NEHEMI 5:7 - Bible en langue guiziga

⁷ Yi juwa a mevel ɗu, ɓa i mbiɗa hirnga da mizli madiɗa ngi buyoy ati migi kiitahay vuna, dar yi ɓa taŋ na: «Ki vulam hana i jijir da mizli ar wala kum tehhe!» A dirba nah, i zila taŋ, dar i gam kus madiɗa.

NEHEMI 5:7 ပူးပေါင်းရင်းမြစ်များ

DIMISEY 109:11

Anja mbur muvulaŋ duvus ngi hataka, a hila zlili naŋ slar slar wãˀ, anja mulakay a tiɓaka gwat naŋ maluma gar.

DIMISEY 27:8

Ki ɓi le: «Mbuɗoko hiri ng'avi ya.» I ra wuluk araŋ. Naŋ kine Bumbulvuŋ, i ra mbiɗa hiri ng'avi ka.

DIMISEY 4:4

Sinaka sin le, Bumbulvuŋ a gwaha mbur naŋ miteŋteŋ le gwah pal. Da ya mira zila Bumbulvuŋ na, a ciniy di.

DIMISEY 94:16

Aw, masa cik vu angi ya avu mizli misi moˀore tayna i wa ska? Masa jiniˀis asi ya avu mizli malambaˀ tayna i waka?

BI NGI ISRAYELEY 22:24

Da ki vulam duvus le da mbur misi murga a wuzla kum na, anja ki gam di kaɓa muvula duvus ngi yamay na ta, ki tikakaŋ ˀay ɓa a vul yam ara ta.

BI NGI ISRAYELEY 22:25

Da mbur a jukukum godo naŋ le na, makaŋ di manja pas a diɗi.

MIKUCUWULOY 27:5

Zuwen mbur mambuɗuw hirnga bidas, a funa ngama manja si na kwacay naŋ na le.

MIKUCUWULOY 28:4

Mizli mupulaka ɓimujuwa le na, a ngilam wuy ti mbur misi moˀore, amma mizli majaka ɓimujuwa a hirnga na, a tikaka moˀore naŋ na.

EZEKIYEL 22:12

Asi hirwuy ɗike, a wurkaka mburo, ɓa ara kiɗ hirnga. Mbur a didiɗ gwat ɓa a sa mo di ti yam anga haɗa. Ki zuma gwat ngi cil ɗike ti gidaŋ, amma ya, ki puyuk hirnga le ti ya. I ya Bumbulvuŋ, Buymisemuŋ maɓi.

EZEKIYEL 45:9

Ya Bumbulvuŋ Buymisemuŋ i ɓi na: «Kum buy Israyeley, kayya ɓi kum a mbiy kwacay le muduba! Pulaka gi moˀore ati hila gwat ngi mizli ti gidaŋ na, gam gwat mikaslsla ati gwat mijeŋŋe, ki tiɓaka gwat ngi mizli ɗuwoyo mata. I ya Bumbulvuŋ Buymisemuŋ maɓi!

LEVIHEY 19:15

Gaka kiita kumoyo ti jiviɗ naŋ kasl kasl: ki jinaka mbur hĩhĩy vur naŋ i hĩhĩy si ta, yo mbur madiɗa kwana, ki ram ti mi aseˀeŋ vur naŋ i mbur madiɗa si ta. Amma, mizli ngisi ruwuy purla ati kum na, gaka taŋ kiita ti jiviɗ naŋ kasl kasl.

LEVIHEY 25:36

Duvus ngi yam, ko ti jiviɗ wanaka gar na, ki vulakaŋ ta. Kum mazluwunam ti ya Buymisemuŋ kumo na, naŋ kahana, yo ɓa sukum kum a ngir a ciki kum aya.

Matiye 18:17

Amma da a ngum tiɓa ɓi taŋ ta ma na, ɓa ɓi nah da Cikil ngi misikristuhoy. Da a ngum tiɓa ɓi ngi Cikil ngi misikristuhoyo ta ma na, anja ki pura kaɓa i mbur duniya malla ka micikila buutu.

KORENTIHEY MUCUW NAŊ 5:16

Vurˀe, zle dana, ko ndr'anta sa puram mbur avu deŋ ngi vu ngi mburo mata. Ko da i sinaka Kristu le zleˀe avu deŋ ngi vu ngi mbur tekeɗe kwana, wurenna ndr'anta sinaka kanah mata.

GALATAY 2:11

Ti Piyer mindilo a Antiyos na, yi mbiɗaŋ hirnga daˀ a mbuŋ mizli, asi a zluɓ ɓi le.

TIMOTE MUDUMBUŊ NAŊ 5:20

Mizli magam mungra na, anja ki mbiɗa taŋ hirnga a mihiri ngi mizli gar, ɓa mekelemey a zluwunam ngi gi nah.

Ɗerewol TIT 2:15

Sey ki ɓi kahana, ki vula gidaŋ da mizli, yo ki mbiɗa taŋ hirnga ti gidaŋ, kaɓa mbur madiɗa. Anja ki pula mbur a hirsuw ta.