NEHEMI 1:6 - Bible en langue guiziga

⁶ Anja ki jiko slimiɗ, yo ki ɗuvo hiri ng'ar ya, ɓa ki cine diradibiɗ nga ya gawla ɗike takwa! Wurenna, duvuɗ ti papas gar na, i ra dir dibiɗ a mbuŋ ɗike, vur gawla ɗik Israyeleye. Mungra, ndra Israyeley mugukuw di gar na, i ra njukuw di. Ya ati dideˀ ɗuwoyo i gam mungra le avu ka.

NEHEMI 1:6 ပူးပေါင်းရင်းမြစ်များ

BUYOY MUDUMBUŊ NAŊ 8:30

Ya maziluw, yo Israyel mizli ɗikey matumbulukuw hiri ta taˀ ng'ar li misenna na, ambuh, cine takwa! Bumbulvuŋ, cino diradibiɗ ndra zle a muŋ, ar li ka misi anga a diga na. Cina ndra di, yo pula mungra ndraˀahaya.

BUYOY MUDUMBUŊ NAŊ 8:47

taŋ misi ar hirwuy mijaka taŋ ng'ara tuwa, da taŋ misa wulkam le, a zlaka a tumbulukuw, a ɓam: ‹Aw, i gam mungra le, i zluɓam ɓi le, i gam malambaˀ le›,

ƁI NGI HINEY MUCUW NAŊ 28:10

Na wurenna, mizli Zuda ati Zeruzalem tayna, ki wuɗam ɓa ki gam taŋ beke waɗ gawla kumoy kini! Da kine na, naɓa ki gam di i mungra tehhe a muŋ avu Bumbulvuŋ Buymisemuŋ kumo takwa?

ƁI NGI HINEY MUCUW NAŊ 29:6

Asi dideˀ ndraˀahaya, a gam teŋteŋ avu Bumbulvuŋ Buymisemuŋ ndra ta, yo a gam malambaˀ le a mbuŋ naŋ: a pulakaŋ mbak, a ɗuvam hiri ng'ar hay ngi Bumbulvuŋ mata, yo a mbiɗakaŋ duba le,

ƁI NGI HINEY MUCUW NAŊ 6:40

«Aw Buymisemuŋ ɗu, wurenna, wuna hiri so, jika slimiɗ ngi cine diradibiɗ ya madira ar li misenna!

ESDRAS 10:1

Esdrasa, ti naŋ mira dir dibiɗ, yo naŋ mira njika mungra naŋhaya ti tuwuy, huruk a mbuŋ hay ngi Buymisemuŋ na, Israyeley hiɗim hiɗim, ziley, ngwasay, ziri, a sa kusom nga cikeˀe. Asi mizli Israyeley a roko tuwam kaɗam kaɗam.

ESDRAS 10:11

Wurenna, njikaka mungra kumoyo da Bumbulvuŋ, Buymisemuŋ ngi dideˀ kumoyo, yo gakaŋ gwat naŋ mawuɗo. Wunukam ati mizli ngi si ruwuy hana, waɗ ati ngwas kumoy, ziri mulakay na.»

NEHEMI 1:11

Aw Bumbulvuŋ, jiko slimiɗ ɓa ki cine diradibiɗ nga ya gawla ɗike, waɗ ngi gawla ɗikey mahĩyãka zluwun ti ka na. Ga ɓa gwat ya mawuɗ i ga dana na, i ga gu, yo ga ɓa buy a puriy ircece takwa.» Ti di nah vuna, naɓa mavula gwat ngi si da buyo i ya.

DIMISEY 102:17

Gwat hana gar na, a sa gi tapas Bumbulvuŋ misa ndira Siyoŋ, hiri naŋ le a muŋ, yo naŋ misa bugo vu le angi dudok naŋ,

DIMISEY 106:6

I gam mungra le kaɓa dideˀ ndrahay na ya, i ngizlam le avu jiviɗ ɗike, i zluɓaka le.

DIMISEY 130:2

Bumbulvuŋ ɗu, cine ya maziluw, yo ya matumbuluw na, jiko slimiɗ ɓa ki cine takwa.

DIMISEY 32:5

I njikuw mungra ɗu le, i ɗumo malambaˀ ɗu ta. I ɓi: «I njika mungra ɗu da Bumbulvuŋ.» Joˀ ka, ki zuɓa mungra ɗu mududok na avra.

DIMISEY 34:15

yo a jigina vu naŋ avu malambaˀa, a gi mezleŋ, a sipa jiviɗ ngi cifi zuy zuyo gǝr gǝr.

DIMISEY 55:17

Ya i zila Bumbulvuŋ, joˀ naŋ a sa lihiy.

DIMISEY 88:1

Dimis ngi wuzla dimis ngi mizli ngi sukwi ngi Kore. I mulumo di ar ɗerewol ngi buy dimis. I dimis ngi ndurɓo hiri. Mazla i Heman, mbur Ezra.

EZAYI 6:5

Dar yi ɓi: «Kay, ya ar bonoy! Yi zizi le, asi mi ɗu ya mazum, di gwata, i malambaˀa, ya a wuzla mizli misi mi taŋ i malambaˀ vuna ya. Ani Buy madiɗa, Bumbulvuŋ misi gidaŋ wãˀa, hiri ɗu a pura le.»

TUWUY 5:7

Miyi ndrahay a gam mungra le: t'anta mata, muzuɓaka zayɓi ngi malambaˀ taŋ i ndra.

DANIYEL 9:15

Na wurenna, Bumbulvuŋ Buymisemuŋ ndra, ka mubo ti sukwi ɗik ti ruwuy Ezipte ti gidaŋ ɗik na, slimiɗ ɗik a zil le ti di nah, kaɓa naŋ mazil dana ani na, amma ndr'i gam mungra le, i ziriɗaka mi ɗike le.

DANIYEL 9:20

I ra ɓi ɓi zleˀe aruŋ, i ra dir dibiɗ, i ra njika malambaˀ ɗuwoy ati ngi Israyel mizli ɗuwoy, i ra tumbulo Bumbulvuŋ Buymisemuŋ ɗu vur ɓi ngi muwã mipal nga naŋ Buymisemuŋ ɗu.

DANIYEL 9:4

I ra dir dibiɗ da Bumbulvuŋ Buymisemuŋ ɗu, i njikaŋ mungra ɗuwoyo, i ɓaŋ: «Aw Bumbulvuŋ ɗu! Ka ki Buymisemuŋ madiɗaŋ, yo magi zluwun da mbur. Mizli mawuɗam ɓimuɗuva ɗikey, yo majaka taŋ a hirnga na, ki ndir ti jumoˀay waɗ ka teŋteŋ avu taŋ.

DANIYEL 9:5

I gam mungra le, i gam gwat malambaˀ le. I gam moˀore le, i slikiɗam ɓi le, yo i mbuɗam duba le avu ɓimuɗuva ati ɓi miɗaˀ le ɗikeye.

DANIYEL 9:8

Bumbulvuŋ, ndra ati buy ndrahay, yarma ndrahay, dideˀ ndrahay na, mesem a hirnga ndra, asi i gam mungra le avu ka.

Ɓimezle ngi Yesu Kristu LUK mitil di mi 18:7

Na, mizli Buymisemuŋ muwuna taŋ, matuwam ng'ava papas ti duvuɗ na, a ɗiya taŋ ɓi taŋ takwa? A jina taŋ kutum takwa?

Ɓimezle ngi Yesu Kristu LUK mitil di mi 2:37

A cifi wudiga joˀ pal naŋ, hã vi ngi yi naŋ a ndila kukur dangafaɗ nga mufaɗa. N'anta pula hay ngi Bumbulvuŋ ta, ara huruk huruk a mbuŋ Buymisemuŋ duvuɗ ti papas gar ti gi dalyam ati dira dibiɗi.

EFESEY 2:3

Zleˀe kwana, ndra gar ka taŋ vuna ya. I sipam gwat kpak ngi vu ndra mahĩyã. I gam gwat vu ndra ati lesl ndra mawuɗo. Naŋ kine, ti kpak ngi vu ndra na, i ndilaka le ɓa Buymisemuŋ a zuɓ himaˀ ar ndra kaɓa naŋ mazuɓ ar mizli mekelemey na ya.

TIMOTE MUDUMBUŊ NAŊ 5:5

Ngwas wudiga migisiŋ gisiŋ pal naŋ na, miki slimiɗ anga anta na, a njih hiri le njah ar Buymisemuŋ, ara hurdum ti dira dibiɗ waɗ ti tumbulo Buymisemuŋ, duvuɗ ti papas gar, ɓa a jinaŋ.

TIMOTE MUCUW NAŊ 1:3

Duvuɗ ti papas, ya miradir dibiɗ gar na, i ra zila slimiɗ ɗike, ko mbak le anta. I ra ga sise da Buymisemuŋ, ya magaŋ slra ti mevel mezleŋ, kaɓa dideˀ ɗuwoy zleˀe na ya.

ZAŊ MUDUMBUŊ NAŊ 1:9

Amma da i ra ɓaka mungra ndraˀahaya njah njah na, Buymisemuŋ, ndra misinakaŋ njah, yo naŋ mijeŋŋe, yo naŋ kaslsla na, a sa puya mungra ndrahay avra, a buna ndra gwat malambaˀ ndraˀahaya gar avra.

SAMUYEL MUDUMBUŊ NAŊ 15:11

«Ya miga ɓa Sawul a cifi i buy na, yi ra likaŋ, asi a mbiɗi duba le avu ya, yo mingiɓi ɗu ya muɗuvaŋ di na, a ja a hirnga ta.» A ga Samuyele welele teˀ, a tumbulo Buymisemuŋ ngi duvuɗo, hã li daŋ daŋ.