaya gar, a ga taŋ ti himiɗ ngi balam naŋ!

DIMISEY 36:6

Bumbulvuŋ, gi mezle ɗike, naŋ haɗa kite muŋ, gi teŋteŋ ɗike, aru sesẽŋ avu gazlavay.

DIMISEY 86:10

Asi ka, ka madiɗaŋ, ki ra gi cekenehey, Buymisemuŋ i ka pal ɗiki.

EZAYI 37:16

«Bumbulvuŋ misi gidaŋ wãˀ, Buymisemuŋ ngi Israyel, ka mua duba Kerubeŋhey, angi zumabuy ngir duniya gar na, Buymisemuŋ i ka pal ɗik tewle. Asi miga muŋ ati hirwuy i kaha.

EZAYI 37:20

Na ka, Bumbulvuŋ Buymisemuŋ ndra, laha ndra tisi haŋ ngi buy Senakerip na takwa. Kanah na, mizli mazumam buy ar duniya gar na, a sa sinaka, ka Bumbulvuŋ, Buymisemuŋ i ka pal ɗiki.»

EZAYI 43:10

«Sedewo ɗuwoy i kum mizli ɗuwoy, gawla ɗuwoy i kum, ya muwunukum, ɓa ki slaka wala ngi ɓi, ɓa ki tiɓikiy a mevel kumo, yo ɓa ki sinaka kuy kuy, yi Buymisemuŋ. Buymisemuŋ mekelem dumbuŋ ar ya, ɓa ki huruk hurukam a mbuŋ naŋ na, anta, yo a dirba ɗu kwana, anta ma. I ya Bumbulvuŋ maɓi.

EZAYI 44:6

Israyeley, Bumbulvuŋ, buy madiɗa kum, mimbiɗi hirnga kum, Bumbulvuŋ, Misi Gidaŋ wãˀa, a ɓukum na: «Mudumbuŋ i ya, ngi dirba i ya ma. Mbak ya le na, Buymisemuŋ mekelem anta.

EZAYI 44:8

Kum mizli ɗuwoy, ki jijikam ta, ki zluwunam ta. I pulukum, ki cinaka ɓi nah le zlezle takwa? Kum i sedewo ɗuwoy takwa? Mbak ya le na, Buymisemuŋ mekelem ada kwa? Gisiŋ gisiŋ, ko mandazlay muwã purla, ɓa yi si na ta na, anta.»

EZAYI 45:12

Miga hirwuy i ya, yo miga mizli titira ngi raˀahay, i ya. I ya ti haŋ ɗu minjira muŋ bilirre, yo wurzlaŋ ngi muŋhoyo, i ya muwa taŋ.

ZEREMI 32:17

«Haˀaw Bumbulvuŋ Buymisemuŋ, miga muŋ ati hirwuy i ka ti gidaŋ ɗik mihaɗa na, ki puska gidaŋ ɗike le pusak, ko gwat mutuwaˀ haɗa avu ka anta.

EZEKIYEL 20:11

Yi dubuna taŋ ɓimujuwa ɗuwoyo le, yo i biga taŋ sirik ɗuwoyo le, ɓa mburo, da ara gi taŋ slra na, a ndir ti siifa.

ZONAS 1:9

Zonas a mbiɗa taŋ di: «Yi mbur Heber, yi huruk huruk nga ya a mbuŋ Bumbulvuŋ, Buymuŋ, miga mubuliy ati hirwuyoy na.»

Ɓimezle ngi Yesu Kristu ZAŊ mitil di mi 10:30

Ya ati Baha, ndra purla.»

SLRA 4:24

A cinaka taŋ di, a dirba nah, taŋ gar jom ar leˀe a diram dibiɗ, a ɓaka Buymisemuŋ na: «Aw Kumani, miga muŋ, hirwuy, mubuliy ati gwat ngi rahay gar na, i ka.

Slu cuw 10:14

Birngiŋ micay waɗ hirwuy ati gwat ngi raˀahay gar na, i ngi Bumbulvuŋ Buymisemuŋ kum.

Slu cuw 32:39

Yawwa, wurenna puraka so, Bumbulvuŋ i ya pal ɗu, pal ɗu kine, ko kuli anta a ciki ɗu ta. Maga ɓa mbur a muc i ya, mavulaŋ siifa i ya. Da i ga waˀa le da mburo na, makufaŋ di i ya. Mbur matiɓi mbur gu tisi haŋ ɗu ada kwa?

Slu cuw 6:4

«Mizli Israyeley, cinam ɗi: Bumbulvuŋ, Buymisemuŋ ndra pal i naŋ.

HEBEREY 1:3

Mangal nah na, i wucuɗ ngi dudok ngi Buymisemuŋ, Buymisemuŋ, naŋ kahana kahana na, a bugo di le wãˀ. Yo majaha gwatay gar na, i naŋ ti mingiɓi naŋ migidaŋ. A dirba naŋ mubuna mungra ngi mizli avra na, a cifi a muŋ tir vay hazum ngi Buymisemuŋ migidaŋ wãˀa.

HEBEREY 1:6

Yo ti Buymisemuŋ mawuɗ ɓa a slino Mangal naŋ modogom ng'ar duniya na, a ɓi: «Anja modro ngi Buymisemuŋhoy gar a dilkam a mbuŋ naŋ.»

ƁIMUNJUYO 14:7

Modro tuwa a til mi ti gidaŋ: «Zluwunam ti Buymisemuŋ, yo gakaŋ dudok, asi pas, naŋ masa sla kiita da mizli na, a ndilo le. Dilkam a mbuŋ Buymisemuŋ miga muŋ ati hirwuy, mubuliy ati miviɗiviɗi ngi yamaya.»

ƁIMUNJUYO 4:11

«Aw Bumbulvuŋ, Buymisemuŋ ndra, ki ndila le ter ɓa mizli a gukuw dudok, a ɗuvukuw hirnga, yo ɓa a sinaka, ka gidaŋ. Asi miga gwatay gar, i ka. Ki wuɗ le anja t'ada, yo a gam le.»