NEHEMI 6:9 - Bible en langue guiziga

⁹ Asi mike na, mizli tayna gar a wuɗam na, ɓa a gam ndra zluwun, vur a ɓam ti kwacay taŋ na: «Naɓa a sa pulam haŋ kwalal avu slra, ɓa slra taŋ anta sa kiɗ mi mata wãˀ!» «Haˀaw Buymisemuŋ, vuliy gidaŋ ar slra misenna takwa!»

NEHEMI 6:9 ပူးပေါင်းရင်းမြစ်များ

ƁI NGI HINEY MUCUW NAŊ 15:7

Amma kumo, cicam gidaŋ gidaŋ, ki hĩhĩyam ta, asi kisa lumam migir asi slra kumo!»

ƁI NGI HINEY MUCUW NAŊ 32:18

Gawla ngi Senakeripey tuwa, a tilam mi ti gidaŋ ti mi heber da mizli Zeruzalemey misi ar mohol tuwa, ɓa a jijikam, yo ɓa a gaka taŋ zluwun, kanah na, ɓa a tiɓaka walahaya ti tuwaˀ ta.

ESDRAS 1:6

Dar midigwi taŋhay gar, a jinaka taŋ haɗi, a vulaka taŋ gwat ngi ɓiri bara ati ngi ɓiri tapasl tapaslay, zlili mekelemey, ginew, gwat mupuɗaw puɗaway waɗ gwat muvula ngi mongoy taŋhaya gar.

NEHEMI 6:14

Aw Buymisemuŋ ɗu, Tobiya ati Sanebalata, gwat taŋ migaka, yo Noˀadiya, ngwas mijiviɗ ati mijiviɗ mekelemey gar mawuɗam ɓa a gikiy zluwun na, ka ɓi nah ɓaˀ a slimiɗe.

DIMISEY 138:3

Ya muziluw na, ki ziliy mi le, ki tusiy didaka le, yo ki vuliy gidaŋ le ma.

DIMISEY 56:3

Vur hin gar na, mijiɗa vuhoy ara gidiɗikiy, amma a muŋ kẽh, zigiduw taˀ, ara kiɗam vu asi ya.

DIMISEY 68:35

Misi gidaŋ i Buymisemuŋ, tilam di mi, i buy madiɗa ngi Israyel, yo gidaŋ naŋ, naŋ a muŋ ar gazlavay.

DIMISEY 71:1

Bumbulvuŋ, ki li ɗum ɗu, ki puliy mesem mesem ta.

EZAYI 40:29

A vula gidaŋ da mbur hĩhĩy, a tiri wirwir ti mbur migir le kupuyah wãˀa.

EZAYI 41:10

Ki zluwunam ta, asi y'ada avu kum, ki puram a ciki kumo ti zluwun ta, asi yi Buymisemuŋ kum. Yi tiri ti kum gboŋgboŋ, naŋ kanah, i ra jiniˀis asi kum. Gisiŋ, i ra jiniˀis asi kumo ti gidaŋ ɗu ngi luuma bugawla na.

ZEREMI 38:4

Mizli madiɗa ngi slra ngi buyoy a ɓaka buyo na: «Anja mbur hana i ngi kiɗ vagay, asi ara huruɓo sojehey ati mizli gar ti mingiɓi naŋ na. Asi a wuɗ nga naŋ i cifi zuy ngi walahay ta, amma ɓa walahay a ndir ar bonoy.»

EZEKIYEL 30:24

I sa vula gidaŋ da buy madiɗa ngi Babiloŋ, i sa vulaŋ maslalam ɗu kaw asi haŋ. I sa ngila haŋ ngi buy madiɗa ngi Ezipte, a sa niˀic, niˀic ngi mbur mulum waˀa le ngi mucu.

ZAKARI 10:12

Mizli ɗuwoy a sa pulaka vu taŋ da ya Bumbulvuŋ, a sa laˀam ti zila zlimiɗ ɗu. I ya Bumbulvuŋ maɓi.

KORENTIHEY MUCUW NAŊ 12:9

Amma a mbiɗiy di na: «Gi mezle ɗu, naŋ muk ti ka si. Gidaŋ ɗu a gi slra mbar vu wãˀ angi mbur mihĩhĩy le.» Vurˀe, yi huhum vu dum le asi hĩhĩy ɗu, ɓa gidaŋ ngi Kristu a ndir ar ya.

EFESEY 3:16

I ra tumbulo Buymisemuŋ misi ti dudok mihaɗi na, anja ɓa tiri ti kum gboŋgboŋ ti gidaŋ ngi ˀUf naŋ, ɓa mbur ngi hur kum a lum gidaŋ.

EFESEY 6:10

Wurenna, mindir na, juwam vu gidaŋ gidaŋ ar kum mujom ati Bumbulvuŋ, gam solok ti gidaŋ naŋ mihaɗi na.

FILIPIHEY 4:13

Ko mike gar na, i ɓusa gu, asi Kristu matiri ti ya gidaŋ gidaŋ.

HEBEREY 12:12

Haŋ kum milaway laway ati poprok kum migalaɓ galaɓay na, cicaka taŋ gidaŋ gidaŋ so.

PIYER MUDUMBUŊ NAŊ 5:10

Amma a dirba kum musam bonoy le ngi hin neˀ na, Buymisemuŋ magi mezle gar, muzulukum ɓa ki lumam dudok naŋ, dudok misi hã ngi sete, ar kum mujom ati Kristu na, naŋ ti haŋ naŋ, a sa ɗiyukum ar li kumo, a sa cucukum zlak, a sa tiri ti kum gidaŋ gidaŋ, yo a sa cucukum, ko gwat makiruhukum anta wãˀ.

SAMUYEL MUDUMBUŊ NAŊ 30:6

Yo Davite, ara lik haɗa haɗa, asi mizli ara ɓam ɓa a kuypakaŋ. Mbur gar na, ara lik ti wulka ziri naŋ mizilehey ati mongosohoyo. Amma Davit a lum gidaŋ le, mbele Bumbulvuŋ Buymisemuŋ, naŋ.