NEHEMI 4:8 - Bible en langue guiziga

⁸ A dirba ya muɗumburo li ɗumbur ɗumbur na, joˀ yi ɓa mizli madiɗa ngi buyoy ati migi kiitahay waɗ mizli mekelemey gara: «Anja ki zluwunam ti taŋ ta. Wulkam keŋ ayɗi! Buymisemuŋ i madiɗa, yo a gi zluwun da mbur. Kum cikam vu vur sukum kumoy, ziri kum mizilehey ati mongosohoyo yo vur ngwas kumoy waɗ vur hay kumoyo.»

NEHEMI 4:8 ပူးပေါင်းရင်းမြစ်များ

SAMUYEL MUCUW NAŊ 10:12

Cici gidaŋ gidaŋ, yo bugukum di ndr'i gambarahay da mizli ndrahay waɗ da walahay ngi Bumbulvuŋ ndraˀahaya, yo anja Buymisemuŋ a gi gwat maciraŋ hiri.»

ƁI NGI HINEY MUCUW NAŊ 32:7

«Cicam gidaŋ gidaŋ, gambara gambara! Ki zluwunam ta, ki jijikam kirkir a mbuŋ buy Asiri waɗ a mbuŋ zigiduw muˀurnok ˀurnok misi aseˀe na ta. Asi mike na, misi gidaŋ mifineˀ misi nga naŋ na ada avu ndra:

NEHEMI 1:5

Yi ɓaŋ: «Aw Bumbulvuŋ, Buymisemuŋ ngir birngiŋ, ki Buymisemuŋ madiɗa, yo ki Buymisemuŋ magi zluwun da mburu. Mizli mawuɗokuw, yo majaka ɓimuɗuva ɗikey a hirnga na, ka Buymisemuŋ, ki ro ti jumoˀay ati taŋ, yo k'ada teŋteŋ avu taŋ.

NEHEMI 4:7

Akẽh na, yi lum li mikutik a ruwuy ti duba moholo, waɗ i hil mizli vur muy vur muy, i pa taŋ sek anga. Taŋ ti maslalam taŋhay ati ziwit taŋhay waɗ lek taŋhaya.

ZEREMI 20:10

I ra cine mizli haɗi maɓam ɓi malambaˀ ar ya na, a cikiy slimiɗe: ‹Zluwun ɓaˀ li›. Mekelemey a ɓam: ‹Njikakaŋ!› ‹Haˀaw, njukukum di!› Ko yeme ɗuwoy gar kwana, ara jiɗikiy, da i sluw mi kwana, a ɓam: «Naŋ mbur miteˀteˀ na, asinta, a sa gi gilaw kwana, naɓa i lumam bugawla le, yo i pulaka bol ndra le muduba.»

DANIYEL 9:25

Sina sin le, yo sla wala nah, mingiɓi mubo ɓa mizli mijahay a moko, yo waɗ ngi ndira walahay Zeruzalem hiri naŋ a muŋ, ɓa hã buy mipaŋ mal ngi vula slra a bo na, naɓa vihey ada tarnaˀ tarnaˀ makaw tarnaˀ. Ar vihey tarnaˀ tarnaˀ makaw kukur merkeɗ ngaˀ cuw na, a sa ndiraka walahay ati mohol naŋhaya a muŋ, amma a sa gi i hin mutuwaˀ.

Slu cuw 1:29

Yi mbuɗukum di: «Ki jijikam ta, ki zluwunam ta!