NEHEMI 8:9 - Bible en langue guiziga

⁹ Akẽh na, Nehemi, mbur miwi li ati Masay Esdras misina toho gwata waɗ Levihey maɓaka pulaˀvra ngi Ɓimujuwa da mizli gar na, a ɓaka taŋ: «Hin misenna i hin ngi Bumbulvuŋ, Buymisemuŋ kum. Anja ki likam ta, yo ki tuwam ta!» Asi mike na, mizli gar macinaka mingiɓi ngir Ɓimujuwa tuwa na, a roko tuwam zleˀe.

NEHEMI 8:9 ပူးပေါင်းရင်းမြစ်များ

BUYOY MUCUW NAŊ 22:11

Buy tuwa micina mingiɓi ngir ɗerewol ɓimujuwa cin cin na, a ngira zana ngi vu vuhoyo.

BUYOY MUCUW NAŊ 22:19

ka micina mingiɓi ya miɓa vur li hana waɗ vur mizli ngi raˀahaya cin cin na, li hana a sa tiri i li ngi bonoy, yo i minisa na, a wusuw mevele le, ki hin hirnga a mbuŋ ɗu, ya Bumbulvuŋ. Dar ki ngira zana ɗik ngi vu vuhoyo hã ki tuwuy a mbuŋ ɗu. Naŋ kuy, ya kwana i cinuw di le, i mingiɓi ɗu, ya Bumbulvuŋ.

ƁI NGI HINEY MUCUW NAŊ 15:3

Israyeley a zikam le haɗi, manja Buymisemuŋ migisiŋ gisiŋ, manja masayay ɓa a dubunaka taŋ gwata, yo manja ɓimujuwa.

ƁI NGI HINEY MUCUW NAŊ 30:22

Levihey mupulaka mevel taŋ le mbak kuy kuy da Bumbulvuŋ gar na, mingiɓi ngi Ezekiyas a ci le a mevel taŋ. Joˀ a ram ti gi muguzlumo hã hin tarnaˀ, a roko gam mikuli ngi ngiɓiˀay, yo ara gaka sise da Bumbulvuŋ Buymisemuŋ ngi dideˀ taŋhaya.

ƁI NGI HINEY MUCUW NAŊ 34:19

Buy tuwa micina ɓi ngir ɗerewol ɓimujuwa cin cin na, a ngira zana ngi vu vuhoyo.

ƁI NGI HINEY MUCUW NAŊ 34:21

«Ɓi ngi ɗerewol mulumoko di hana na, ara cufuɗaka Bumbulvuŋ aseˀe vur ya, vur is ngi Israyel ati Zudahaya. Asi mingiɓi hana i ɓi madiɗa, Bumbulvuŋ a zuɓ himaˀ le fõh fõh ar ndra, asi dideˀ ndrahay a jaka ɓi nga naŋ Bumbulvuŋ a hirnga ta, yo a gaka gwata kaɓa mutohoko cek ar ɗerewol hana na ta.»

ƁI NGI HINEY MUCUW NAŊ 35:3

Levi misi slra taŋ i dubuna gwat da Israyeley gar, yo mizli muvuku vu taŋ ngi slra ngi Bumbulvuŋ na, a ɓa taŋ: «Caka akoti ng'ar hay ngi Buymisemuŋ, Salomoŋ buy Israyel, mangal ngi Davit mindira na, anta ngi sa jijir ti jijir ar gagalaˀay kumoy mata. Wurenna, gam slra ngi Bumbulvuŋ Buymisemuŋ kum, waɗ ngi Israyel, mizli naŋhay.

ESDRAS 2:63

Buy miwi li a ɓa taŋ anja a zumam gwat ngi mikuli mipal wãˀ na ta, hã masay a pura Urim ati Turime ɗagay far.

ESDRAS 7:11

Ɓi Bumbulvuŋ miɓa taŋ ɗaˀ ɗaˀ le ati ɓimujuwa taˀ gar vur Israyeley na, Masay Esdras, a si na taŋ le kwaŋ kwaŋ. Letir mutohoko, buy Artakzerses muvulaŋ di na, mingiɓi ngi raˀani:

NEHEMI 10:1

Vur ɓi ngi gwat tayna gar mindiloko avu ndra Israyeley na, i jumom ˀay kuy kuy wãˀ, waɗ toh toh ɓi nah ti tuh ar ɗerewol. Buy ndrahay, mizli madiɗa ndrahay ati levi ndrahay waɗ masay ndraˀahaya, a tohoko slimiɗ taŋhaya toh toh waɗ haŋ taŋ taˀ taˀ anga.

NEHEMI 12:26

Mizli gar na, a gaka slra nga taŋ angi hin ngi Yoyakim, mangal ngi Yesuwa, dideˀ ngi Yosadak, yo angi hin ngi ti Nehemi, buy miwi li ati Masay Esdras misina toho gwat.

NEHEMI 7:65

Buy miwi li a ɓa taŋ, ɗaf ngi mikuli mipal wãˀ da Buymisemuŋ na, anja taŋ a zumam ta, hã masay mujuwa le a mevele ngi mucufuɗa Buymisemuŋ ti Urim ati tumim ɗagay far.

NEHEMI 7:70

Mizli mekelemey a wuzla buy ngi hayay mitaˀ taˀa, a vulam gwatay ngi gi slra ngi ndira hay ngi Buymisemuŋ, ɓiri tapasl tapasl durmuk kukur cuw, waɗ ɓiri bara durmuk cuw ti skat skat cuw.

NEHEMI 8:2

Masay Esdras a so ti ɗerewol ngi Ɓimujuwa nga mbuŋ mizli ar kuso. Ar kus nah i ziley ati ngwasay waɗ ziriy zliv macinam gu. Naɓa i hin mudumbuŋ ngi kiya mitarnaˀ naŋ.

TILA MI 3:4

pas ngi tuwuy, pas ngi singir, pas ngi niˀic, pas ngi ɓuruku,

EZAYI 61:3

ɓa i tuwuɗa loppol a hirnga mizli mutuwa Siyoŋhoyo. Haˀaw, i sa tuwuɗa taŋ di i loppol gisiŋ, i pa taŋ fucu a hirnga ta, i sa pa taŋ urdi mimezle haɗa ngi vula mumul, i urdi ngi tuwa vagay ta, i sa vula taŋ zana ngi muguzlum, ar deɗe ngi ndurɓo hiri taŋ. Hana gar na, ɓa mizli a sa zilaka taŋ ‹Widis ngi ɗuva hirnga da Buymisemuŋ, yo guva ngi Bumbulvuŋ, mihĩˀĩ ngi biga dudok naŋ›.

Ɗerewol OZE 4:6

Mizli ɗuwoy a taˀaka mi lek lek ngi wãˀ, asi a sinikiy ta. Ka mungum siniy mata na, ya kwana, y'anta sa ngum i sunuw ta ya, ki masay ɗu mata. Ki puyuk hirnga ti gwat Buymisemuŋ ɗik mudubunuw di le, ya kwana, yi sa puyuk hirnga ti ziri ɗikey aya.

LEVIHEY 23:24

«Ɓa Israyeleye: Hin mudumbuŋ ngi kiya mitarnaˀ naŋ na, i hin kum ngi muska vu, hin ngi wuluk keŋ, waɗ ngi ji salalay, ki gam kus ti slimiɗ ɗu.

MALASI 2:13

Gwat kum magaka mucuw naŋ ani ma: Ki luɓoko li gi mikuli ngi Bumbulvuŋ ti tuwuy ngi hiri kumo, hã hirnga naŋ gun ti tuwuy ati niˀici, asi naŋ maki slimiɗ ar gwat kum masakaŋ taŋ ngi mikuli na mata, yo naŋ anta tiɓa taŋ ti mevel mezle tisi haŋ kumo mata.

ROMAHAY 3:20

Vurˀe, ko mbur anta ndir jeŋŋe a mbuŋ Buymisemuŋ asi naŋ maga gwat ɓimujuwa maɓa na ta. Naŋ kine, ɓimujuwa a biga ɓa mbur a sina, a gi mungra le.

ROMAHAY 7:9

Ti ɓimujuwa misi anta zleˀe ta na, ya ti siifa zleˀe. Amma ti ɓimuɗuva mindilo na, mungra a mbul hiri a muŋ,

Slu cuw 12:12

A mbuŋ Bumbulvuŋ, kisa mumulom haɗa, kum ati ziri kum mizilehey ati mongosohoy, beke kum mizilehey ati mongosohoyo, waɗ mizli levihey micifam ar walahay kumoy, asi hirwuy muwunkaka na, t'anta ti mi nga taŋ ta.

Slu cuw 12:7

Kum ati ziri kumoy gar arleˀe, kisa zumaka ɗaf ar hay ngi Bumbulvuŋ Buymisemuŋ kum. Ki sa mumulom haɗa, asi Bumbulvuŋ Buymisemuŋ kumo a ɗuwulukum mi le ar gwat ngi gi kum gar si.

Slu cuw 16:11

Ki sa ram ng'ar li Bumbulvuŋ Buymisemuŋ kumo muwuna le ngi bugukum vu a diga. Ki sa mumulom, kum ati ziri kum mizilehey, mongosohoy, gawla kumoy, beke kum mongosohoy, waɗ levihey misi si ruwuy kumo, mulakay, waɗ mutuhuhoy ati wudigahay misi a wuzla kumo.

Slu cuw 26:14

Ya muro ti hiriyi, gwat mingac weˀ di vu vur ka na, i zuma ɗaˀ ta. I zuɓ ɗaˀ anga, vur ɓi ngi dili ta, i vul ɗaˀ ngi gi mezegwel ngi vagayay ta. I cine mingiɓi ɗik ka Bumbulvuŋ Buymisemuŋ le, i ga gwata kaɓa ka miɓiy di ɗaˀ le vuna cummo.

Ɗerewol ZAK 4:9

Likam, tuwam kaɗam kaɗam, wudam. Anja singir kumo, a tiri tuwuy, yo mumul kumo, a tiri likaɓi.