NEHEMI 1:5 - Bible en langue guiziga

⁵ Yi ɓaŋ: «Aw Bumbulvuŋ, Buymisemuŋ ngir birngiŋ, ki Buymisemuŋ madiɗa, yo ki Buymisemuŋ magi zluwun da mburu. Mizli mawuɗokuw, yo majaka ɓimuɗuva ɗikey a hirnga na, ka Buymisemuŋ, ki ro ti jumoˀay ati taŋ, yo k'ada teŋteŋ avu taŋ.

NEHEMI 1:5 ပူးပေါင်းရင်းမြစ်များ

BUYOY MUDUMBUŊ NAŊ 8:23

Joˀ a ɓi: «Bumbulvuŋ, Buymisemuŋ ngi Israyeley, Bumbulvuŋ misi kaɓa ka, ko ar birngiŋ a muŋ anta, ko a ruwuy aka anta ma. Gawla ɗikeye, da t'ada ram kuy kuti mevel purla a mbuŋ ɗike na, jumoˀay ɗik ati taŋ, K'anta ngila ɓi nah ta, yo ki ndir teŋteŋ avu taŋ.

ƁI NGI HIN GAR MUDUMBUŊ NAŊ 17:21

Naŋ kine ya, sukwi mekelem a ruwuyo, misi kaɓa sukwi Israyel ada kwa? I sukwi ka Buymisemuŋ mira tuɓo di asi haŋ Eziptehey, ɓa a tiri sukwi, ɗiki. Slimiɗ naŋ ara zil, ara gi gwat ngi gi zluwun ngi ɓula sukwi ngi mizli a mbuŋ sukwi naŋ.

ESDRAS 1:2

Sirus, buy Perse, a ɓi ani: «Ya Siruso, zumabuy ngi si ruwuy gar na, Bumbulvuŋ, Buy muŋ, a vuliy di le da ya, yo naŋ ti hirnga naŋ vuna a ɓiy, ɓa i ra ndiraŋ hay a Zeruzalem, hirwuy Zuda.

NEHEMI 2:4

Buy tuwa, a cufuɗiy: «Ki wuɗ na mbri ska?» Akẽh na, yi dir dibiɗ da Buymisemuŋ ngir birngiŋ,

NEHEMI 4:14

Da kum misa cinam fi tulumo le ar li wanaka gar na, kusoko ng'avi ndra. Naɓa Buymisemuŋ ndra a sa kiɗ vu asi ndra na si.»

NEHEMI 4:8

A dirba ya muɗumburo li ɗumbur ɗumbur na, joˀ yi ɓa mizli madiɗa ngi buyoy ati migi kiitahay waɗ mizli mekelemey gara: «Anja ki zluwunam ti taŋ ta. Wulkam keŋ ayɗi! Buymisemuŋ i madiɗa, yo a gi zluwun da mbur. Kum cikam vu vur sukum kumoy, ziri kum mizilehey ati mongosohoyo yo vur ngwas kumoy waɗ vur hay kumoyo.»

NEHEMI 9:32

Na wurenna so na, ka Buymisemuŋ ndra, Buymisemuŋ madiɗa, migidaŋ, magi zluwun da mburu, ma ngila jumoˀaya ta, yo ki Buymisemuŋ miteŋteŋ. Bonoy ndra mijam di hirnga ati buy madiɗa ndrahay, buy meciɗek ndrahay, masay ndrahay ati mijiviɗ ɗik ngi si ndrahay, dideˀ ndrahay ati mizli ɗikey gar na, ki slimiɗ anga takwa. I bonoy mindilo ndra zle ti hin ngi buy Asirihey, hã dana na.

DIMISEY 47:2

Kum sukwi ngi mizli gar, kiɗaka haŋ da Buymisemuŋ, hunumakaŋ, jakaŋ salalay.

DIMISEY 76:8

Kay, ki gi zluwun da mburu! Daka miji mevel le na, ma cici a mbuŋ ɗike gu i waka?

DIMISEY 89:2

Bumbulvuŋ, gi mezle ɗik mihaɗa na, i wuɗ i zli di dimis ndrehhe, gi teŋteŋ ɗike, i wuɗ i til di mi da dideˀ ndrahay gar masa ya ka taŋ nga mbuŋ nga mbuŋ na.

DIMISEY 89:3

Naŋ kanah gisiŋ, i ɓa njah: «Gi mezle ɗik a ɗuv virzi le ngi caˀa, gi teŋteŋ ɗike, ki cica ɓi nah le gidaŋ gidaŋ a muŋ.»

DIMISEY 89:8

Buymisemuŋ, ar li ngilawuy ngi mizli ɗikeye, ki ga taŋ zluwun haɗi teˀe, Buymisemuŋ ki gi zluwun da mbur haɗa fineˀ mugun hirnga ɗikeye gar.

BI NGI ISRAYELEY 20:6

Amma da mbur ara wuɗiy, yo ara ja ɓimuɗuva ɗuwoy a hirnga na, i sa gaŋ mezle gbaˀ avu dideˀ dideˀ durmuk mbeˀ mbeˀe.

Slu cuw 7:12

Da ki jam lesl le kuy kuy asi ɓi ngi sirikeye, ki ra gam taŋ slra kuy kuy na, naɓa Bumbulvuŋ Buymisemuŋ kumo, jumoˀay naŋ naŋ miɓa ti hudum da dideˀ kumoy tuwa na, a sa ga cummo ar kum.

Slu cuw 7:21

Ki jijikam ti mizli tayna ta, asi Bumbulvuŋ Buymisemuŋ kumo, naŋ da a wuzla kumo. I Buymisemuŋ madiɗa magi zluwun da mburu.

Slu cuw 7:9

Sinaka sin le, Bumbulvuŋ Buymisemuŋ kumo, Buymisemuŋ mijeŋŋe pal i naŋ. Mizli mira wuɗakaŋ, mira jaka ɓimuɗuva naŋhay a hirnga na, a ga taŋ gwat ngi jumoˀay naŋ na cummo, hã avu dideˀ dideˀ durmuku.