NEHEMI 7:70 - Bible en langue guiziga

⁷⁰ Mizli mekelemey a wuzla buy ngi hayay mitaˀ taˀa, a vulam gwatay ngi gi slra ngi ndira hay ngi Buymisemuŋ, ɓiri tapasl tapasl durmuk kukur cuw, waɗ ɓiri bara durmuk cuw ti skat skat cuw.

NEHEMI 7:70 ပူးပေါင်းရင်းမြစ်များ

BUYOY MUDUMBUŊ NAŊ 7:45

kisahay, peley waɗ sikiɗ ngi kuca lihey. Gwat tayna gar, Hiram a ɗiya taŋ angi hay ngi Bumbulvuŋ da buy Salomoŋ na. A ɗiya taŋ ti ɓiri gaza kuleɗ kuleɗe.

ƁI NGI HIN GAR MUDUMBUŊ NAŊ 28:17

A waŋ dudok ngi kuyer ngi zliga useˀey, dudok ngi kop ngi kuca lihey, gongoŋ ngi ɓiri tapasl tapasl pal naŋ, kisa ngi ɓiri tapasl tapasl ati ngi ɓiri gaza, vur slra taŋ vur slra taŋ.

ƁI NGI HINEY MUCUW NAŊ 4:11

A dirba Huram miɗiya kisahay, peley waɗ kop ngi kuca lihey na, kite a kiɗa mi ngi slra ngi gi da buy Salomoŋ ar hay ngi Bumbulvuŋ le gar. I slra misi ani hanayna:

ƁI NGI HINEY MUCUW NAŊ 4:8

A ɗiyam tabuloy kuruˀ, a ɗuvaka taŋ taˀ taˀ ar hay ngi Bumbulvuŋ, zlum ti hazum, zlum ti gula. A ɗiyam kopoy skat ti ɓiri tapasl tapasl ngi kuca li.

NEHEMI 10:1

Vur ɓi ngi gwat tayna gar mindiloko avu ndra Israyeley na, i jumom ˀay kuy kuy wãˀ, waɗ toh toh ɓi nah ti tuh ar ɗerewol. Buy ndrahay, mizli madiɗa ndrahay ati levi ndrahay waɗ masay ndraˀahaya, a tohoko slimiɗ taŋhaya toh toh waɗ haŋ taŋ taˀ taˀ anga.

NEHEMI 7:65

Buy miwi li a ɓa taŋ, ɗaf ngi mikuli mipal wãˀ da Buymisemuŋ na, anja taŋ a zumam ta, hã masay mujuwa le a mevele ngi mucufuɗa Buymisemuŋ ti Urim ati tumim ɗagay far.

NEHEMI 7:69

Mizli cah a wuzla buy ngi hayay, a vulam gwat ngi gi slra ngi ndira hay ngi Buymisemuŋ. Buy miwi li a vul ng'ar sunduruk ngir hay Buymisemuŋ, ɓiri tapasl tapasl durmuk, sikiɗ ngi pusla mbaazla ngi mezegweley kukur zlum, zana ngi masayay skat skat zlum ti kukur makir.

NEHEMI 7:71

Yo mizli mekelemey gar muvulama kwana, a gi le: ɓiri tapasl tapasl durmuk kukur cuw, ɓiri bara durmuk cuw waɗ zana ngi masayay kukur merkeɗ nga tarnaˀ.

NEHEMI 8:9

Akẽh na, Nehemi, mbur miwi li ati Masay Esdras misina toho gwata waɗ Levihey maɓaka pulaˀvra ngi Ɓimujuwa da mizli gar na, a ɓaka taŋ: «Hin misenna i hin ngi Bumbulvuŋ, Buymisemuŋ kum. Anja ki likam ta, yo ki tuwam ta!» Asi mike na, mizli gar macinaka mingiɓi ngir Ɓimujuwa tuwa na, a roko tuwam zleˀe.

BI NGI ISRAYELEY 12:22

Ki sa wuɗam kalaf ngi izop dar haŋ, kisa caka yop ar pumbus misi ti gandaf tuwa, dar kisa puyaka da dum ngi miviŋ vay muŋ waɗ tika tika. Zle ar nah na, ko mbur a bo avra ta hã li wun.

BI NGI ISRAYELEY 24:6

Moyis a wuɗ reta ngi pumbus ngi gineweye, a pa taŋ ar sikiɗey, a kuca li gi mikuli ti is ngi pumbus tuwa.

ZEREMI 52:19

Yo kisahay, gandaf ngi urdihey, sikiɗ ngi kuca lihey, misirgaɗay, li ɗuva lampehey, kop ngi yamay waɗ ziri taasa ngi gi mezegweley, miga taŋ cek ti ɓiri tapasl tapasl ati ɓiri bara na, madiɗa ngi mijigina buyoy a hila taŋ le ma.