NEHEMI 1:9 - Bible en langue guiziga

⁹ Amma da ki ra moko ng'avi ya, ɓimuɗuvahay, ki ra jaka taŋ a hirnga, ki ra gam taŋ slra na, naɓa ko da a hilaka mizli kumoyo le nga ruwuy mulak, a ram taŋ le nga ruwuy mira kiɗo mi tekede kwana, yi sa cikilo hirnga taŋ, i sa mo taŋ cummo ng'ar li ya muwuna, ɓa i ndir a diga na si.›

NEHEMI 1:9 ပူးပေါင်းရင်းမြစ်များ

BUYOY MUDUMBUŊ NAŊ 8:48

da a cufuɗam wereke le avu ka ti mevel purla waɗ ti membezleŋ ngi vu taŋ wãˀ, angi hirwuy ngi mesene taŋhay, taŋ mijahay anga tuwa, da ara diram dibiɗ, hiri pulaˀ pulaˀ ngir tivi hirwuy, ka muvula da dideˀ taŋhay, ngir tivi walahay ka muwunaˀ, yo ngir tivi Hay, ya mindira ngi zila slimiɗ ɗik ara tuwa na,

BUYOY MUDUMBUŊ NAŊ 9:3

Bumbulvuŋ a ɓaŋ: «Ka midir dibiɗ, yo ka mutumbuliy na, i cine le. Hay ka mindira hana na, i tiri di le pal, ɓa slimiɗ ɗu a zil anga, ngi caˀa. I sa ɗuva hiri ɗu ati mevel ɗu taˀ anga ndrehhe.

ƁI NGI HIN GAR MUDUMBUŊ NAŊ 16:35

Ɓam na: «Buymisemuŋ milih ndra, laha ndra, loho ndra tisi haŋ ngi mulakay, cikila ndra hirnga ar leˀe. Dar i sa tilam mi ti slimiɗ ngi ɗik Buymisemuŋ, ɓa i jijaham ti hunum ɗike.»

ESDRAS 6:12

Buy wanaka gar malla mizli wanahayka gar mingilaka ɓi hana le, yo muzuɓaka haŋ le ngi hirya hay ngi Buymisemuŋ hana a Zeruzaleme na, anja Buymisemuŋ mandir a diga na, a hizigiɗaŋ. I ya Dariyus miɓa ɓi hana ɗaˀ le, anja a gi kahana vuna si.»

DIMISEY 106:47

Bumbulvuŋ, Buymisemuŋ ndra, laha ndra, cikilo hirnga ndra ti wuzla sukwi mekelemeye. Akẽh so na, ndra masa hunumukuw na, i sa zilam di i slimiɗ ngi ɗik mipal na. Joˀ i sa jijaham ti hunum ɗike so.

DIMISEY 107:3

I mizli, naŋ mucukulo taŋ le tisi ruwuy zlar gar, tisi pas ngi miprik waɗ tisi pas ngi pastaˀa, tir vay muŋ waɗ tir vay ngi ruwuy.

DIMISEY 147:2

Bumbulvuŋ a ndira Zeruzaleme hiri naŋ a muŋ, a cukulo hirnga ngi Israyel muɓulahay i a muŋ.

EZAYI 11:12

A sa ngi gwat kaˀ da sukwi ngi mizli, ngi biga taŋ gwat naŋ masa ga, a sa jumo hirnga ngi mizli Israyele muɓulahaya, yo mizli Yudehey mizlaɗ a si gazlavay gar na, a sa kuso hirnga taŋ.

EZAYI 27:12

Ti hin nah na, Bumbulvuŋ a sa ɗugo gwat ngi sifi naŋ, zle a Efrat mizaw madiɗa hã sesẽŋ a mizaw Ezipte. Na kum ziri ngi Israyeley na, a sa jukum cesl cesl kaɓa magam holoko.

EZAYI 56:8

Ya Bumbulvuŋ Buymisemuŋ, micikilo hirnga ngi Israyel muɓulahaya, i ɓi ma: «I cikilo hirnga ngi mizli le si, i sa cikilo hirnga ngi mekelemey jom ng'avi taŋ ava ma.»

ZEREMI 12:15

Amma a dirba ya muɓula taŋ le vuna ma na, i sa pura taŋ ircece a muŋ, i sa mo ti mbur gar ng'ar li naŋ ng'ar li naŋ, nga ruwuy naŋ nga ruwuy naŋ.

ZEREMI 3:14

Kum ziri ngi mizli mupulaka sipa jiviɗi, moko. Asi buy ngi hay kumoy i ya: i zuɓ asi kumo purla ar walahay aka, cuw a wuzla muyoy a diga, ɓa i mi ti kum nga Siyoŋ.

ZEREMI 31:10

Kum sukwi mekelemey, cinaka ɓi ngi Bumbulvuŋ, tilam di mi ar matura mikileŋ kileŋhey, ɓam: «Mbur mizliɗa hirnga ngi Israyeley zlaɗ lambaˀ tuwa na, ara kuso hirnga taŋ a muŋ, ara jigina taŋ, kaɓa mijigin majigin ginew naŋhay.»

ZEREMI 32:37

i sa cikilo hirnga taŋ tisi ruwuy gar, ya mizliɗa taŋ hirnga mber mber nga diga ti mevel, waɗ ti himaˀ fõh fõh haɗa na. I sa mo taŋ nga diga, i sa cifa taŋ, a ndiram setete.

ZEREMI 6:22

Bumbulvuŋ a ɓi na: Mizli ara soko ti ruwuy vay muŋ, sukwi madiɗa muzuɓo jiviɗe, zle a mi vay ngi ruwuy mikiɗ mi.

EZEKIYEL 14:6

Vurˀe, ɓa Israyeleye: Bumbulvuŋ, Buymisemuŋ a ɓukum: Moko, mbiɗaka duba da kuli kumoyo. Mbuɗaka duba da gi gwat kum mukuy tahay wãˀ na.

EZEKIYEL 36:24

Naŋ kine, i sa bo ti kum ti wuzla sukwi ngi si ruwuy kum misi anga gar na, i sa kuso hirnga kumo, dar i sa mi ti kum nga hirwuy kum a muŋ.

LEVIHEY 26:3

Ɓimujuwa ɗuwoyo, da ki ra sipaka taŋ, ɓimuɗuva ɗuwoyo da ki ra jaka taŋ a hirnga, yo da ki ra gam taŋ slra na,

ZAKARI 8:7

Ya Bumbulvuŋ misi gidaŋ wãˀa, i ɓi na: Haˀaw, i sa loho mizli ɗuwoyo, tisi ruwuy ngi si pas ngi miprik ati ngi si pas ngi pastaˀa.

Matiye 24:31

Yo a sa slina modro naŋhay misi a muŋ, ɓa a faka tulum a mivay ngi ruwuy mufaɗ taŋ gar. A sa kusoko mizli naŋ muwuna taŋ angi duniya kuɗgulum gar.

Slu cuw 12:21

Amma da kaɓa li Bumbulvuŋ Buymisemuŋ kumo muwuna ngi biga vu naŋ, naŋ kileŋ avu kumo na, kisa jam ginew ngir gezleŋ kumoy: sla, tumuŋ, malla ˀaw Bumbulvuŋ Buymisemuŋ kumo muvulukum di le, kisa gaka ka ya muɓukum di ɗaˀ ɗaˀ le na. Dar kisa zumam ka kum mawuɗam, ar walahay kum tehhe.

Slu cuw 12:5

Ki sa ra huruk hurukam a mbuŋ Bumbulvuŋ, sey ar li naŋ masa wuna a wuzla sukwi kumoy, ɓa a ndir araŋ, yo ɓa a biga vu naŋ a diga.

Slu cuw 30:1

Moyis a ɓi: Ɓi ngi ɗuwula mi ati nis ya muɓukum taŋ gar na, a sa gam ar kumo, ti di Bumbulvuŋ mizliɗukum hirnga le suweˀ nga wuzla mizli mekelemey so na, naɓa kisa wulkaka gwat tayna.