NEHEMI 3:5 - Bible en langue guiziga

⁵ A ciki taŋ kwana, magam slra i mizli Tekoˀahay, amma so na, mizli madiɗa taŋhay a ngumam hina hirnga a mbuŋ buy taŋhaya ta.

NEHEMI 3:5 ပူးပေါင်းရင်းမြစ်များ

SAMUYEL MUCUW NAŊ 14:2

Ngwas ada a Tekoˀa, i ngwas misi sin teˀe, Zoˀap a slin ara ziloko di. Zoˀap a ɓaŋ na: «Gi kaɓa ki wudiga. Ki zana ngi vagay. Ki pi urdi avu vu ta ɓula. Wãˀ naŋ na, gi kaɓa ki ngwas muro zlezle ar vagay ngi mburu.

ƁI NGI HINEY MUCUW NAŊ 11:6

A ndira Betelyem, Etam, Tekoˀa,

NEHEMI 3:27

A dirba naŋ, magam slra ar li micah vay mekeleme, i mizli ngi ruwuy Tekwahay, zle avu li misi hiri taˀ avu mucoŋ coŋ ngi hay musubur, hã sesẽŋ avu mohol ngi Ofel.

NEHEMI 3:4

A ciki taŋ akẽh, magam slra i ti Meremot mangal ngi Uriya, dideˀ ngi Hakos, yo a ciki taŋ kwana, i ti Mesulam, mangal ngi Berekiya, dideˀ ngi Mesezabel, waɗ Sadok, mangal ngi Baˀana magam slra.

NEHEMI 3:6

Magam slra a mizlingre Yesana i ti Yoyada, mangal ngi Paseya, waɗ Mesulam, mangal ngi Besodiya. A juwaka marja naŋ, a caka palalam ngi miviŋhey ati magandaŋ naŋhaya, waɗ gwat ngi kilik naŋhaya.

ZEREMI 27:12

Sedekiyas, buy Zuda, ya Zeremi tuwa i ɓaŋ ɓi misi purla misi ani na: «Ka ati mizli ɗikeye, luwaka galalaŋ ngi buy madiɗa ngi Babiloŋ asi ˀay kumo, gam gawla naŋhay waɗ ngi mizli naŋhaya ma, ɓa kisa ndiram ti siifa.

ZEREMI 27:2

«Ya Bumbulvuŋ i ɓuw na: Ɗiyi galalaŋ ti zeweɗey ava, luwa taŋ law asi ˀay ɗike.

ZEREMI 27:8

«Sukwi malla zumabuy masa ngum ngi cine mi da Nabukodonozor, buy madiɗa ngi Babiloŋ ta, yo masa mungum ɓa aka kaŋ galalaŋ ngi buy madiɗa ngi Babiloŋ asi ˀay naŋ ta na, i sa gaŋ kiita ti kiɗ ti maslalam, ti may waɗ ti jiji mozorbono, hã ya muvula taŋ le gar asi haŋ naŋ, ɓa a ngizla taŋ kuɗup wãˀ. I ya Bumbulvuŋ maɓi.

ZEREMI 6:1

Mizli ngi Benjameŋhey, bam tir walahay Zeruzalem avra, ɓa ki ra sipam li ɗum ar li mekelem. Fam tulum a Tekˀa, ng'aka drapo kaˀ a Bet-kereme, asi hiryi, mendere madiɗa, ara ndilo kum tisi diˀis vay muŋ.

AMOS 1:1

Ɗerewol hana, a ɓi di i ɓi ngi Amos mbur misi ginewey a ruwuy Tekoˀa. A ndir vi cuw ɓa ruwuy a jijik na, Buymisemuŋ a ɓaŋ ɓi vur zumabuy ngi Israyel, a ɓaŋ hirak ti Oziyas ma zum buy a ruwuy Zuda, yo Zeroboˀam mangal ngi Yoˀas i buy angi hirwuy Israyel.

Matiye 11:29

Juwaka galalaŋ ɗu avu ˀay, dubunam gwat avu ya, vur yi mbur miteˀteˀ, mihina hirnga a mevele, kisa muskam vu gisiŋ.

SLRA 15:10

Wurenna so na, ki wuɗam ki tikaka ˀay da mitiɓiheye ti galalaŋ mududok, ko dideˀ ndrahay, ko ndra vuna, i zuɓaka gu ɗaˀ ta. Na, Ki wuɗam jigina mi avu Buymisemuŋ ti gi kanah vur mike?

KORENTIHEY MUDUMBUŊ 1:26

Sukum ɗuwoy, puraka ɗi, kum Buymisemuŋ muzulukum na, kum i waniyka? Avi mizli mapuraka na, misi ti sinmijileŋhey, migidaŋhay, malla ko miyaka taŋ ar hay madiɗahay anta haɗa a wuzla kumo ta.

MIGI KIITAHAY 5:23

Modro ngi Bumbulvuŋ a ɓi na, nisaka walahay Meroso, nisaka mizli ngi raˀahaya, asi a kiloko widi ngi Bumbulvuŋ ta, a kiloko widi ngi Bumbulvuŋ ati bugawlahaya ta.