Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




NEHEMI 8:6 - Bible en langue guiziga

6 Ar nah na, Esdras a ga sise da Bumbulvuŋ, Buymisemuŋ madiɗa. Joˀ mizli gar a tiɓaka: «Anja kine! Anja kine!» haŋ yom a muŋ. A dirba nah, a hurukom, a hurukom huruk huruk a mbuŋ Bumbulvuŋ, midibiɗ a ruwuy a ruwuy.

အခန်းကိုကြည့်ပါ။ ကော်ပီ




NEHEMI 8:6
30 ပူးပေါင်းရင်းမြစ်များ  

Abram a mbiɗaŋ di: «Y'ani i hudum ti slimiɗ ngi Bumbulvuŋ, Buymisemuŋ Mimadiɗa, miga muŋ ati hirwuy.


Mbur tuwa, a huruk huruk a mbuŋ Bumbulvuŋ,


Sise ngi ɗik Bumbulvuŋ Buymisemuŋ ngi Israyel, gakaŋ sise ar pas gar ngi caˀa! Sukwi Israyel gar a tiɓa: ‹Amin! Yo hunumaka Bumbulvuŋ!›


Davit a ga sise da Bumbulvuŋ a mbuŋ mizli gar, a ɓi: «Sise ngi ɗik Bumbulvuŋ, Buymisemuŋ ngi Zakop, cine ndra misi zlezle, mandir caˀkine.


A dirba nah, Davit a ɓa mizli mukos koso: «Gaka sise da Bumbulvuŋ Buymisemuŋ kumo.» Dar zigiduw gar a ga sise da Bumbulvuŋ, Buymisemuŋ ngi dideˀ taŋ. A hurukom, a hurukom huruk huruk a mbuŋ Bumbulvuŋ waɗ a mbuŋ buyo.


Zozafat a huruk huruk waɗ huruk a mbuŋ Bumbulvuŋ, yo mizli Zudahay gar waɗ Zeruzalemey kwana, a huruk hurukam waɗ huruk huruk a mbuŋ Bumbulvuŋ.


Wurenna so na, i wuluk le ngi jumoˀay ati Bumbulvuŋ Buymisemuŋ ngi Israyele, ɓa mevele mufõh fõh ar ndra na, a tisli.


Akẽh na, buy Ezekiyas ati buyoy a ɓaka leviheye, ɓa a hunumaka Buymisemuŋ ti dimis ngi Davit ati ngi Asaf, mbur mupur na. Dar levihey a hunumakaŋ ti mumul, a huruk hurukam, a hurukom a mbuŋ Buymisemuŋ.


A ɓi: «Sise da Bumbulvuŋ Buymisemuŋ ngi Israyele, gwat naŋ miɓa ɓi nah zleˀe da baha Davit na, a ga le ti haŋ naŋ muduba, a ɓi zleˀe na:


A dirba nah na, yi ja mi ngi zana ɗu kaw, yi hira har har, i ɓa taŋ na: «Mbur macici ar mingiɓi hana ta na, Buymisemuŋ a sa hira har har avra kileŋ avu mizli ngi hay naŋhaya, yo kileŋ avu zlili naŋhaya! Naŋ kahana, a sa hiraka avra, a pulakaŋ ɗoɗok manja gwat neˀ le ava!» Zigiduw gar a zil mi: ‹Anja kine!› Dar a hunumaka Bumbulvuŋ. Ar nah na, mizli a gaka kaɓa taŋ miɓam tuwa so.


Akẽh na, mizli levihey: Yesuwa, Bani, Serebiya, Yamin, Akup, Sabetay, Hodiya, Maˀaseya, Kelita, Azariya, Yosabat, Hanan waɗ Pelaya, mizli tayna a zlaka a dubunaka taŋ Ɓimujuwa tuwa.


Zuɓaka haŋ paɗ a muŋ ngir tivi hay ngi Bumbulvuŋ gakaŋ sise.


Anja diradibiɗ ɗu, aru cir cir ng'avi ka, kaɓa cunju ngi urdi mazlumaka ti zlum, yo anja haŋ ɗu mipaɗ a muŋ na, a tiri gwat ngi mikuli ngi pastaˀa.


Cin, ya matumbuluw, ya matiluw mi, yo ya maziluw haŋ til nga hur hay ɗik na.


Ki jihiy le jah, ki bo ti ya le njiraŋ ti vu ɗu kuy kuy. Yo ki ɗiyi le ngi wãˀ a mbuŋ ɗike.


Haˀaw, teŋteŋ ɗike, a funa siifa le, i sa hunumuw ˀay ngar ngar.


Asi Bumbulvuŋ i Buy madiɗa misemuŋ, i buy madiɗa misi a hirnga kuliheye gar.


kisa ɓaka taŋ: I mikuli ngi Pak da Bumbulvuŋ. Ti Israyeley misi zleˀe asi hirwuy Ezipte na, Bumbulvuŋ a kiɗa Ezipteheye, amma a cuh weŋŋe avu hay ndraˀahaya, a wusa mizli ngi hay ndraˀahaya ta.» Dar Israyeley a huruk hurukam ti poprok, a hurukom, midibiɗ durus durus.


Mizli a tiɓakaŋ, taŋ mislaka wala nah, Bumbulvuŋ a so le a jiniˀis tisi Israyeley, yo a pura bonoy taŋ le na, a hurkom a mbuŋ naŋ, a gakaŋ dudok.


a ɓa taŋ: «Amin! Anja Bumbulvuŋ a ga kanah! Anja Bumbulvuŋ a kiɗa mi ngi ɓi ka minjika na wãˀ muduba, anja a mo ti gazlangahay ngir hay ngi Bumbulvuŋ ti Babiloŋ jom ati mizli mijahay nga diga na gar!


Tulukum haŋ ndraˀahaya jom ati mevel ndraˀahaya ng'avu Buy misi ar li ngi muŋ.


Vu a bo ti mbuŋ Bumbulvuŋ, a zluma mikuli ngi zlum ti zlum ati munguloy tuwa, zlam zlam ar li gi mikuli. Mizli gar mupuraka kanah na, a jam salalay, a hurukom huruk huruk a ruwuy.


Joˀ aru zar neˀ na, a huruk huruk, midibiɗ dir a ruwuy, a dirdibiɗ, a ɓi: «Aw Baha, da a gi zleˀe na, anja sikiɗ ngi bonoy misenna a kirih kileŋ avu ya. Amma ka ya mawuɗ ta ɓula, sey kaɓa ka mawuɗo.»


Ki pula ndra i cam ar li ngi tikin ta, amma laha ndra tisi haŋ ngi Satana. [Asi Zumabuy, gidaŋ ati dudok i ngi ɗik hã ngi sete. Amin.» ]


Naŋ kine, da ki ra ga sise da Buymisemuŋ ti musuɗuk ngi vu ɗik tewle si na, naɓa mbur misi angi cikile, macin ti cin na, a sa tiɓa «Amin» asi gi sise ɗike gu kwa? Asi a si na ɓi ka maɓa vuna ta.


Hunumukum Buymisemuŋ, Cine ngi Buy ndra Yesu Kristu. A ɗuwula ndra mi le haɗi ar ndra mujom ati Kristu, a vula ndra gwat ngi muŋhoy gar.


Yi wuɗ so na, anja ko amaka gar, mizli mizilehey madiram dibiɗ gar na, a zuɓaka haŋ manja dili paɗ nga muŋ, a diram dibiɗ manja himaˀ, manja tiri.


Hunumukum Buymisemuŋ, Cine ngi Buy ndra Yesu Kristu. Ar pura ˀircece naŋ mihaɗi na, a ya ndra le sar mucuw naŋ ma ti naŋ mislikiɗa Yesu Kristu ti wuzla mumucahay na, ɓa njaha hiri ndra ar gwat mezlehey, naŋ masa vula ndra taŋ na, a muc ta,


Dar modrohoyo gar, a gunoko janga ngi buyo, mizli micawwahay waɗ gwat misããmi mumufaɗay tuwa. A hurkom huruk huruk a ruwuy, a mbuŋ janga ngi buyo, dar a putukulom a mbuŋ Buymisemuŋ,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ