NEHEMI 5:2 - Bible en langue guiziga

² Mekelemey a ɓam na: «Ani ndra vuna ati ziri ndra mizilehey waɗ mongosohoyo i gam le ndra haɗa. Anja i wuɗam alkamari, ɓa i zumam, i ngiram.»

NEHEMI 5:2 ပူးပေါင်းရင်းမြစ်များ

ZLI VIRZI 41:57

Mizli a soko ti ngi hirwuy gar nga hiɗika daw avu Zozef a Ezipte, asi may ara bul vu ar duniya keɗeɗe.

ZLI VIRZI 42:2

Yi cine na, daw ada a Ezipte, ara hiɗikoko ndra di a diga, ɓa i ngiram, i micam ta.

ZLI VIRZI 43:8

Dar Zuda a ɓa cine naŋ Izrayel na: «Pula mangala aru asi ya. Da i wuɗam le ɓa i micam ta, i ndiram ti siifa, ka, ndra ati ziri ndraˀahaya. Pula ndra, ndr'i ram.

ZLI VIRZI 47:19

Anja mbak i micam a mihiri ɗike si sukwa? Da ndr' anta na, guva ndrahay a ndiram ngatara lambaˀ. Hiɗika ndra jom ati guva ndraˀahaya ti gwat ngi zum, ɓa i gam gawla ngi buy madiɗa ngi Ezipte. Vula ndra hilfa daw, ɓa i ngiram, i micam ta, ɓa guva ndrahay a ndiram ngatara lambaˀ ta.»

BUYOY MUCUW NAŊ 4:1

Ngi hin numuŋ ada na, ngwas wudiga a so ng'avu Elize. Zil naŋ zleˀe, naŋ ar jum ngi mijiviɗey. A tumbulo Elize, a ɓaŋ: «Zil ɗu, gawla ɗik a muc le. Ki si na le, zil ɗu zleˀe na, i mbur mazluwun ti Buymisemuŋ. Ani so na, mbur ada, i dindilam dala le ava zleˀe, a so le, a wuɗ ɓa a hila ziri ɗu mizilehey mucuw na, ɓa a tiri taŋ bekehey.»

NEHEMI 5:3

Mizli mekelemey a ɓam ma na: «Guva ndrahay ati gudubun ndrahay waɗ hay ndraˀahaya, zuwen i jikaka taŋ ɓa i lumam alkamari ngi sa zum ti hin ngi may.»

Ɗerewol AZE 1:6

Ki zligam gwat le haɗa, amma ki gam sifi ngi gwata keɗece, ki ra zumam, amma kum anta mbam ta, ki ra sam, amma anta pusukukum vu pusak ta, ki ra kam zana, amma anta gukum gippe ta, yo migir ngi mbur migi slra, a pi zuk kaɓa tir gabal misi mifiliw.

MALASI 2:2

Da kum anta cinam ta, yo da kum anta tiɓaka a mevel kumo ngi cikikiy hirnga ta na, i sa nisukum, yo ya muɗuwulukum mi zleˀe na, i sa tiri di nis. Naŋ kanah, i sa tiri di nis na, asi a wuzla kumo, ko mbur purla matiɓa ɓi nah a mevele, anta.

Slu cuw 23:19

Ɓa ngi ji mi ar hay ngi Bumbulvuŋ Buymisemuŋ kumo na, ko ki ram ti dala miluma ti gi madama malla dala mihiɗikam di kiri ta, asi taŋ cuw taŋ i gwat malambaˀ muwãˀhay a mbuŋ Bumbulvuŋ.