NEHEMI 1:3 - Bible en langue guiziga

³ Taŋ a mbiɗikiy di: «Mizli mumoko ti ruwuy mulak, nga ruwuy buy Zuda miwa a diga, a roko ti bonoy madiɗa waɗ ar mesem. Asi mike na, a slinaka mohol ngi Zeruzaleme le njoŋ njoŋ, yo ma na, a wuraka miviŋ ngi mizlingreheye le.»

NEHEMI 1:3 ပူးပေါင်းရင်းမြစ်များ

BUYOY MUDUMBUŊ NAŊ 9:7

naɓa kum Israyeleye, yi sa bi ti kum avra ti ngi hirwuy ya muvulukum di na. Yo Hay misenna, ya mitiri di pal ɓa yi ndir ara tuwa na, yi sa pula mbak zlõh avra. Dar mizli gar a sa singiram ar Israyeleye, a sa kiɗam ti taŋ mambaˀ.

BUYOY MUCUW NAŊ 25:10

Soje Babiloŋhoy mikisoko madiɗa ngi soje mijigina liheye, a wahaka mohol mugun hirnga ngi Zeruzaleme.

ƁI NGI HINEY MUCUW NAŊ 36:19

Dar Babiloŋhoy a wuraka hay ngi Buymisemuŋ, a wahaka mohol ngi Zeruzaleme, a wuraka hay ngi buyoyo, yo a hiryaka gwat mupuɗaw puɗaway ngir walahaya cek.

ESDRAS 2:1

Nabukodonozor, buy madiɗa ngi Babiloŋ, mizli, naŋ mija taŋ zleˀe nga Babiloŋ na, mizli asi taŋ mumoko nga Zeruzalem waɗ nga Zuda, mbur gar aru ng'ar walahay nga naŋ nga naŋ na, t'ani.

ESDRAS 5:8

Buy kumani, anja ki si na ɓi ani sin le, i ram le ar hirwuy Zuda, ar hay ngi Buymisemuŋ madiɗa. I lumaka na, ara maka hiri ngi ndir naŋ ti ɗugur miciɗa ti ciɗey, yo ɓamtalay gizl gizl ar dalama. A ra gaka slra nah ti jiviɗ naŋ, yo ara wusam di vu kutum ma.

NEHEMI 11:3

Buy miwi lihey a cifam a Zeruzalem. Asi mike na, ar walahay ngi si ruwuy Zudahaya, Israyeley, masayay, Levihey, gawla ngir hay ngi Bumbulvuŋhoy waɗ ziri ngi gawla ngi Salomoŋhoy gar na, mbur gar, a cifi ar li nga naŋ nga naŋ, yo ar walahay taŋhay, walahay taŋhay.

NEHEMI 2:13

Ti duvuɗo, i bi tir mizlingre macuh tir Sozo na, i ru kini ngir tivi miviɗiviɗi ngi yam ngi Ngongoŋ, yo ngir tivi mizlingre ngi Zay ngi gwatay. I singila mohol ngi walahay Zeruzazleme singil singil na, i li njoŋ njoŋ njurŋwayya pal naŋ, yo miviŋ ngi mizlingreheye, vu a zuma taŋ le kapa.

NEHEMI 2:17

Akẽh na, yi zla i ɓa taŋ so: «Puraka bonoy ndra maduhurom di na, asi mesene ndrahay muwahaka mohol ngi Zeruzalemey na, yo asi miviŋ ngi mizlingre naŋhaya, vu a zuma taŋ le ma! Slikiɗukum, mukum hiri ngi ndira walahay Zeruzalem a muŋ, ɓa i ndiram ti mesem mata.»

NEHEMI 2:3

Yi mbiɗa da buyo na: «Kumani, anja ki ndir ti siifa caˀa! Walahay midikaka dideˀ ɗuwoy a diga na, mizli a zumaka le, yo miviŋ ngi mizlingre ngi walahayay vuna ma na, i muwurahay le ma gar, na, i lik ta mbrike?»

NEHEMI 7:6

Mizli mijahay nga hirwuy Zuda, Nabukodonozor, buy madiɗa ngi Babiloŋ mija taŋ zleˀe, mumoko nga Zeruzalem, hirwuy Zuda na, slimiɗ ngi mizli mekelemey a wuzla t'ani: Mbur gar na, a mo ng'ar walahay naŋ walahay naŋ.

ESTER 1:1

Ɓi mutohoko angi ɗerewol hana na, a cuh ti hin ngi buy mazilaka Zerses. Buy Zerses nah vuna, a wi buy miwi lihey wal wal skat ti kukur cuw nga tarnaˀ, zle a Eŋde hã sesẽŋ a Etiyopi.

DIMISEY 79:4

Pura midigwi ndrahay ara zam ndra, mizli mugun hirnga ndrahay ara singiram ar ndra, yo ara buruɗam ndra.

MIKUCUWULOY 25:28

Walahay muwaha le, manja mohol gun hirnga naŋ na, naŋ kaɓa mbur majigina vu naŋ gu ta.

EZAYI 43:28

Mizli madiɗa kumoy ngir hay nga ya Buymisemuŋ, yi vuso taŋ vus vus, yi vula mizli ngi Zakopoyo le, ɓa a ngizlaka taŋ ar slimiɗ ɗu, yo Israyeleye, yi pula taŋ le mbak, ɓa mesene taŋhay a zaka taŋ.

EZAYI 5:5

Wurenna, i sa ɓukum ɓi ngi ya masa gi ti guva ngi gudubun ɗu. I sa turo zluɓ mugun hirnga naŋ, ɓa ginewey a zumam araŋ. I sa slina moholo ɓa mizli a cam, a kirpaka.

ZEREMI 24:9

Naŋ kanah, i tiri ti taŋ gwat ngi muɗa didak haɗa wãˀ da zuma buyoy ngi ruwuy gar. Ar li ya mizliɗa hirnga taŋ nga diga nga diga gar na, mizli a sa kiɗam ti taŋ mambaˀ, a sa singiram ar taŋ, yo a sa njiɗaka taŋ dimis, a nisaka taŋ.

ZEREMI 29:18

I sa gidiɗa taŋ ti maslalam, ti may waɗ ti jiji mozorbono. I sa ga ɓa zumabuy ngir duniya keɗeɗe gar mupuraka taŋ le na, a zluwunam, hã a sa nisam vu ti slimiɗ taŋ, i sa ga taŋ geˀ geˀ kuɗup ngi muɗa didak da mizli. Sukwi ngi mizli gar, ya masa zliɗa hirnga taŋ nga wuzla taŋ na, a sa zam vu ti slimiɗ taŋ.

ZEREMI 39:8

Hay ngi buy ati hay ngi mizli misi zliliheye gar na, Babiloŋhoy a ɗuvaka taŋ vu a wuram, a mbizlaka mohol ngi Zeruzaleme ma.

ZEREMI 42:18

Haˀaw, Bumbulvuŋ misi gidaŋ wãˀ, Buymisemuŋ ngi Israyele, a ɓi na: ‹Ya muzuɓ mevel, himaˀ fõh fõh ng'ar mizli Zeruzalemey na, kum misa ndilam le a Ezipte na, i sa zuɓ himaˀ fõh fõh ng'ar kumo kanah ya: kisa tiram mizli mihirsahay le putuk wãˀ, a sa zuwulam vu, a sa nisam vu waɗ a sa zam vu ti slimiɗ kumo. Ko kum anta sa puraka hirwuy hana mata wãˀ.›»

ZEREMI 5:10

Tuwuɗaka mohol mugun walahaya, ngurfoko gwataya, amma ki musukuɗoko taŋ tur wãˀ ta ɓula. Turoko zuwal ngi gudubunoyo, asi t'anta inga ya Bumbulvuŋ ta.

ZEREMI 52:14

Soje ngi Babiloŋhoy miki saka madiɗa ngi mijigina buyoy tuwa na, a wahaka mohol ngi Zeruzaleme rip rip, gun gun gar.

TUWUY 1:7

Zeruzaleme, ar hin tayna, naŋ maliˀi lambaˀ waɗ ar hin tayna mitikakaŋ ˀay na, gwat mupuɗaw puɗaw naŋhay gar, misi zlezlezleˀe tuwa, a wulka taŋ pay. Da mizli naŋhay a cam le asi haŋ ngi mizli mazliram ti taŋ ta, yo mbur mukulo widi taŋ anta na, mizli mazliram ti taŋ ta a puraka: a singiram ar taŋ, asi a hĩhĩyam le.

TUWUY 2:9

Mizlingre ngi Siyoŋhoy a cam le nga ruwuy, a hirya waɗ a ngila magandaŋ naŋhaya. Buy naŋ ati yarma naŋhaya, taŋ asi haŋ ngi mizli misi i duniyahay. Ɓimujuwa anta mata. Ko mijiviɗ naŋhay kwana, anta puram gwat ngi Bumbulvuŋ ti kleŋ mata.

TUWUY 3:61

Zi taŋ mazikiy ati gidiɓi taŋ vur ya gar na, ki ra cine.

TUWUY 5:1

Aw Bumbulvuŋ ndra, ɓi mandilo avu ndra na, inga wulka keŋ takwa: ani, pura taŋ mazam ndra na ayɗi!

LEVIHEY 26:31

Walahay kum madiɗahaya, i sa tiri ti taŋ diŋ, yo li gi mezegwel kumoyo, i sa tiri ti taŋ kirɗak kirɗak, waɗ mikuli ti urdi kumoy, misi zĩˀĩ taŋ a tisliy mevel na, y'anta sa zãˀã taŋ mata.

LEVIHEY 26:33

I sa pulo vurum ng'ar kum, yo i sa zliɗukum hirnga mber mber nga wuzla sukwi mekelemey. Hirwuy kum a sa tiri wuzlaɓuh mikirɗak kirɗak, yo walahay kum madiɗahay a sa tiram diŋhey njoˀ njoˀ.