NEHEMI 2:8 - Bible en langue guiziga

⁸ Waɗ ma na, ki vuliy letir ɓa i ru di da Asaf, mbur mijigina ɓuh ngi buyo. Ɓa anja a vuliy dum ngi ɗiya miviŋ ngi hay muguno ti mohol, migweˀ avu hay ngi Buymisemuŋ na, yo dum ngi ɗiya mohol ngi walahay ati ngi ɗiya hay ya masa cifi anga na ma.» Dar buy tuwa, a vuliy letireye so, asi mike na, Buymisemuŋ a ro ti haŋ naŋ bac ar ya.

NEHEMI 2:8 ပူးပေါင်းရင်းမြစ်များ

ZLI VIRZI 32:28

A cufuɗaŋ: «A zilukuw mbrike?» A mbiɗaŋ di: «A zilikiy Zakop.»

ESDRAS 5:5

Amma Buymisemuŋ a ro hiri taˀ avu mizli micawwa ngi Yudeheye, mizli tuwa, a cicaka taŋ slra ta, hã ara slufaka ɓi nah da buy Dariyuso, a mo taŋ mingiɓi naŋ toh toh ar ɗerewol.

ESDRAS 6:22

A gam hin tarnaˀ ti mumul ar li gi muguzlum ngi ɗaf manja ˀis ara. Asi mike na, Bumbulvuŋ a naha taŋ mevele le ti mumul, ti naŋ mimbiɗa mevel ngi buy Asiri, ɓa a pura taŋ ti hiri mezle, yo ɓa a vula taŋ gidaŋ ngi ndira hay ngi Buymisemuŋ, Buymisemuŋ ngi Israyel.

ESDRAS 6:8

Kum ati mizli micawwa ngi Yudeheye, i ɓukum le ɗaˀ ɗaˀ ani vur ndira hay ngi Buymisemuŋ: zlili ngi buy, mizli vay si pas ngi pastaˀahay masa wurkoko buutu taŋ na, dala ngi vul da mizli ngi gi slra nah gar na, a sa hilam daˀ ara vuna si, ɓa slra a gi kasl kasl, manja zluɓ, mangal ngi Amitayazluɓ.

ESDRAS 7:6

Esdrasa, Ɓimujuwa ngi Bumbulvuŋ, Buymisemuŋ ngi Israyel muvula da Moyis na, a si na le haɗa. Gwat Esdras mucufuɗ gar avu buyo na, a vulaŋ di, asi gidaŋ ngi Bumbulvuŋ Buymisemuŋ naŋ, naŋ da ati naŋ.

ESDRAS 7:9

Asi mike na, ar hin muɓulaˀ ngi kiya mudumbuŋ naŋ na, naŋ ti haŋ naŋ, a sla hin ngi slikiɗ taŋ a Babiloŋ. Ar hin muɓulaˀ ngi kiya muzlum naŋ na, a ndil a Zeruzaleme, asi Buymisemuŋ ara gaŋ mezle.

NEHEMI 7:2

Ar nah na, yi ɓi ɓa a cifaka sukum ɗu Hanani, ɓa i naŋ mawa Zeruzaleme. Yo hay muguno ti mohol, majiginam di walahaya, i Hananiya mawa naŋ ya. Asi mike na, Hananiya i mbur miteŋteŋ, a zluwun ti Buymisemuŋ fineˀ mizli mekelemey gar.

MIKUCUWULOY 21:1

Mevel ngi buyo, naŋ kaɓa mizaw asi haŋ ngi Bumbulvuŋ, a ngi di hirnga ng'ar li naŋ muwuɗ le gar.

TILA MI 2:5

i gi jarne ngi gwat memeɗehey le ati ngi widis ngi zumoy gar.

TILA MI 2:6

I nduɓ futuŋhoy le, ɓa ngi pa yam da widis memeɗehey aruŋ.

EZAYI 66:14

Ti hin nah na, kisa mumulom a mevel kumo, yo tesl ngi dumvu kum a sa gi selek, kaɓa giziŋ ti hin ngi vuŋ migi le. Ya Bumbulvuŋ i sa biga gidaŋ ɗu da gawla ɗuwoyo, amma mevel a sa jiy ar mesene ɗuwoyo.

DANIYEL 1:9

Buymisemuŋ a ga mezle da Daniyele, ɓa madiɗa ngi migi slrahay a tiɓa cufuɗ naŋ.

SLRA 26:22

Y'ada hã dana aruŋ na, mbele Buymisemuŋ majiginiy. Yi ra gi sedewo avu ziri ati mizli madiɗahay gar. Mijiviɗey ati Moyise, a ɓaka ɓi ngi gwat masa gi na le zleˀe si, y'anta ɓi ɓi mifineˀ nga taŋ na mata, asi a ɓam na:

SLRA 7:10

a bi di tir bonoy naŋhay gar. Joˀ a gaŋ mezleŋ, a vulaŋ sinmijileŋ a mbuŋ buy madiɗa ngi Ezipte. Buy Ezipte a cifa Zosefe i buy miwi li angi hirwuy Ezipte, yo ar hay naŋ gar.

KORENTIHEY MUCUW NAŊ 8:16

Sise da Buymisemuŋ miga ɓa Tite ndir wirwir vur kumo, kaɓa ndra miwirwir vur kum aya na.