NEHEMI 5:9 - Bible en langue guiziga

⁹ Dar yi ɓa taŋ ava ma: «Gwat kum magaka na, i mezle ta. A zlir anja i gaka gwata ti zluwun ti Buymisemuŋ ndra a mevele, ɓa i tikaka mesene ndra, sukwi mekelemey mapam ndra mesem na takwa?

NEHEMI 5:9 ပူးပေါင်းရင်းမြစ်များ

ZLI VIRZI 20:11

Abraham a mbiɗaŋ di: «I ɓi ti kwacay ɗu zleˀe na: zluwun ti Buymisemuŋ anta neˀ asi ruwuy hana ta, ani a sa kiɗikiy asi ngwas ɗu kwani.

ZLI VIRZI 42:18

Angi hin mimakir naŋ na, Zozef a ɓa taŋ: «Puraka gwat kum masa gaka ngi laha hutuŋ kum ani. Yi mbur mazluwun ti Buymisemuŋ.

SAMUYEL MUCUW NAŊ 12:14

Ani ar ɓi ka miga hana na, ki gi malambaˀ le haɗa kuyta wãˀ avu Bumbulvuŋ. Amma na, mangal muyukuw di na, naŋ a sa muc ɓula.»

NEHEMI 4:4

Amma mizli Yudehey a ɓam na: «Ndra migi slraˀahaya, gidaŋ ndra ara tiki, asi lagwada haɗa teˀe. Na, ndr' anta sa kiɗaka mi ngi ndira mohol vuna gu ta.»

NEHEMI 5:10

Ya vuna hirnga ɗu, muy ɗuwoy ati gawla ɗuwoyo i vulaka taŋ dala ati alkamari vuna le ngi duvuso ta wal kwa? Vurˀe, ndr'anta sa cufuɗaka ɓa a wurkam ndra di vuna mata.

NEHEMI 5:15

Buy miwi lihey dumbuŋ ar ya na, a guzuvuraka sukwi Yudeheye le. Mbak suloy kukur mufaɗ taŋ mawurkaka na le ma na, hin gar na, a cufuɗaka taŋ ɓa a vulaka taŋ gwat ngi zum ati gwat ngi si ma gar. Ko gawla taŋhay kwana, a zumam buy le ar sukwi Yudeheye. Amma ya, yi ga kaɓa taŋ na ta, asi yi ra zluwun ti Buymisemuŋ.

DIMISEY 90:11

Ji mevel ɗike, mbur masina gidaŋ naŋ gu i waka? Da mbur ara cunuw mi haɗa na, a si na ji mevel ɗike.

MIKUCUWULOY 16:29

Mbur misi moˀore a tikina cil naŋ, ɓa aru di ng'ar jiviɗ malambaˀa.

MIKUCUWULOY 17:26

Kuta mbur mijeŋŋe ti bonoy na, i gwat mukuyta wãˀ, kiɗa mizli madiɗahay kwana, i ngila ɓimujuwa mitaˀ gara.

MIKUCUWULOY 18:5

Angi kiita, ɗiya ɓi ngi mbur misi moˀore, ɓa ngi ziza mbur mijeŋŋe na, naŋ kuy ta.

MIKUCUWULOY 19:2

May gwat manja wuluk kuy kuy na, gwat mezle anta ara ta. kil katakata a lum ɓi.

MIKUCUWULOY 24:23

Ɓi misi ani na, a so ti vu mbur misi sinmijileŋ vuna ma. Kiita a jini muy ta.

EZEKIYEL 36:20

Mizli ɗuwoy miram a wuzla sukwi mekelemey tuwa na, a hiryaka slimiɗ ɗu mipala le a diga. Asi mike na, mizli a ɓam a diga vur taŋ: ‹I mizli ngi Bumbulvuŋhay ngbaŋ, amma taŋ asi ruwuy nga naŋ ta.›

LEVIHEY 25:36

Duvus ngi yam, ko ti jiviɗ wanaka gar na, ki vulakaŋ ta. Kum mazluwunam ti ya Buymisemuŋ kumo na, naŋ kahana, yo ɓa sukum kum a ngir a ciki kum aya.

SLRA 9:31

Cikil ngi misikristuhoy misi angi hirwuy Yude, Galile ati Samari gar na, a roko zuy zuy, ara lumam gidaŋ, ara hinam hirnga a mbuŋ Bumbulvuŋ, mbele ˀUf Mipal majina taŋ, yo ara sikam nga mbuŋ nga mbuŋ.

ROMAHAY 2:24

Vurˀe, a tohoko na: «Mizli mekelemey mazaka Buymisemuŋ na, vur kum mizli duniyahay vuna.»

TIMOTE MUDUMBUŊ NAŊ 5:14

Yi wuɗ na, anja wudiga ziri ziri aruŋ na, a zuɓam ziley a muŋ, a yam ziri, a jaka hay taŋhaya, ɓa mizli maziram ti ndra ta na, a lumam ɓi ngi cikisl a hirnga ndra ta.

Ɗerewol TIT 2:5

A gam wuya ta, a cam ar dili ta, a jaka hay taŋhaya kuy kuy, a gam mezle, a cinaka mi da zil taŋhaya, ɓa ko mizli a zaka ɓi ngi Buymisemuŋ ta.

PIYER MUDUMBUŊ NAŊ 2:12

Sey ki cifam ti gi gwat mezle a wuzla mizli ngi duniyahaya, da ko ara kupukum ɓi, a ɓukum, kum i migi malambaˀhay tekeɗe kwana, tapas Buymisemuŋ masa so na, ɓa a sa puraka gi gwat kum mezle tuwa, yo a sa hunumaka Buymisemuŋ.

SAMUYEL MUDUMBUŊ NAŊ 2:24

Ki gaka mata ziri ɗuwoy. ƁI ya macina maslufaka a wuzla mizli ngi Buymisemuŋhoy na, naŋ kuyta wãˀ.