NEHEMI 10:1 - Bible en langue guiziga

¹ Vur ɓi ngi gwat tayna gar mindiloko avu ndra Israyeley na, i jumom ˀay kuy kuy wãˀ, waɗ toh toh ɓi nah ti tuh ar ɗerewol. Buy ndrahay, mizli madiɗa ndrahay ati levi ndrahay waɗ masay ndraˀahaya, a tohoko slimiɗ taŋhaya toh toh waɗ haŋ taŋ taˀ taˀ anga.

NEHEMI 10:1 ပူးပေါင်းရင်းမြစ်များ

BUYOY MUCUW NAŊ 23:3

Buyo a cici deŋ ar li miɗiya viriw a muŋ, a jum ˀay ati Buymisemuŋ daˀ akẽh. I jumoˀay matika ˀay da mbur ɓa a sipa Buymisemuŋ, ɓimujuwa naŋhaya ati ɓi ngi dubun naŋhay waɗ ɓimuɗuva naŋhaya gar na, ɓa mbur a ja taŋ a hirnga ti mevel purla, ti dumvu naŋ wãˀ, waɗ ti ga gwat mingiɓi ngi jumoˀay miɓa mutohoko angi ɗerewol misenna. Mizli gar a cam angi jumoˀay nah.

ESDRAS 10:3

Ɗiyukum ɓi ngi jumoˀay ati Buymisemuŋ ndra, vur ɓi ngi ɓula ngwas ndra mulakay ati ziri taŋhaya cek. I sipam di i mi ngi kuti ngi ɗik, ka kumani ɗu Esdras ati ngi mizli gar mazluwunam ti ɓimuɗuva ngi Buymisemuŋ ndra na. Sey i gaka kaɓa ɓimujuwa mawuɗo.

ESDRAS 2:63

Buy miwi li a ɓa taŋ anja a zumam gwat ngi mikuli mipal wãˀ na ta, hã masay a pura Urim ati Turime ɗagay far.

NEHEMI 1:1

Hana i ɓi ati slra ngi Nehemi, mangal ngi Hakaliya. Angi kiya Kisilew ngi vi mizli ngir cuw ngi zumabuy ngi Artakzerses na, naɓa ya Nehemi, ya a Sus, walahay muguno ti mohol.

NEHEMI 10:2

Ɗerewol muɗuva haŋ taˀ taˀ anga nah na, mizli misi slimiɗ taŋhay anga, t'ani: «Nehemi, mangal ngi Hakaliya, buy miwi li, Sedekiya,

NEHEMI 10:30

Mizli Israyel hanayna a vulaka jini taŋhaya da mizli madiɗa taŋ hanayna, yo a ɓam ɗaˀ ɗaˀ le ti hudum ɓa a sipaka Ɓimujuwa ngi Buymisemuŋ miɓa taŋ di ti balam Moyis gawla naŋ na. Yo ɓi Bumbulvuŋ Buymisemuŋ ndra miɓa ɗaˀ le, ɓimuɗuva naŋhay ati gwat naŋ mawuɗ gar na, a jaka taŋ a hirnga, yo a gam taŋ slra.

NEHEMI 7:65

Buy miwi li a ɓa taŋ, ɗaf ngi mikuli mipal wãˀ da Buymisemuŋ na, anja taŋ a zumam ta, hã masay mujuwa le a mevele ngi mucufuɗa Buymisemuŋ ti Urim ati tumim ɗagay far.

NEHEMI 7:70

Mizli mekelemey a wuzla buy ngi hayay mitaˀ taˀa, a vulam gwatay ngi gi slra ngi ndira hay ngi Buymisemuŋ, ɓiri tapasl tapasl durmuk kukur cuw, waɗ ɓiri bara durmuk cuw ti skat skat cuw.

NEHEMI 8:9

Akẽh na, Nehemi, mbur miwi li ati Masay Esdras misina toho gwata waɗ Levihey maɓaka pulaˀvra ngi Ɓimujuwa da mizli gar na, a ɓaka taŋ: «Hin misenna i hin ngi Bumbulvuŋ, Buymisemuŋ kum. Anja ki likam ta, yo ki tuwam ta!» Asi mike na, mizli gar macinaka mingiɓi ngir Ɓimujuwa tuwa na, a roko tuwam zleˀe.

BI NGI ISRAYELEY 24:4

Moyis a toho mingiɓi Bumbulvuŋ miɓaŋ taŋ na gar ti tuhu. Li naŋ muwun na, a slikiɗ cẽẽt, a ɗiyi li gi mikuli a sar muwã, a ngi ɗuguroy kuruˀ nga cuw, tiɗeˀe ar sukwi Israyel mukuruˀ nga cuw na ya.