NEHEMI 2:1 - Bible en langue guiziga

¹ Ɓi misenna a gi angi kiya Nisaŋ, angi vi mizli ngir cuw naŋ ngi zumabuy ngi Artakzerses, naɓa mbaazla a ro taˀ a mbuŋ buyo ngbaŋ. Akẽh na, yi zuɓa mbaazla tuwa, yi paŋ di. Yi ra liki, amma yi lik ɗaˀ zleˀe a mbuŋ buyo ta.

NEHEMI 2:1 ပူးပေါင်းရင်းမြစ်များ

ZLI VIRZI 40:11

Ya ti sikiɗ ngi buy madiɗa ngi Ezipte kaw a haŋ, i ngila yi ngi gudubun mulocok tuwa, i ɗuco ng'ar sikiɗ ngi buy madiɗa ngi Ezipte, dar i vulaŋ di a haŋ naŋ.»

ZLI VIRZI 40:21

A mi ti madiɗa ngi migi gwat ngi siheye ng'ar li naŋ a muŋ, ɓa a vulaŋ gwat ngi si a muŋ.

ESDRAS 4:7

Ti hin ngi Artakzerses mazum buy a Perse na, Biselam, Mitredat, Tabeˀel ati cil taŋhaya, a tohom ɗerewol da buy Artakzerses, buy Perse. A tohoko ti tuh ngi a ramihey, yo ti mi a rami vuna ma.

ESDRAS 7:1

A dirba gwat tayna migam na, naɓa mazum buy a Perse i Artakzerses. Esdras a so ti Babiloŋ. Esdras i mangal ngi Seraya, dideˀ ngi Azariya, ngi Hilkiya,

ESDRAS 7:7

Angi vi mitarnaˀ naŋ, Artakzerses mazum buy na, a wuzla Israyel, yo a wuzla masayay, levihey, mizli dimisey, mijigina mizlingrehey, waɗ gawla migi slra ngir hay ngi Buymisemuŋhoyo, mekelemey cah asi taŋ a ram nga Zeruzaleme.

NEHEMI 1:1

Hana i ɓi ati slra ngi Nehemi, mangal ngi Hakaliya. Angi kiya Kisilew ngi vi mizli ngir cuw ngi zumabuy ngi Artakzerses na, naɓa ya Nehemi, ya a Sus, walahay muguno ti mohol.

NEHEMI 1:11

Aw Bumbulvuŋ, jiko slimiɗ ɓa ki cine diradibiɗ nga ya gawla ɗike, waɗ ngi gawla ɗikey mahĩyãka zluwun ti ka na. Ga ɓa gwat ya mawuɗ i ga dana na, i ga gu, yo ga ɓa buy a puriy ircece takwa.» Ti di nah vuna, naɓa mavula gwat ngi si da buyo i ya.

ESTER 3:7

Ngi kiya muɓulaˀ naŋ, a mbiɗeˀvra, kiya mazilaka Nisaŋ, angi vi mukuruˀ nga cuw naŋ ngi zumabuy ngi Zerses na, mizli a gam ceregezleŋ mazilaka Purim mbuŋ Hama na,, ɓa ngi luuma hin mezle. A gaka vur hine vur hine, yo vur kiya vur kiya. Ceregezleŋ a diɗ ar kiya mukuruˀ nga cuw naŋ, a mbiɗeˀvra, kiya Adar.

DANIYEL 9:25

Sina sin le, yo sla wala nah, mingiɓi mubo ɓa mizli mijahay a moko, yo waɗ ngi ndira walahay Zeruzalem hiri naŋ a muŋ, ɓa hã buy mipaŋ mal ngi vula slra a bo na, naɓa vihey ada tarnaˀ tarnaˀ makaw tarnaˀ. Ar vihey tarnaˀ tarnaˀ makaw kukur merkeɗ ngaˀ cuw na, a sa ndiraka walahay ati mohol naŋhaya a muŋ, amma a sa gi i hin mutuwaˀ.