Tumbuŋ, da ziri kumoy a sa cufuɗukum le: ‹A gaka kanah vur mike› na, kisa ɓaka taŋ: ‹Bumbulvuŋ a bo ti ndra tir beke a Ezipte mbele khirba, zla naŋ migidaŋ.›
Mikuli nah na, a sa so ndra ti wuluk keŋ, yo i gwat mutoho avu hirbazla malla avu midibiɗ kumoy. Bumbulvuŋ a bo ti ndra ti Ezipte, mbele hirbazla naŋ migidaŋ na, a so keŋ a hirnga.
Moyis a ɓa mizli: «Hin kum muboko di tir beke ti hirwuy Ezipte na, anja i wulkam anga, asi Bumbulvuŋ mubo ti kum ti diga na, ti gidaŋ naŋ. Da ki ra gaka muguzlum nah na, ki zumaka ɗaf misi ˀis ara ta.
Mezegwel hana a sa sukum ti lesl keŋ, yo i gwat mutoho avu hirbazla kum malla a midibiɗ kumo ma. Ɓimujuwa ngi Bumbulvuŋ, sey ki tilam di mi na, a sa so keŋ a hirnga, asi i naŋ mubo ti kum ti hirwuy Ezipte, mbele gidaŋ nga naŋ mihaɗi na.
Amma Moyis a tisla mevel da Bumbulvuŋ Buymisemuŋ naŋ, a ɓaŋ: «Bumbulvuŋ, sukwi ɗik ka mubo di ti hirwuy Ezipte ti gidaŋ ɗik mihaɗi, yo ti hirbazla ɗik migidaŋ na, ki ji mevel ar taŋ vur mike?
Bumbulvuŋ a ɓa Moyise na: «Wurenna, kisa pura gwat ya mawuɗ i ga da buy madiɗa ngi Ezipte: i sa tikaŋ ˀay ti gidaŋ ɓa a pula taŋ a cohom, i sa tikaŋ ˀay ti gidaŋ ɓa a ɓula taŋ ti ngi hirwuy nah!»
Vurˀe, ɓa Israyeleye na: Bumbulvuŋ i ya. Slra mitakˀay ngi hirwuy Ezipte na, i sa bi ti kum ti raˀa avra. I sa loho kum tir gi beke, taŋ magam ti kumo, i sa tuɓo kum ti gidaŋ ɗu mihaɗa na.
I sa tiri ti kum mizli ɗuwoy yo i sa tiri Buymisemuŋ kum. Ki sa sinaka Buymisemuŋ kumo, i ya Bumbulvuŋ: buy mibi ti kum tir slra mitakˀay ngi hirwuy Ezipte.