NEHEMI 8:8 - Bible en langue guiziga

⁸ Joˀ a slufa ɗerewol Ɓimujuwa ngi Buymisemuŋ tuwa, ti jiviɗ naŋ macin kwaŋ kwaŋ, a ɓa taŋ mbiɗeˀvra naŋ, ɓa a slaka wala ngi ɓi taŋ maslufaka taŋ di vuna.

NEHEMI 8:8 ပူးပေါင်းရင်းမြစ်များ

BUYOY MUCUW NAŊ 23:2

A dirba nah a jiɗ ng'ar hay ngi Bumbulvuŋ, waɗ mizli ngi Zudahay ati ngi Zeruzalemey gar aseˀeŋ: i masayay, mijiviɗey ati mizli gar, mizlewey ati mizli madiɗahay. Joˀ a ɓi ɓa a slufaka taŋ mingiɓi ngi jumoˀay misi angi ɗerewol mulumaka angi hay ngi Bumbulvuŋ tuwa.

ESDRAS 4:18

Ɗerewol kum mislinikiy di na, i muslufa le kpah kpah kuy kuy a mbuŋ ɗu.

NEHEMI 8:12

Akẽh na, mizli gar a ram ngi hay taŋhay, ɓa a zumam gwat, ɓa a sam gwata. Yo mizli mujuwam vu tahay na, ɓa a saka taŋ ti mi nga taŋ, waɗ ɓa a bigaka mumul taŋ mihaɗa na, asi mingiɓi mudubunaka taŋ di na, a cinaka pulaˀavra naŋ le kuy kuy.

NEHEMI 8:7

Akẽh na, mizli levihey: Yesuwa, Bani, Serebiya, Yamin, Akup, Sabetay, Hodiya, Maˀaseya, Kelita, Azariya, Yosabat, Hanan waɗ Pelaya, mizli tayna a zlaka a dubunaka taŋ Ɓimujuwa tuwa.

NEHEMI 8:9

Akẽh na, Nehemi, mbur miwi li ati Masay Esdras misina toho gwata waɗ Levihey maɓaka pulaˀvra ngi Ɓimujuwa da mizli gar na, a ɓaka taŋ: «Hin misenna i hin ngi Bumbulvuŋ, Buymisemuŋ kum. Anja ki likam ta, yo ki tuwam ta!» Asi mike na, mizli gar macinaka mingiɓi ngir Ɓimujuwa tuwa na, a roko tuwam zleˀe.

NEHEMI 9:3

A zlaka a slikiɗam tir li cifi taŋhaya, deŋ deŋ yom, dar ara cinaka maslufaka taŋ ɗerewol ngi Ɓimujuwa ngi Bumbulvuŋ, Buymisemuŋ taŋ na, hã ler makir. Yo ar ler makir mekelemeye ma na, ara njikaka mungra taŋhay, a hurukom huruk huruk a mbuŋ Bumbulvuŋ, Buymisemuŋ taŋ.

EZEKIYEL 46:10

Buyo, da mizli mira cam na, a cam bumoˀ, yo da taŋ mira bam na, a bam bumoˀ ma.

HABAKUK 2:2

Bumbulvuŋ a mbiɗiy mi, a ɓiy na: «Gwat ka mupura ti kleŋ na, toho toh toh, yo mbiɗeˀvra naŋ, toho nguɗ nguɗ ar belelerey, ɓa mizli a slufaka calala,

Ɓimezle ngi Yesu Kristu LUK mitil di mi 24:27

Dar a biga taŋ wala ngi Ɓimutoho miɓi vur naŋ gar. A zlo di avu ɗerewol ngi Moyis, hã bal bal ti ɗerewol ngi mijiviɗeye gar.

Ɓimezle ngi Yesu Kristu LUK mitil di mi 24:32

Dar a ɓam ar wala taŋ: «Ti naŋ maɓa ndra, yo naŋ mabiga ndra wala ngi Ɓimutoho a jiviɗ na, ɓi nah a ga ndra vekeɗ vekeɗ a mevele ta mbrike?»

Ɓimezle ngi Yesu Kristu LUK mitil di mi 24:45

Joˀ a wuna taŋ lesl ɓa a slaka wala ngi Ɓimutoho muduba so.

SLRA 28:23

A ɗuvam hin pal, mizli haɗi fineˀ misi zleˀe, a soko lumakaŋ a hay naŋ. Zle ngi miprik hã pastaˀa, Pol a biga taŋ gwatay: a tila taŋ mi ti ɓi ngi zumabuy ngi Buymisemuŋ, a cik vu ɓa a mbiɗaka mevele. A ɓa taŋ ɓimujuwa ngi Moyis waɗ ɓi ngi mijiviɗey miɓaka vur Yesu.