NEHEMI 1:2 - Bible en langue guiziga

² Akẽh na, Hanani, mbur ngi wuzla sukum ɗuwoyo a ndilawa baɗ ti ruwuy Zuda waɗ mizli njiraˀ aseˀe. Joˀ yi cufuɗa taŋ vur ɓi ngi zude mijahay, mumoko ti ruwuy mulak, mindiram ti siifa waɗ vur ɓi ngi Zeruzaleme ma.

NEHEMI 1:2 ပူးပေါင်းရင်းမြစ်များ

ZLI VIRZI 14:10

Vigiɗ ngi tebeɗ gudroŋ ada haɗi ar sozo ngi Sidim vuna. Buy ngi Sodom ati ngi Gomoro, a kilam, ara ndilam ar taŋ, mizli mindirama, a kilam nga muwã.

BUYOY MUCUW NAŊ 24:14

Mizli Zeruzalemey ati mizli madiɗahay gar, mizli gambarahay gar, mizli misina ɗiya gwatay ati gudihey gar, jom gar na, a gam gwat ngi mizli durmuk kuruˀu. Nabukodonozor a ja taŋ ng'a ruwuy naŋ. Sey mindiram i mizli misi murga ngi si ruwuyoy tewle.

BUYOY MUCUW NAŊ 25:12

Madiɗa ngi soje mijigina liheye, a pul di i mizli misi murgahay neˀ asi ruwuyo ɓa ngi huva gudubun magam di mbaazla ati guva mekelemey.

ESDRAS 9:14

Ani i zlaka ngila ɓimuɗuva ɗikeye gu aruŋ ɓula makwa? Yo i jumom ngi ɗuva vu ati mizli migi gwat malambaˀ mukuyta wãˀ tayna gu ɓula makwa? Naɓa kisa ji mevel ar ndra, ki ngizla ndra kap, ko mbur masa ndir ti siifa loŋ anta mata takwa?

NEHEMI 7:2

Ar nah na, yi ɓi ɓa a cifaka sukum ɗu Hanani, ɓa i naŋ mawa Zeruzaleme. Yo hay muguno ti mohol, majiginam di walahaya, i Hananiya mawa naŋ ya. Asi mike na, Hananiya i mbur miteŋteŋ, a zluwun ti Buymisemuŋ fineˀ mizli mekelemey gar.

ZEREMI 44:14

Is ngi mizli Zudahay mindiram, yo mikilam nga ɗum a Ezipte na, asi taŋ, ko mbur masa lih malla masa ndir ti siifa loŋ le anta. Hirwuy Zuda, taŋ muroko ti may ngi mi ng'a cifi a diga na, ko mbur masa mi loŋ anta, t'anta sa mam mata, sey mizli njireˀ kini milaham le.»

EZEKIYEL 6:9

Mizli kumoy milaha tayna, ar taŋ misi a wuzla sukwi mijaka taŋ nga ruwuy mulak tuwa na, a sa wulkam keŋ ar ya. Mevel taŋ magi sulome, mimbiɗi hirnga avu ya, waɗ pura hiri taŋ magi sulome ati kulihey na, i sa hirya taŋ. Gwat mahiryi vu ati gi gwat taŋ mukuyta wãˀ tuwa na, a sa puraka vu taŋ kuyta wãˀ vurˀe.

EZEKIYEL 7:16

Mizli mulakay a sa kilam nga muwãhay, taŋ gar kaɓa gonokoy matuwam ar sozo, mbur gar na asi mungra nga naŋ nga naŋ.