NEHEMI 8:1 - Bible en langue guiziga

¹ Sukwi Israyel gar a ngiɓam ˀay ar li purla, a jumom jom ar li misi a mizlingre ngi Yam. A ɓaka Esdras, mbur misina toho gwata, ɓa a so ti ɗerewol ngi Ɓimujuwa ngi Moyis, Bumbulvuŋ muwuɗ da Israyeley na.

NEHEMI 8:1 ပူးပေါင်းရင်းမြစ်များ

BUYOY MUCUW NAŊ 23:2

A dirba nah a jiɗ ng'ar hay ngi Bumbulvuŋ, waɗ mizli ngi Zudahay ati ngi Zeruzalemey gar aseˀeŋ: i masayay, mijiviɗey ati mizli gar, mizlewey ati mizli madiɗahay. Joˀ a ɓi ɓa a slufaka taŋ mingiɓi ngi jumoˀay misi angi ɗerewol mulumaka angi hay ngi Bumbulvuŋ tuwa.

ƁI NGI HINEY MUCUW NAŊ 34:15

Dar Hilkiya a ɓa Safaŋ, mbur mutoho gwata: «I luuma ɗerewol ɓimujuwa le ar hay ngi Bumbulvuŋ.» Hilkiya a vula ɗerewol tuwa da Safaŋ.

ƁI NGI HINEY MUCUW NAŊ 34:30

A dirba nah, a ram ng'ar hay ngi Bumbulvuŋ, gar taŋ ati mizli Zudahay, ngi Zeruzalemey, masayay, levihey waɗ mizli gar, zle avu ziri hã avu mizli madiɗahay. Ɗerewol ngi jumoˀay, mulumoko di ar hay ngi Bumbulvuŋ tuwa, a slufaka taŋ di cek ti gidaŋ.

ESDRAS 7:1

A dirba gwat tayna migam na, naɓa mazum buy a Perse i Artakzerses. Esdras a so ti Babiloŋ. Esdras i mangal ngi Seraya, dideˀ ngi Azariya, ngi Hilkiya,

ESDRAS 7:10

Naŋ kine, Esdras a hurdum le hirdam ti mevel purla ngi si na ɓimujuwa ngi Bumbulvuŋ, ɓa a gi di slra, yo ɓa a dubuna ɓimujuwa taˀ gar ati sirikeye da mizli asi ruwuy Israyele.

ESDRAS 7:11

Ɓi Bumbulvuŋ miɓa taŋ ɗaˀ ɗaˀ le ati ɓimujuwa taˀ gar vur Israyeley na, Masay Esdras, a si na taŋ le kwaŋ kwaŋ. Letir mutohoko, buy Artakzerses muvulaŋ di na, mingiɓi ngi raˀani:

ESDRAS 7:6

Esdrasa, Ɓimujuwa ngi Bumbulvuŋ, Buymisemuŋ ngi Israyel muvula da Moyis na, a si na le haɗa. Gwat Esdras mucufuɗ gar avu buyo na, a vulaŋ di, asi gidaŋ ngi Bumbulvuŋ Buymisemuŋ naŋ, naŋ da ati naŋ.

NEHEMI 12:26

Mizli gar na, a gaka slra nga taŋ angi hin ngi Yoyakim, mangal ngi Yesuwa, dideˀ ngi Yosadak, yo angi hin ngi ti Nehemi, buy miwi li ati Masay Esdras misina toho gwat.

NEHEMI 12:37

Mizli dimisey tuwa mindilam a mizlingre ngi ru ng'ar Miviɗiviɗi ngi yama, keɗ na, li majiɗam ti jiɗ ng'ar Walahay ngi Daviti. Joˀ a jiɗam tir li majiɗam ti jiɗ tir mohol vuna, taŋ misi a hirngi hay ngi Davite, a ram sesẽŋ a mizlingre ngi Yam, misi tisi pas ngi mipriki.

NEHEMI 3:26

Gawla migi slrahay a cifam a Ofel. A gam slra hã hiri taˀ a mizlingre ngi Yam, tisi pas ngi miprik naŋ, waɗ hiri taˀ avu mucoŋ coŋ ngi hay musubur.

NEHEMI 8:16

Ar nah na, mizli a bam, a nguwoko kalaf ngi ɗiya mazlaɓaya. Mbur gar na, a ɗiyi a hirnga viŋ naŋ midika ti dike, malla a mamay taŋhay, a mamay ngi hay ngi Buymisemuŋ malla ar li misi a mizlingre ngi Yam, waɗ ar li misi a mizlingre Efrayim.

NEHEMI 8:3

Esdras a slufa ɗerewol tuwa, a mbuŋ mizlingre ngi Yama, a mbuŋ ziley ati ngwasay waɗ ziriy zliv macinam gu, zle ngi li biŋ biŋ, hã wuzla papas. Mizli gar a jikaka slimiɗe le kuy kuy ngi cine ɓi ngir ɗerewol Ɓimujuwa nah.

EZAYI 8:20

kisa mbiɗaka taŋ di: «Moko ng'ar dubun ati mingiɓi ngi Bumbulvuŋ.» Da a cinaka mingiɓi hana ta na, li anta sa wun ti taŋ ta.

LEVIHEY 9:5

Israyeleye, gwat Moyis miɓa ɗaˀ le gar na, a soko taŋ nga mizlingre guɗuk ngi zlir ti Buymisemuŋ, yo zigiduw gar a kirahawa waɗ taŋ dedeŋ a mbuŋ Bumbulvuŋ akẽh.

Matiye 13:52

Joˀ a ɓa taŋ: «Naŋ kine, buy ngi ɓimujuwa gar misina ɓi ngi Zumabuy ngi muŋ le na, a bam vu ati buy ngi hay mabo ti gwat nawayahay ati magalahay tir zlili naŋ.»

Matiye 23:13

«Kum buy ngi ɓimujuwahay ati Farisa miɓi micuw cuwoy, kay, kum ar bonoy! Asi kum matikaka mizli ɓa a cam ng'ar Zumabuy ngi muŋ ta na. Asi mike, kum vuna, kum anta cam ta ma. Na, mizli mawuɗam ci ma na, ki pulaka taŋ ɓa a cam ta ma [

Matiye 23:2

«Buy ngi ɓimujuwahay ati Farisahaya, madubunaka mbiɗeˀvra ngi ɓimujuwa ngi Moyis da mizli, i taŋ.

Matiye 23:34

Puraka, ya maslinukum mijiviɗey, mizli misi sin jileŋ jileŋhey ati buy ngi ɓimujuwahay na vurˀeŋ. Ki sa kiɗaka mekelemeye vagay vagay, kisa diraka numuŋhoy avu dum mizliraŋ, mekelemeye, kisa sliɗaka taŋ ar hay ngi dira dibiɗ kumoy, yo kisa ɓulaka taŋ vur walahay vur walahay gar,

Slu cuw 31:11

ti Israyeley masa soko gar nga mbuŋ Bumbulvuŋ na, kisa slufaka ɓimuɗuva hana ti gidaŋ a mbuŋ taŋ gar, ɓa a cinam.

MIGI KIITAHAY 20:1

Israyeley gar a cikilam a Mispa a mbuŋ Bumbulvuŋ, ˀay purla. A soko tika tika gar, zle a Daŋ tir vay muŋ, hã a Berseba tir vay ruwuy waɗ ti ruwuy Galaˀat tisi pas ngi mipriki.

MIGI KIITAHAY 20:8

Mizli gar a slikiɗam, a ɓam ˀay purla: «Ko mbur pal masa mi ng'ar guɗuk naŋ malla ngi hay naŋ anta asi ndra ta.