NEHEMI 1:11 - Bible en langue guiziga

¹¹ Aw Bumbulvuŋ, jiko slimiɗ ɓa ki cine diradibiɗ nga ya gawla ɗike, waɗ ngi gawla ɗikey mahĩyãka zluwun ti ka na. Ga ɓa gwat ya mawuɗ i ga dana na, i ga gu, yo ga ɓa buy a puriy ircece takwa.» Ti di nah vuna, naɓa mavula gwat ngi si da buyo i ya.

NEHEMI 1:11 ပူးပေါင်းရင်းမြစ်များ

NEHEMI 1:6

Anja ki jiko slimiɗ, yo ki ɗuvo hiri ng'ar ya, ɓa ki cine diradibiɗ nga ya gawla ɗike takwa! Wurenna, duvuɗ ti papas gar na, i ra dir dibiɗ a mbuŋ ɗike, vur gawla ɗik Israyeleye. Mungra, ndra Israyeley mugukuw di gar na, i ra njukuw di. Ya ati dideˀ ɗuwoyo i gam mungra le avu ka.

NEHEMI 2:8

Waɗ ma na, ki vuliy letir ɓa i ru di da Asaf, mbur mijigina ɓuh ngi buyo. Ɓa anja a vuliy dum ngi ɗiya miviŋ ngi hay muguno ti mohol, migweˀ avu hay ngi Buymisemuŋ na, yo dum ngi ɗiya mohol ngi walahay ati ngi ɗiya hay ya masa cifi anga na ma.» Dar buy tuwa, a vuliy letireye so, asi mike na, Buymisemuŋ a ro ti haŋ naŋ bac ar ya.

NEHEMI 2:1

Ɓi misenna a gi angi kiya Nisaŋ, angi vi mizli ngir cuw naŋ ngi zumabuy ngi Artakzerses, naɓa mbaazla a ro taˀ a mbuŋ buyo ngbaŋ. Akẽh na, yi zuɓa mbaazla tuwa, yi paŋ di. Yi ra liki, amma yi lik ɗaˀ zleˀe a mbuŋ buyo ta.

HEBEREY 13:18

Diram dibiɗ ndrehhe vur ndra. Asi ndr'i sinaka le gisiŋ, mevel ndra i mezleŋ, i wuɗam gwat ngi gi ndra gar na, a ndir mezleŋ.

MIKUCUWULOY 21:1

Mevel ngi buyo, naŋ kaɓa mizaw asi haŋ ngi Bumbulvuŋ, a ngi di hirnga ng'ar li naŋ muwuɗ le gar.

DIMISEY 130:2

Bumbulvuŋ ɗu, cine ya maziluw, yo ya matumbuluw na, jiko slimiɗ ɓa ki cine takwa.

ESDRAS 7:6

Esdrasa, Ɓimujuwa ngi Bumbulvuŋ, Buymisemuŋ ngi Israyel muvula da Moyis na, a si na le haɗa. Gwat Esdras mucufuɗ gar avu buyo na, a vulaŋ di, asi gidaŋ ngi Bumbulvuŋ Buymisemuŋ naŋ, naŋ da ati naŋ.

DIMISEY 86:6

Bumbulvuŋ, jika slimiɗ asi diradibiɗ ɗu na takwa, ya matumbuluw na, ambuh ciniy di.

ESDRAS 1:1

Ar vi mudumbuŋ ngi Sirus mazum buy a Perse na, ɓa gwat Bumbulvuŋ miɓa zleˀe ti balam mijiviɗ Zeremi a gi muduba na, Bumbulvuŋ a ca wuluk ani da Sirus, buy Perse, ɓa a til di mi, yo ɓa a toho ti tuh toh toh da mizli ngi si ruwuy naŋhay gar ma.

ZLI VIRZI 40:21

A mi ti madiɗa ngi migi gwat ngi siheye ng'ar li naŋ a muŋ, ɓa a vulaŋ gwat ngi si a muŋ.

ZLI VIRZI 40:23

Amma madiɗa ngi migi gwat ngi sihey tuwa, anta ɓa ɓi ngi Zozefe mata, a puyuk di hirnga le.

ZLI VIRZI 41:9

Madiɗa ngi migi gwat ngi sihey, a ɓa buy madiɗa ngi Ezipte: «Buy ɗu! Wurenna yi sa wulka malambaˀ ɗu ya miga zleˀe.

ZLI VIRZI 32:11

ɓa ki giy mezle ati kaslsla ɗik, ka migiy di da ya gawla ɗik na, yi ndila ta! Asi ya mutuwuɗo mizaw Zurdeŋ na, ti ganday kaw a haŋ tewle, ani wurenna, y'ani ti mizli ngay taˀtaˀcuw.

MIKUCUWULOY 1:29

Naŋ masa gi kanah na, asi ki puraka sine hiris le, yo ki wunam di i zluwun ti Bumbulvuŋ ta.

ZLI VIRZI 43:14

Anja Bumbulvuŋ misi gidaŋ wãˀ, a ga ɓa mbur nah na a gukum mezleŋ, anja a pula sukum kum mekelem na, waɗ Benjameŋ, ɓa ki moko! I sa ndir ɗoɗok manja zuŋ, kaɓa y'anta ti ziri zleˀe ta mbrike?»

ZLI VIRZI 32:28

A cufuɗaŋ: «A zilukuw mbrike?» A mbiɗaŋ di: «A zilikiy Zakop.»

ZLI VIRZI 40:2

Buy madiɗa ngi Ezipte a ji mevel haɗi angi gawla naŋ madiɗa mucuw tayna, buy ngi migi slra ngi gwat ngi sihey ati buy ngi midi ɗafaya.

ZLI VIRZI 24:42

Ya mindilo ngadana a mi vigiɗ ngi yam na, yi dir dibiɗ, i ɓi: «Bumbulvuŋ Buymisemuŋ ngi buy ɗu Abraham, da ki ngum le gisiŋ, ɓa ki kiɗiy may ngi mulak ɗu, ya muzuɓo di hana na,

ZLI VIRZI 40:1

A dirba gwat tayna migam na, gawla ngi buy Eziptehey, madiɗahay cuw, a gam mungra ava. I buy ngi migi slra ngi gwat ngi sihey ati buy ngi migi slra ngi ɗafay.

ƁI NGI HINEY MUCUW NAŊ 6:40

«Aw Buymisemuŋ ɗu, wurenna, wuna hiri so, jika slimiɗ ngi cine diradibiɗ ya madira ar li misenna!

DIMISEY 61:5

Yi wuɗ ɓa ki tiɓiy ng'ar guɗuk ɗike ngi sete, yo ɓa y'ada ɗum a diga asi kirpasl ɗiki.

DIMISEY 106:46

Mizli mijahay le nga ruwuy mulak gar na, Buymisemuŋ a ga ɓa buy taŋhay a puraka taŋ ircece.

ZEREMI 42:12

I sa purukum ircece: buy madiɗa ngi Babiloŋ vuna masa purukum ircece ya na, a sa pulukum angi hirwuy kumo.

MALASI 3:16

Naŋ kine, mizli mazluwunam ti Bumbulvuŋ a kiɗam slir ar wala taŋ kahana. Bumbulvuŋ a jika slimiɗ le asi mingiɓi taŋ, yo a cine taŋ di le. Mizli mazluwunam ti Bumbulvuŋ, yo maɗuvakaŋ hirnga gar na, a tohoko slimiɗ taŋ le toh toh ar ɗerewol ɓaˀ a mbuŋ naŋ.